الجمارك صادروا لاسلكي

[Mr7ssone]

السلام عليكم

كيفكم يا شباب

المهم انا شريت لاسلكي من الخارج قلت خلنا نجرب ، ماامداه يوصل الرياض الا وجاني رساله يقولون تم مصادرة الشحنه من قبل السلطات

المهم الحين يقولون لازم تجينا الجمارك في الرياض ، وانا صراحة في الجنوب بعيد ، ولا باجيهم ، وفيه ناس يقولون لازم تروح تكتب تعهد والجهاز الله يخلف علينا

نصيحة اللي يبي استعمال يشتري من هنا ويرتاح

مدري وش علمهم اللي عنده اقتراحات ياليت يكتبها

وشكرا

[خالد الشمري20]

السلام عليكم ورحمة الله وبركاتة

أولاً الله يعوضك ويخلف عليك با أحسن منه

تحياتي لك

[bo AbdullAziz]

يقعد عندهم شهرين ويرجع الى المرسل
هذا اللي صار معي

[العجييب]

السلام عليكم
وش موديل الجهاز
اقترح عليك طلب الجمارك و الشركة الناقلة لشحنة اعادة للمصدر و يعود لك مبلغ الشراء.....

[BaoFeng Store]

الله يخلف عليك ويعوضك

[وحداني بعرعر]

الله يعوضك ،، كان عندك واسطة يوصلك لحد باب البيت

[رويلي]

الله يعوضك خير .. وشي الشركة الناقلة ؟

[الزَمَنْ الجَمُيلْ]

مهو لازم تجيهم اذا تبي تخليه خله وانا اشوف انك تسترجعه للبايع افضل

[اليامي قطر]

رجعه وخذ دراهمك

[الحربي حاتم]

عندنا نظام خبيث مثل اللي حطه أجهزة تباع في المحلات ويمنع إستيرادها ، ليش كل هذا ﻻأجل مصلحة التاجر والحرامي والإحتكار الله لايربحهم وقيس عليها أجهزة أصوات الطيور تباع علني وتمنع طلبيات والسكاكين والدرابيل وغيرها الكثير الكثير والله شي يغبن ويفطر الكبد حسبنا الله ونعم الوكيل على من كان السبب .

[قوقل النفود]

الله يخلف عليك ويعوضك خيرا منه

[ابو ريما.]

السلام عليكم والله يعوض عليك .... انا تصادر علي ٢٩٠٠ ياسو جديد ياباني والي يعرف احد يمشيه انا اعطيه الجهاز هديه ما ابي شي ... يطلعه من الجمارك وياخذه فدا .

[اليامي قطر]

السلام عليكم والله يعوض عليك .... انا تصادر علي ٢٩٠٠ ياسو جديد ياباني والي يعرف احد يمشيه انا اعطيه الجهاز هديه ما ابي شي ... يطلعه من الجمارك وياخذه فدا .

اجل وش استفدت يوم يطلعه من الجمارك ..؟

[ابو ريما.]

اجل وش استفدت يوم يطلعه من الجمارك ..؟


استفدت يا صبي يام ( الجميل ) في رجال ياخذه .. احسن من يروح كذا لا فلوس ولا ناموس .. حياك الله وشاكر تعليقك .