مشكلة في اليوكون 2011 وابي لها حل

[سع الزهراني]

السلام عليكم ورحمه الله وبركاته



يااخواني عندي مشكلة متعبتني ومضيقه صدري في السياره انا راح اشرح بدايه المشكله:-



كنت مسافر على موتري (يوكون 2011) وفي الطريق كنت حاط القير على المنول ( التغيرر اليدوي ) وللاسف نسيت القير في نمرة 5 ومشيت عليه حوالي 10 كيلو بسرعه 170 وبعدها جت عيني على الطبلون وشفت الموتر على النمرة 5 وغيرته للنمره 6 وبعدها بثواني بدا الموتر يرتفع ضغط الهواء عندي مابين الاثنين الى الثلاثه المهم وقفت السياره وكالعاده فتحت الكبوت وتفرجت بالمكينه وسكرتها ( عاده كل سعودي ههههه :D ) بعدها مشيت وفيه مثل رجه الكفر لمن يكون مو مرصص والرجه تجيني مابين النمره الرابعه والخامسه ومشيت عليه الين وصلت لجدة وشيكت على زيت القير لقيته محروق واليوم الثاني شغلت السياره ونفس المشكله رحت وسويت لها فحص كمبيوتر مافيها شي ورحت لمراكز القيور وقالوا لي توضيب وقالوا غير زيت القير يمكن يضبط وغيرته المهم رجعت بالسياره الين الشرقية ومافيها الا الرجه هذي بين النمرتين الرابعه والخامسه ووصلت بالسلامه وشيكت بالشرقيه البعض قال توضيب والبعض قال مو من القير وللحين صراحه ماني عارف وش اسوي واتمنى مايطلع القير لان توضيبه غالي واللي خوفني يقولون مافيه قطع اصلية



ارجو من اهل الخبرة مساعدتي في هالمشكلة مدري وش خلاني اصير رومنسي هذاك اليوم واسولف وانسى السياره (رومنسي ومسرع لاحول :)) بس الحمد لله مقدر ومكتوب



تحياتي لكم

[البيـرق]

حدثت لي حالة مشابهه سابقا

وبعد جهد وعناء في البحث عن السبب

أصبح من الاطارات الخلفية الاثنين.....بها تحبيل بسيط ويظهر عند سرعة معينة

[الخالدي999]

ابد بالاسهل رصص الكفرات ليزر بشفهم بعينك اذا فيهم تحبيل او ضربات وارمه

[الخالدي999]

اذا طلع القير الله يعينك روح يم الكويت وركب قير مستعمل واحرص انه يفكه لك من السياره لاتاخذ من المفكك بالارض احتمال يكون مجدد

[سع الزهراني]

حدثت لي حالة مشابهه سابقا

وبعد جهد وعناء في البحث عن السبب

أصبح من الاطارات الخلفية الاثنين.....بها تحبيل بسيط ويظهر عند سرعة معينة

يعطيك العافيه على ملاحظتك بس جتني هالفكره ورصصت وشيكت على الكفرات ونفس المشكله صرت احسها بنفس القير بس ماني عارف ايش اللي يسبب الرجه بعضهم يقولك الطنجره ( البطيخه) وهذي بعد لازم ع كلامهم ينزل القير ويتوضب كامل

[سع الزهراني]

اذا طلع القير الله يعينك روح يم الكويت وركب قير مستعمل واحرص انه يفكه لك من السياره لاتاخذ من المفكك بالارض احتمال يكون مجدد

شوف ياعزيزي انا اول مره ادخل بسالفه الورش والتوضيب وهالكلام يعني غشيم شوي عن هالسوالف كثير قالوا وضب القير افضل من انك تاخذ واحد انت ماتدري وش اللي في بطنه لاكن التوضيب يفضل لان فيه شريحه بداخل القير وبتتعب الين تلاقي قير مناسب للسياره . اخوي قلت لي رح الكويت وخذ لك قير ايش السبب من الكويت بالذات ؟

[salih100]

لا تستعجل
لا تستعجل

هل حاولت تسوي إعادة برمجة ؟
شيك على الحساسات القير
ترا مشاكل الكهربائيه تعطيك نفس المشكله المكانيكيه لذلك انتبه انتبه لا يلعبون عليك الورش

