لسنا متشائمين

[نار بن عمار]

اعتقد ان الرسالة وصلتك الان لسنا متشائمين ولكن ما أظن فيه اشد من ها البرد والا بعض مناطق القصيم تسجل لليوم الرابع على التوالي تحت الصفر ومناطق شمال المملكة سجلت اقل من القصيم و كما قال الاخوان ان الماء متجمد حتى قبيل الظهر في عدة مناطق ويقولون ان البرد كان اقل من التوقعات ؟؟؟ وللمعلوميه ان الموجة التي اثرت علينا لم يسبق لها مثيل الا عام 1409 نسأل الله ان يرحمنا برحمته (جامدين لنا اسبوع ويقولون ما جا برد) تحياتي للجميع

[سلكي نت]

والله ياخوي اني من اسبوع متكسر من البرد ،ولعت في الحطب كله .... وطالت يدي لحطب جيرانا ... وجيران جيرانا ....وما بقي عندي غير ( المرأه ،،، والسيارة )... وفكرت أولع في أيهما ،،، قلت السيارات غاليه ... الكابرس وصل 155الف :no2: ... لذا فكرت اولع في المرأه... بس ياخوك المشكله شاصي قصير ... يعني ان طولت ساعه وتجمر:no2: ... قلت اولع في البيت احسن... واتدفى داخله :alarm: :hot: ............؟؟؟

[النصوح]

أنت دايم مثير في مواضيعك يابن عمار 00

واللي يقولون ماجانا برد أتوقع لأسباب أهمها :

تفاؤلهم وتحاشيهم الضجر خوفا من أن يقعوا بالقنوط منرحمة الله دون أن يشعروا 0

والسبب الآخر عدم تسجيل درجات حرارة قريبة من الأرقام القياسية كالتي سجلت في عام 1409 مثل 14 تحت الصفر في طريف

و7 تحت الصفر في القصيم [ على الأقل حتى الآن ] والشتاء فيه متسع للوصول لأرقام 1409 لاسمح الله 0

بس تبى [ الصز ] الصدق والله برد هالسنة وإذا كنا من الحيين إن شاء الله يبي يذكرونه خاصة جيل الشباب اللي مالحقوا برد منول

اللي أقربه للذاكرة برد 1409 [88 | 89 م ] ونوعا ما برد 1412 [ 92 م ]0

وسلامتك يالغالي 0

[نار بن عمار]

لاوالله برد الله يستر

[رمان]

أخي بن عمار جزاك الله خير وفعلاً تخصصك برد (مواضيعك الهجوم العنيف-مزيداً من البرد قادم وغيرها)

[جاكم التويبع]

اعتقد ان الرسالة وصلتك الان لسنا متشائمين ولكن ما أظن فيه اشد من ها البرد والا بعض مناطق القصيم تسجل لليوم الرابع على التوالي تحت الصفر ومناطق شمال المملكة سجلت اقل من القصيم و كما قال الاخوان ان الماء متجمد حتى قبيل الظهر في عدة مناطق ويقولون ان البرد كان اقل من التوقعات ؟؟؟ وللمعلوميه ان الموجة التي اثرت علينا لم يسبق لها مثيل الا عام 1409 نسأل الله ان يرحمنا برحمته (جامدين لنا اسبوع ويقولون ما جا برد) تحياتي للجميع
والله انك صادق برررررررررررررررررد لي اسبوع ما دفيت ونا لابس كل الملابس الي بدولابي ولا نفع وجربت الدولاب الي بجنبي ولا نفع ما فيه فا يده بردددددددددددددددددددددددد

[أبو محمد 2007]

يشباب المربعانيه طلعت ولا ماطلعت اذا كانت مطلعت كم بقيله وتطلع

[النصوح]

تنتهي في 9 يناير والله أعلم 0

بس ترى البرد باقي فيه توك بالمنتصف 0

[كشّات]

درجات الحرارة المتوقعة خلال 10 أيام بإذن الله على القصيم
http://www.weather.com/outlook/travel/businesstraveler/tenday/SAXX0030?locid=SAXX0030
والرياض
http://www.weather.com/outlook/travel/businesstraveler/tenday/SAXX0017?locid=SAXX0017

وتوقعات الأمطار خلال 15 يوم
http://wxmaps.org/pix/prec9.html

ولا زلنا نقول باالتفاؤل طيب ويوم الجمعة القادم بإذن الله تغيرات في الجو وخاصة الدفء