معروضه علي شوزن بجليك ام شجره امز زناد مذهب ومحتارح

[الحداااق]

الشوزن بجليك مثل ماهو بالعنوان ام شجره وماصورتها سلم وزنادها مذهب ونظيفه جدا ماصورتها على مااضن 30 انش .. شفتها عجبتني لكن متردد ....
ابي نصيحتكم

[قناص الوعول]

تأكد انها 3 انش ماقنوم اذا اقل ما انصح فيها

[المتلولس]

بالعكس اذا اثنين وثلاث ارباع بيت النار احرص عليها احر رمي من المقنم بس ماترمي ضغوط حدك ٤٠قرام

[ابن كديميس]

وناخوك اذا كان سعرها غالي مانصحك فيها
اذا كانت مقنم ولا عاديه
لان كلها ماتتحمل الفشق القوي
لا زم تراعيها بالفشق يعني خل رميك اكثر شي 32
يعني تحملها زي الشوازن التركيه
ازين مافيها البلجيك ماصورته فاذا عزمت عليها تاكد ان من رمي مشروط وماهي مغيره
وترى البلجيك ماصورته بدون جسر ارغب بالبيع والشراء
واحرص على القديم منها لانها امتن حديد
واختلاف ماصورت المقنم 3انش عن العاديه 2ثلاث ارباع
النظم للحلبي ازين العاديه من 3انش
والحراره يحكمها ضوق الماصوره من اولها لاخرها لانها بدون تشكات
ومقاسات البلجيك واجد فيه الطيب وفيه اللي لك عليه
كلامي فقط على البلجيك.

[hadi.9]

طيبة باالحيل
وبخصوص الفشق 32 و36 يأدي الغرض
عندي سوبر ماقنوم ولافكرت ازود عن 40

من كثر الصيد

ماله داعي الزياده وهي فعلاً من الصناعات الممتازه

بس تأكد انها بلجيك

ويعطيك خيرها ويكفيك شرها

موفق ياصاحبي

[ذيبان_]

ان كانها نظيفة مافيها شروخ او كسور بالمكينه والماصورة من الداخل نظيفة خذها

الخشب لا يهمك اهم ما عليك المكينة والماصورة .. وجربها قبل لا تشتري وان كان عندك شوزن ثانية قارن بينهم على جوالين الزيت(شل الحديد 4 لتر ) عشان يبين الفرق بين حرارة البندق والبلجيك

[ذيبان_]

وان كانك صملت عليها غير خشبها بفيبر لان خشبها دايم يتكسر

[الحداااق]

الله يجزاكم خير جميعا لكن الي مافهمته الكلام مقنوم و٣ انش
بخليه يصورها ونزل صورها قريباً

[سوبربانلي]

3 انش يعني ترمي الى 56

2/3،4 ترمي من 42 وتحت وتجي احر رمي يعني كل ماقصر بيت النار تكون الشوزن احر رمي

لكن دايم مواصير البلجيك تعطي مع ضغط 32 اذا الماصوره زينه

ان اخذته فصل ابره حديد افضل ﻷن الغالب تنكسر ابرته ولا تعديه ضغط 36 واحرص على تنظيفه والتزييت