ابداء بالاسهل
ابداء الاسهل

موب على طول تطب في التوضيب

[سع الزهراني]

لا تستعجل
لا تستعجل

هل حاولت تسوي إعادة برمجة ؟
شيك على الحساسات القير
ترا مشاكل الكهربائيه تعطيك نفس المشكله المكانيكيه لذلك انتبه انتبه لا يلعبون عليك الورش

ابداء بالاسهل
ابداء الاسهل

موب على طول تطب في التوضيب

والله يااخوي اللي فهمته انها لو حساسات القير بتطلع بالكمبيوتر والكمبيوتر يعطيك كل شي سليم ورحت ابسوي برمجه للسياره قالوا فحص الكمبيوتر مافيه اي خلل يعني المشكله من داخل القير وعلى طاري الورش انا ماني عارف اي ورشة سوا ممتازة ولا لا بس اكتب لكم اللي انقال لي

[سع الزهراني]

وللمعلومية حتى لمن تكون السياره فوق سرعات عالية او سرعات عادية ضغط الهواء اللي في الطبلون يتحرك معي على خفيف وحاس بالسياره ان فيها مشكله حتى لمن اكون مثبت السرعه يرتفع وينزل ضغط الهواء على خفيف يعني تاكدت انه مو من الكفرات

[ابو هشام.]

شيك على كراسي القير ممكن تكون محلوله او تالفه

[الحربي 591]

الطنجره تحس برجه اذا كنت واقف ماهو ماشي
واحتمال انها مشكله بسيطه ماتوصل توضيب.. اذا توضيب لا توضب الا اذا قالت هذا مكاني :) لانها خربانه خربانه :D
مشكلتك ماتوصل توضيب
وياليت تنزل مقطع يوضح المشكله

[ابوراكان تبوك]

ممكن برمجه او الرجه من القير
واسباب رجة القير ارتبها لك حسب الاحتمال
1- الطنجره ولها عدة مسميات بطيخه بيروانه هذا اول احتمال
2- فلتر الزيت اذا كان متسخ يسبب رجه
3- طرمبة زيت القير تسبب رجه وقيمتها تعادل قيمه قير كامل

[محمد_حسن]

سؤال لك هل الرجه متواصله او تيجي وتختفي. انا عندي كابرس وفي رجه عالجير الرابع ثواني وتختفي مع صوت طرررر. طلعت من الطنجرة.

[سع الزهراني]

يعطيكم العافيه على اهتمامكم
الاخ ابو هشام/ شيكت على كراسي المكينة ومافيها شي وللعلم مغيرها قبل اربع شهور .

الاخ الحربي 591/ السياره وهي واقفه مافيها شي لارجه ولا شي وعلى قولتك اذا ابوضب ماراح اوضب الا لمن توقف مره وحده والله يستر.

الاخ ابو راكان تبوك/ بخصوص الاغلب قال لي البطيخه مثل ماذكرت بس اذا البطيخه لازم من فك القير وتغيير جميع القطع على حسب كلام الورش
وبخصوص فلتر الزيت غيرته مع الزيت وفيه نفس المشكله للحين مع العلم اني مغير الزيت قبل اربع اشهر ووقت ماصارت المشكله شيكت على الزيت لقيته محروق يعني ينحرق في اربع اشهر مشكله ورجعت غيرته مع الفلتر

الاخ محمد حسن/ الرجه تجي وتختفي تجي قبل لايغير للنمره اللي بعدها مع صوت طرررر فعلا

[cadillac911]

اخوي طنجرة القير صحيح انك لازم تنزل القير لكن مو لازم تفتح القير لانها خارج القير http://images.tapatalk-cdn.com/15/05/27/39420f4d411122db2c5dfa8f058ac84a.jpg


اذكر الله تكسب حسنة

[سع الزهراني]

يعطيك العافية اخوي كاديلاك على المعلومة اليوم ابشوف ايش يصير معي فيه واحد موصيني على واحد فلبيني ممتاز ابمره وابشوف وربك كريم مع اني حاس انه لازم توضيب والعب على نفسي واقول يمكن شي ثاني

[سع الزهراني]

تعرفون ورش ممتازة وشغلهم نظيف جداَ في الجبيل ولا الدمام وعليهم الكلام غير الشركات الكبيره مثل ديسكول ولا ترايستار يعني تكون ورشه شغلهم ممتاز