هايلكس2004

[الكداد]

السلام عليكم ورحمة الله وبركاته
عندي هايلكس 2004 حصلت لها مشكلة فجاه وهي واقفه السيارة ترج وإذا مشيت تروح الرجة علماً اني غيرت بواجي واسلاك بواجي ومانفع الرجه هي هي ماراحت ورحت ميكانيكي قالي واحد من البلوف منسم ولازم افك الرأس وانا خايف ان ماعنده سالفه وكمان حتى الكمبيوتر مايطلع هذه المشاكل ..ويش رايكم أرشدوني جزاكم الله خير .. وشكراً

[الكداد]

عطونا الحلول جزاكم الله خير

[يالبى الهلا]

اليكم طريقة الأختبار ......
.
1 - شغل سيارتك
2 - رح عند الشكمان
3 - قرب راحة يدك عند نهاية الشكمان مسافة 1 سم او اقل لمدة 10 ثواني وستلاحظ مايلي ....
.
أ - الشكمان مرة يشفط راحة يدك ومرة يدفعها ......
ب - الشكمان يدفع راحة يدك فقط .......
اذا كانت النتيجة ( أ ) يكون الخراب من البلوف ,
اذا كانت النتيجة ( ب ) يكون الخراب من غير البلوف كالبواجي واسلاكها او تنظيف بخاخات وغير ذلك ......

[الكداد]

شكراً جزيلاً لك ان شاء الله ابجرب الاختبار وأعطيكم النتيجة

[الكداد]

اليكم طريقة الأختبار ......
.
1 - شغل سيارتك
2 - رح عند الشكمان
3 - قرب راحة يدك عند نهاية الشكمان مسافة 1 سم او اقل لمدة 10 ثواني وستلاحظ مايلي ....
.
أ - الشكمان مرة يشفط راحة يدك ومرة يدفعها ......
ب - الشكمان يدفع راحة يدك فقط .......
اذا كانت النتيجة ( أ ) يكون الخراب من البلوف ,
اذا كانت النتيجة ( ب ) يكون الخراب من غير البلوف كالبواجي واسلاكها او تنظيف بخاخات وغير ذلك ......
شكراً لك جربت الطريقة لكن من الصعب معرفة الشفط والدفع

[الكداد]

اين بقية الأعضاء
تحياتي لكم

[SGL]

اين بقية الأعضاء
تحياتي لكم

هل البواجي أصلية ومطابقة لنفس الموتر؟
هل شيكت على كراسي المكينة؟
إذا كان البنزين أخضر عبي أحمر وجرب
لي رجعه لموضوعك إن شاء الله

[الكداد]

هل البواجي أصلية ومطابقة لنفس الموتر؟
هل شيكت على كراسي المكينة؟
إذا كان البنزين أخضر عبي أحمر وجرب
لي رجعه لموضوعك إن شاء الله

البواجي اصلية وكراسي المكينة شيكت عليها 100٪
البنزين اخضر ماعمري غيرت عنه
شكراً لك انا في انتضارك

[SGL]

إذا كان من البلف تقدر تكشف عليه عن طريق فصل سلك البوجي كما تلاحظ ضعف في العزم شيئ بسيط مع إرتفاع بسيط في الحرارة وتعرفه كمان عن طريق فك البوجي اللي تلقاه مكربن أو مختلف عن باقي البواجي إعرف إن بلفه ماهو بشغال
ﻻكن خلينا في المهم أبيك تشيك زين زين على بلف التبخير يمكن يكون قافل أو فاتح وفي كل الحالتين يعني خربان والأهم الهوز حقه تأكد إن مابه تنسيم نهائي وإن شاء الله يكون منه ﻻتستغرب من تخميني أو تشخيصي للعطل :D:good2:

[الكداد]

إذا كان من البلف تقدر تكشف عليه عن طريق فصل سلك البوجي كما تلاحظ ضعف في العزم شيئ بسيط مع إرتفاع بسيط في الحرارة وتعرفه كمان عن طريق فك البوجي اللي تلقاه مكربن أو مختلف عن باقي البواجي إعرف إن بلفه ماهو بشغال
ﻻكن خلينا في المهم أبيك تشيك زين زين على بلف التبخير يمكن يكون قافل أو فاتح وفي كل الحالتين يعني خربان والأهم الهوز حقه تأكد إن مابه تنسيم نهائي وإن شاء الله يكون منه ﻻتستغرب من تخميني أو تشخيصي للعطل :D:good2:

شكراً لك
لكن لوكان بلف التبخير ويش احتاج كيف طريقته .. لاني صراحة خبرتي في اعطال السيارات صفر.

