عندي مشكلة تايوتا - هايلكس 2009 التقطيع

[مغامرات صياد]

السلام عليكم.. صبحكم الله بالخير..

يا أخوان شريت هايلكس 2009 من فترة قريبه.. والسيارة من شريتها تقطع وفيها حشره.. احيانا يوقف السرعه على 100 واكون داعس الدعسه كامله وفجأة تفك الكتمه وتتزايد السرعه..

وديتها لورشه ونظف البخاخات.. وضبط الكويلات والبواجي.. وماتغير شي المشكله ظلت
مستمره..

^^^^
الكلام اللي فوق من شهرين تقريبا

وقبل يومين مريت ورشه وطلب مني العامل اغير طرنبة تنك البنزين..وغيرتها
ومازالت المشكله مستمره..

مع العلم الشكمان الشخالات مشيولات < أكثر من شخص قال لي شوف الشكمان وشيكت عليه ومافيه شي.

طبعا المشكله مش على طول احيانا اطلع وامشي بالسياره مافيها اي شي 100%

واحيانا يالله تمشي وتقطيع قوي داعس الدعسه كامله والسياره تقطع.

أتمنى تفيدوني

[اسم قديم]

شيك على فلتر الهواء لا يكون قديم او مسدوده الفتحه

شيك ع البواجي والاسلاك

شيك على البخاخات لياته

وغير البنزين اذا تعبي 91 غيره 95

ابداء بالاشياء الصغيره والسهله قبل الفك طرنبه وغيره

[kroom123]

فيه واحد من العيال نفس الحكاية وشال الشخال وماتغير شي وغير بواجي وتحسنت شوي وبعدها رجع التقطيع والكتمة
وراح لواحد متخصص وغير له البواجي مرة ثانية مع تنظيف وضبط
لكن وش الورسة والله مدري
هذا رقمي دق علشان اسألك وين لان المنتدى طوبل عريص
0506167638

[مغامرات صياد]

شيك على فلتر الهواء لا يكون قديم او مسدوده الفتحه

شيك ع البواجي والاسلاك

شيك على البخاخات لياته

وغير البنزين اذا تعبي 91 غيره 95

ابداء بالاشياء الصغيره والسهله قبل الفك طرنبه وغيره

قبل شهر غيرت الزيت وقال لي العامل الفلتر تعبان ولاغيرته... بغيره اليوم ان شاء
الله..

بالنسبه البواجي والاسلاك اللي بالكويلات فحصوها وكلش تمام...

والسياره صافيه وهي واقفه.. والبخاخات قلت لك نظفتهن قبل شهرين. لكن ماغير لي

صفاية البنزين.

ع العموم بغير البنزين + فلتر الهواء واشوف وش بيصير... وان شاء الله تزين السيارة..
الطرنبه البنزين غيرتها وركبت الوكاله من يومين..

يعطيك العافية اخوي.

[يالبى الهلا]

الفلتر الهواءاهم م̷ـــِْن الطرمبة المكينة تتنفس الهواء م̷ـــِْن الفلتر
ونظف حساس الاوكسجين اسود بجانب الفلتر مشبوك بة اسلاك كهرباء
بمنظف كهرباءولاتلنسة لانة حساس يتاثر باللمس

[مغامرات صياد]

غيرت طرمبة البنزين..
غيرت البنزين من أخضر لاحمر..

وديت السيارة لكهربائي ممتاز.. ونظف البخاخات والجلب كانت تعبانه وغيرها وغير صفاية

البنزين. وشيك ع الكويلات والبواجي يقول 100%


ومازالت المشكلة موجوده.. ويوم سقت السيارة وهو راكب معي يقول اللي يبين مشكلتها

طرمبة بنزين..وهو مستغرب لان نفسه اللي ركب لي الطرمبه قبل كم يوم.

[م س س]

اللمبة الصفراء والعة عندك اذا فتحت السويتش؟
اذا اشتغلت السيارة هل اللمبة لازالت مولعة ؟
هل نظفت حساس الهواء وبوابة الهواء ( الثرتل)
موترك دعسة البنزين كهرب فيه أمور كثيرة تترتب على هذه المشكلة .

