استشارة وما خاب من استشار

[عمرين العمري]

السلام عليكم ورحمة الله وبركاته
إخوتي الكرام
أريد أن اشتري لاند كروزر وحصلت VXR موديل 1996 خليجي ماشي بحدود 275 ألف كيلو
السيارة قير اتو ومقاعد جلد
وسؤالي ايش عيوب هذا الموديل وهل تنصحوني فيه وكم يسوى
وسلامتكم

[عبقري91]

مشاء الله تبارك الرحمن الف مبروك الموتر والله يعطيك خيره ويكفيك شره
ركب فرارات لدبل يرتاح من العره ويخف معك

[أصيل حجآ زي]

السلام عليكم ورحمة الله وبركاته
إخوتي الكرام
أريد أن اشتري لاند كروزر وحصلت VXR موديل 1996 خليجي ماشي بحدود 275 ألف كيلو
السيارة قير اتو ومقاعد جلد
وسؤالي ايش عيوب هذا الموديل وهل تنصحوني فيه وكم يسوى
وسلامتكم



.

.

.

وعليكُم السلآم

ورحمةُ الله وبركآتُه .

.

.

أخي :

أول شيء ///

مقآعد الجلد من أسواء المقآعد

ما تصلُح ألا في بلآد بآردة جدآ ما هي عندنا .

يعني /// مقآعد الجلد ما هي ميزة هي سيئة جدآ .

.

.

.

الشيء الأخر :

وصل حوآلي ثُلثين عُمرهُ .

.

.

الشيء الأخير :

لو أشتريتهُ وقبل شرآئه .

أفحصهُ في عدة ورش فحص جيد .

.

وأن شريتهُ :

فغير جميع الزيوت ‘ والسوآئل .

والسيور والصفآيآت { فلتر filter }

صفآيآت الهواء / الزيوت / الوقود وأقمشة الفرآمل .

.

.

.

:good2:

.

.

.

.

[عمرين العمري]

الله يجزاكم الخير بس أحس ممشاه معقول 275 ألف وأنا بالعادة أهتم جداً بموضوع الزيوت وسوائل المحرك والتبريد والفلاتروفلوسي على قدي فما راح أقدر أجيب أحدث منه ، فكيف هل تشوفون أشتري الموتر بعد الفحص الزين أو أدور غيره
وأمر آخر ما هي فائدة الفرارات وأنا ما أدخل بر تقريباً طلعاتي قليلة فهل أركبها أو أكتفي بترك السيارة على حالها
وبالنسبة للجلد فمعاك ما هو ميزة هنا بس هذا وصف السيارة
وأخيراً أخي أصيل أسعدتي بمرورك وكانت لدي استفسارات عن سيارتي السابقة بعتها بالأمس ليلاً فياريت تعطيني طريقة للتواصل معك مستقبلاً
وفي النهاية أرجع وأسألكم فإنصحوني هل أشتري السيارة أو أدور غيرها
وسلامتكم

[يالبى الهلا]

اي ممشي معقول؟؟؟؟ سيارات مديل 2010ماشي اكثر م̷ـــِْن هذاااا1997موديل قديم اكثر م̷ـــِْن 600 ممشاة الحقيقي

[يالبى الهلا]

انا م̷ـــِْن راي ابعد عنة موتر قديم وصيانتة مكلفة و8سلندر انحش !!!!!!
حاول تشتري جيب 4سلندر صيانتة بسيطة وغيرمعقد علي قد فلوسك ووتحصل موديل حديث

[ابوراكان تبوك]

لي وجهه نظر تختلف عن الاخوان وانا اكتب اللي اقتنع انا به شخصيا بدون مجامله والمشورة أمانه

275 الف على موديله يعتبر سيارة بايكه
مكائن هذا النوع قوية جدا جدا جدا
الجلد يعتبر ميزه وليس عيب اذا كان به شقوق او يزعجك او يحتر الحل موجود بالتلبيسه الامارتيه بـ 600ريال

التماتيك دائما مكائنها نظيفه لان ماجاها ضغط لكن ثقيل في الطلعات وداخل البلد ينفع للخط مع الفرارات يمشي لكن في الصحراء كنك شايله على ظهرك واذا انت طويل بال انسى هذا الموضوع

لانويت تشريه ركز على هذا في الفحص ( وهاذي طريقتي بالفحص اكتبها لك ولغيرك لكي يستفيد ان نسيت شيء اعذروني )
الورش انا لا اثق في فحصهم لانه شفته بعيني خررررررررطي

1- اسأل البائع هل ينقص الزيت على ممشى 4000 مع اني اعتقد انه ع ممشاه ماينقص الى 5000 ( اذا خفت او لم تثق في كلام الشخص او كان غريب عنك ولا تعرفه افحص ضغط المكينة بالكمبيوتر ان اعطاك نسبه من 90 وفوق ممتاز )
2- شوف العداد كم ماشي ع زيته اذا كان صاحب الموتر يحسب ذلك وقيس الزيت وتحسس لزوجته
3- أسأل البائع متى اخر مره غير زيت القير وكذلك افحصه ( لانه يتغير كل 80 الف )
4- شغل الميكف الامامي لين يبرد هواه مره وبعده شغل الثلاجه راقب هل يضعف تبريد المكيف الامامي بعد تشغيل الثلاجه واذا المور تمام شغل معهم المكيف الخلفي مع ملاحظة هل الهواء بارد جدا للمكيف الخلفي على Lo
5- قد السياره في شارع وسيع على سرعه 80او 100 وارفع قدمك عن البنزين وركز هل يوجد اصوات
6- وانت تمشي بسرعه 60 مثلا شغل الدببل الخفيف حتى لو كان زر ولاحظ هل فيه تغير بالاصوات او ظهر صوت
7- افصل الدبل الصغير وجرب القير على جميع النمر مع مراقبه عدم تأخر تبديلات التروس وبعدها وانت تمشي بسرعه 70 مثلا وهو على d انقله على n وانت تمشي ورده d اذا لقم القير وواصل السير وقبل الدعسه ولم يفصل هنا القير جيد واذا فصل معك انزل عن السياره وقول له الله يرزقك
8- امشي ع الموتر مدة 3 دقائق ع الاقل بسرعه 160او 170 مع المكيف وراقب الحراره جيدا كذلك قم بالتبديل بين التانكيين اذا كان يوجد في السيارة
9-اذا الامور تمام جرب الدبلين الكبير والصغير في الرمل
10- توجه للبنشري وانزل تحت السياره وشغل كشاف جوالك وافحص الشاص من البداية للنهاية وافحص صوف الدبل والكوارين والصوفه اللي بين القير والمكينه وشوف حواف الكرتير هل عليه معجون زياده او مركب يدوي وللمعلوميه المعجون الاصلي حق الوكالات يا برتقالي او اسود ومعجون الورش بالعاده واللي بالسوق اللحين رمادي لأنه هاذه النقطه الفاصله اللي تبين لك ان المكينة مفكوكه او لا

هذا ما اتذكره وليس مهم تطبيق جميع الامور بعض الاشخاص اللي عندهم خبره او استخدم هذا النوع يعرف الموتر من اول مايقوده قياده بسيطه
قريت احد الردود انه كتب لك 8 سرندل وهذا غير صحيح الـ 8 سرندل جاء من 98 وفوق

بالتوفيق لك اخي

[ع ــقــاب]

يا أخي الغالي عمر السيارة و ممشاها ليس دليل قاطع على النظافة أو العكس , بعض السيارات ماشية أقل من 100 ألف وتلاقيها ماتسوى بسبب سوء الاستخدام , وبعض السيارات ممشاها فوق 300 ألف وتلاقيها مثل الوردة وتضاهي السيارات الجديدة في النظافة , وبالنسبة للي يقول السيارة 8 سلندر هذا غلط الجيوب هذي تجي 6 سلندر حتى فئة الفي اكس ار وصيانتها ماهي معقدة , الله يكتب لك الخير ولا تنسى الاستخارة ثم فحص السيارة فحص دقيق وفالك التوفيق

[عمرين العمري]

الله يبارك فيكم جميع
أحاول إن شاء الله أفحص الموتر وأعلمكم بالي يصير معاي
وجزاكم الله خيراً ونفع بكم ولا أستغني عن مشورتكم