[جني صغير]

اخوي لا تنسى تنظيف الثورتل لان موترك له 11سنه ويمكن ما قد نظف الثورتل

[مخطط 2008]

انتبة للبواجي صحيح انت غيرت البواجي لكن الرقم الي غيرتةًحق البواجي يكون نفس الوكالة

[الكداد]

انتبة للبواجي صحيح انت غيرت البواجي لكن الرقم الي غيرتةًحق البواجي يكون نفس الوكالة

شكراً لكم
المعذره لم افهم شيء ،، البواجي وكاله حتى الأسلاك غيرتها وكاله ومانفع

[الكداد]

اخوي لا تنسى تنظيف الثورتل لان موترك له 11سنه ويمكن ما قد نظف الثورتل

ممكن لاني ماعمري نظفته ،،نجرب ونقول يارب تظبط السيارة

[الكداد]

ويش رأيكم شكلي قررت ابغير البلوف
الرجه ماهي راضيه تروح

[الكداد]

ياشباب رحت للميكانيكي لكي أغير البلوف وطلع ماعنده سالفه قال ماني متاكد ورحت لواحد ثاني ويقول صفاية البنزين او الطرمبه او او ماهو ثابت على رأي ...ويشرايكم

[الكداد]

ولا زالت سيارتي على حالها رجه وهي واقفة
اين انت يا اصيل حجازي ولا يهونون الأعضاء الأفاضل

[salih100]

احتمال والله اعلم عندك بلف قافل

فك اسلاك البواجي واحد واحد البوجي الي تفك سكله والسياره تحس انه ما يتغير فيها شي فاحتمال ان بلوفه قافله

[الكداد]

احتمال والله اعلم عندك بلف قافل

فك اسلاك البواجي واحد واحد البوجي الي تفك سكله والسياره تحس انه ما يتغير فيها شي فاحتمال ان بلوفه قافله

شكراً لك
طيب لو كان قافل ويش يحتاج هل شغلته اطول
علماً اني اهملتها لها شهر وانا امشيء عليها لاني محتار ايش المشكله بالضبط

[الكداد]

اين انت يااصيل حجازي

[SGL]

http://www.mekshat.com/vb/showthread.php?t=686517&page=2
شيك على لي الباكم ﻻيكون منه مثل ماصار مع أخونا بموتره الددسن أدخل على موضوعه

[salih100]

شكراً لك
طيب لو كان قافل ويش يحتاج هل شغلته اطول
علماً اني اهملتها لها شهر وانا امشيء عليها لاني محتار ايش المشكله بالضبط

فك راس وصنفرة بلوف او تغييرها
و لا يضر لو جلس كذا لكن العزم لك عليه

[الكداد]

فك راس وصنفرة بلوف او تغييرها
و لا يضر لو جلس كذا لكن العزم لك عليه

شكراً لك على التوضيح

[أبوعبدالله900]

السلام عليكم
اخي الغالي قد حصلت لي نفس مشكلتك ب هايلكس ٢٠٠٢ طلعت من النفود ووقفت اعبي هواء للكفرات واشوف الموتر ماهوب صافي ومكينتة ترج ادوس له مافيه شي ارفع رجلي ماهوب صافي واتحوس حوس بالكبوت واثاري لي هواء صغير شابك بالفحامة حقت البنزين منطلق من مكانه واشبكة ويطلع الموتر ساااااااعه
تأكد منه دايم ينفصل وعلمنا وش يصير معك

[الكداد]

السلام عليكم
اخي الغالي قد حصلت لي نفس مشكلتك ب هايلكس 2002 طلعت من النفود ووقفت اعبي هواء للكفرات واشوف الموتر ماهوب صافي ومكينتة ترج ادوس له مافيه شي ارفع رجلي ماهوب صافي واتحوس حوس بالكبوت واثاري لي هواء صغير شابك بالفحامة حقت البنزين منطلق من مكانه واشبكة ويطلع الموتر ساااااااعه
تأكد منه دايم ينفصل وعلمنا وش يصير معك