[مغامرات صياد]

اللمبة الصفراء والعة عندك اذا فتحت السويتش؟
اذا اشتغلت السيارة هل اللمبة لازالت مولعة ؟
هل نظفت حساس الهواء وبوابة الهواء ( الثرتل)
موترك دعسة البنزين كهرب فيه أمور كثيرة تترتب على هذه المشكلة .

اللمبه الصفراء اذا فتحت السويتش والعه ولاشغلت السيارة تطفي...

جيت الكهربائي المغرب يقول فحصت كل شي شغال... مابقى الا منظم الهواء.. ونظفه ومشيت عليها..وفلتر الهواء يقول جديد لاتغيره.. وبكره ان شاء الله بجربها اليوم الجوغبار ..

بالنسبه لدعسة البنزين ماعرف هل هي كهرب أو لا.. .لكن اذا دعست الدعسه ع

طول يطلع صوت مثل الطق بالمكينه.

اتمنى تفيدوني الى الان دفعت اكثر من 3000 ع هالمشكله.

[غافي]

اخوي انت من وين ؟

[اسهيل]

حساس الهوى

[THE KILLER]

يرجال حرام دافع ٣ اللاف ؟؟؟؟؟ ول عز الله رحنا ملوخية .. مشكلتك ممكن كهرباء. جربت تنظف حساس الهواء ؟؟. ليات توصيل البنزين شيك عليه. ؟ فلتر البنزين واجب تغيره مايكلف ٤٠ ريال. لنه اذا انسدت فلتر البنزين يضعف ضغط الطرمبة. شيك علا الحساسات. واذا موترك مولعة لمبة المكينه افحصها كمبيوتر يطلع لك الخلل. ممكن فيه امور في امور واجد حساس فلتر الهواء او بمعنى ( حساس كمية تدفق للهواء ) ممكن يبيله تنظيف احتمالات كثيرة

[مغامرات صياد]

السلام عليكم.. يا اخوان

غيرت طرمبة البنزين

غيرت فلتر الهواء

نظفت البخاخات وغيرت الجلب

غيرت فلتر البنزين ( الصفاية )

والان السياره فيها كتمه وفي الغالب تجي لاتجاوزت 100 مريت اليوم اخر كهربائي صلحتها عنده يقول مشكلتها ميكانيكا ماهي كهرب.. اتمنى تفيدوني السياره خسرتني كثير
وطابت نفسي منها.

[مغامرات صياد]

حتى حساس الهواء نظفته.

[انا العربي]

صارت لي مشكلة قريبه من مشكلتك بتاهو
وغيرت بواجي واسلاك بواجي ونظفت حساس الهواء اللي يجي عند الفلتر
ولا فاد
واخر شيء فرغت الدبات وحصلتها متسكره واستانست قلت بس لقينا المشكله
واخذ كم يوم مستانس مافيه كتمه الا وهي تجي الكتمه ويرتفع ظغطي

ورح لأكثر من فحص كمبيوتر قالوا لي حساس الثلاجه وحساس التيمن
وامر اخر فحص وافحص عنده قالي هذا حساس الهواء قلت نظفته قال خربان ماينفع

ويفك السلك اللي يركب بفيش الحساس قال غيره بجديد ولا بكيفك لاتغيره مايضر
والان اسبوع كامل اختفت المشكله ولا لي نيه اركب جديد
افصل السلك وشوف

[خالد الفووزان]

افحص كمبيوتر مرتين باستخدام جهازين مختلفين لان بعض الاجهزة فاشلة .
اذا ما طلع لك شي رح لاماكن فحص الكمبيوتر و خل واحد يركب و يشبك الجهاز و يسوق السيارة الی سرعة 100 وفوق و يشوف قراءات اللي تظهر بالجهاز لان ممكن مثل الكويلات سليمة اذا انت واقف و اذا اسرع ما تعطيك الكهرب الصحيح لان فيها ضعف .

[salih100]

مشكلتك كهربائيه 100 بالميه لا تفك مكينه ولا شي

جرب تغير كمبيوتر من التشليح اذا ضبط

او عندك مااااااااس في اسلاك حساس الهواء اتبع اسلاك الحساس من القربه وامش معها اذا دخلت الضفيره الين علبة الافيوزات وباذن الله تلاقي الماس

[hassan611]

هلا وجت حل للمشكله او لا لان انا توها بدات تقطع سيارتي 2008وابي اشوف ايش سويت فيها:hot: