المساعد الشخصي الرقمي

مشاهدة النسخة كاملة : مشكله في قير جمس 2004


عجيبان
31/05/2015, 12:23 AM
السلام عليكم ورحمة الله

اخواني ابي فزعتكم ، سيارتي من نوع جمس سييرا 2004 قير تماتيك دبل ارضي المهم عندي مشكله في تبديلات القير ، مع النمره الاولى القير ينتع والثانيه يطلع صوت مع التبديله والثالثه و الرابعه احسه يعشقها ورى بعض ، عموما رحت ورشه وفحص الموتر قالي الكلتشات تعبانه ويلزمك توضيب ، انا صراحه احترت

هل الكلتشات فيه امكانيه تتغير لحالها
او اشتري قير من التشاليح
او اوضب القير كامل

نبي شوركم يالربع اهل الخبره يفيدونا
عجيبان
31/05/2015, 09:01 AM
لرفع

افيدونا يالربع
عجيبان
31/05/2015, 09:03 AM
يا اصيل حجازي وغيرك من الاخوان الكرام ابي منكم جواب كافي
cadillac911
31/05/2015, 09:14 AM
اخوي معايا خمس وكانت كل تغييراته 100? لكن من الاول الى الثاني فيه نتعه سويت كل الين في الاخير وضبت وصلك ولله الحمد


اذكر الله تكسب حسنة
salih100
31/05/2015, 09:57 AM
قبل التوضيب احتمال انه حساسات القير لا تطب توضيب على طول

هل اذا حصلت المشكله وهو بارد ولا اذا سخن

واذا حصلت معك المشكله افصل البطاريه واشبكها اذا انتهت المشكله فتاكد انه حساسات قير
F34666
31/05/2015, 03:30 PM
الجمس عليه قير خايس في الرمل على طول يحرق الكلتش صارت معي اكثر من سيارة انصحك توظب القير عند واحد فاهم انا وظبت القير في القصيم بريدة بي 2500 ريال وطلع وكالة 2004 دفرنسين ثمانية مسمار بس عند واحد راعي ذمة
عجيبان
31/05/2015, 09:43 PM
اخوي معايا خمس وكانت كل تغييراته 100? لكن من الاول الى الثاني فيه نتعه سويت كل الين في الاخير وضبت وصلك ولله الحمد


اذكر الله تكسب حسنة

زين الحمدلله اهم شي ضبط معك
عجيبان
31/05/2015, 09:44 PM
قبل التوضيب احتمال انه حساسات القير لا تطب توضيب على طول

هل اذا حصلت المشكله وهو بارد ولا اذا سخن

واذا حصلت معك المشكله افصل البطاريه واشبكها اذا انتهت المشكله فتاكد انه حساسات قير

فصلت البطاريه وماراحت المشكله
ف الغالب اذا كان القير ساخن تكون المشكله اوضح اذا كان بارد تجي خفيفه
عجيبان
31/05/2015, 09:46 PM
الجمس عليه قير خايس في الرمل على طول يحرق الكلتش صارت معي اكثر من سيارة انصحك توظب القير عند واحد فاهم انا وظبت القير في القصيم بريدة بي 2500 ريال وطلع وكالة 2004 دفرنسين ثمانية مسمار بس عند واحد راعي ذمة

في ذي انا معك ماينفع تكده بالطعوس يتعب على طول
عموما انت وين موضبه بالقصيم وكم صار لك من يوم وظبته وهل بعد التوظيب يقل عزم الموتر

اتظر ردك يابن الاجواد
غافي
01/06/2015, 02:23 PM
عندك
ورشة فايف كارز
بالرواف عندهم فلبيني قديم مهندس تخصص مكاين وقيور
فنان ورخيص سعرهم وشغله تمام كثير يوضب
هذا رقم السعودي مديرهم
٠٥٠٩٥٤٤٦١٧
1824
01/06/2015, 08:54 PM
its very impotent after you finish the rebuild you put transmission cooler
وطن العزة
01/06/2015, 08:58 PM
أتوقع موترك اذا سعودي ودبل يجي فيه مبرد خارجي صغير


شله وركب مبرد أكبر منه لأن على كلامك المشكلة اذا احتر القير

أما سالفة النتله من الأول للثاني اشوفها طبيعيه ولا هي مستمره موجوده
بموتري وعند كذا واحد أعرفه حتى اللي مطلعه وكاله فيه هالنتله
F34666
02/06/2015, 01:38 PM
وضبته عند ورشة اخدان في بريدة بصناعية الرواف والعزم بعد التوضيب زاد بشكل كبير صاري موضبه اكثرمن سنتين بدون اي مشاكل