بارك الله فيك يابوعبدالله..ان شاء الله ابشيك عليه لاني الى الان ماسويت حاجه في السيارة

[الكداد]

اليوم حصلت كرسي الجربكس مكسور هل تكون رجة السيارة وهي واقفة منه؟

[ابوراكان تبوك]

اليوم حصلت كرسي الجربكس مكسور هل تكون رجة السيارة وهي واقفة منه؟

كان يسبب لك رجه حتى في المشي عموما لازم تغيره لا يكسر عليك مسامير الداير

البلوف اطرف ميكانيكي يفحص لك الموتر يعرفه من صوته ثم يفصل اسلاك البواجي واحد واحد وهكذا

موترك الله اعلم بخاخ وكويلات
اذا كان به كويلات 90% منها على قد وصفك ياليت تعقب اذا كان كويلات حتى اشرح لك فحصها

[الكداد]

شكراً جزيلاً لك يابوراكان
بالنسبة لرجه وهي واقفه فقط
وبالنسبة للكويلات نعم السيارة بخاخات وكويلات ولو اني معلوماتي في السيارات صفر
انا في انتظارك يابوراكان

[ابوراكان تبوك]

شكراً جزيلاً لك يابوراكان
بالنسبة لرجه وهي واقفه فقط
وبالنسبة للكويلات نعم السيارة بخاخات وكويلات ولو اني معلوماتي في السيارات صفر
انا في انتظارك يابوراكان

حياك الله اخي

شغل موترك وافصل اسلاك البواجي من عند الكويل واحد واحد وليس جميعها دفعه واحده

افصل السلك الاول ولاحظ صوت السياره اذا تغير وصارت تصرقع معناه شغال الكويل والبوجي وارجع اشبك السلك وانتقل للي بعده

لاحظ جيد
السلك اللي انت تفصله ومايتغير معاه صوت السياره معناه احد ثلاث امور لارابع لها
يا اما الكويل ماهو شغال او ضعيف ( له فحمه داخليه وسسته تتغير الحالها بدون ماتخسر كويل كامل )
او
البوجي ماهو شغال ( بدله مع بوجي آخر من المركبات وافحصه مره ثانيه )
او
البلف قافل

وانا استبعد ان البلف قافل لان معاه العزم يطيح مره لكن قد يكون سبب

وهذا مقطع فيديو للاخ المحترف يشرح فحص الكويلات لفورد تقريبا نفس الفكره والمقطع باحطه لك حتى تصل المعلومه اكثر
المقطع يفصل الاسلاك من عند البواجي لكن انت عندك اسهل من جهه الكويل لان جلده بوجي الهايلوكس طويله وصعب سحبها بسرعه

بالتوفيق اخي وان شاء الله تنتهي المشكله قريبا
rSDXvedhJKI

[الكداد]

حياك الله اخي

شغل موترك وافصل اسلاك البواجي من عند الكويل واحد واحد وليس جميعها دفعه واحده

افصل السلك الاول ولاحظ صوت السياره اذا تغير وصارت تصرقع معناه شغال الكويل والبوجي وارجع اشبك السلك وانتقل للي بعده

لاحظ جيد
السلك اللي انت تفصله ومايتغير معاه صوت السياره معناه احد ثلاث امور لارابع لها
يا اما الكويل ماهو شغال او ضعيف ( له فحمه داخليه وسسته تتغير الحالها بدون ماتخسر كويل كامل )
او
البوجي ماهو شغال ( بدله مع بوجي آخر من المركبات وافحصه مره ثانيه )
او
البلف قافل

وانا استبعد ان البلف قافل لان معاه العزم يطيح مره لكن قد يكون سبب

وهذا مقطع فيديو للاخ المحترف يشرح فحص الكويلات لفورد تقريبا نفس الفكره والمقطع باحطه لك حتى تصل المعلومه اكثر
المقطع يفصل الاسلاك من عند البواجي لكن انت عندك اسهل من جهه الكويل لان جلده بوجي الهايلوكس طويله وصعب سحبها بسرعه

بالتوفيق اخي وان شاء الله تنتهي المشكله قريبا
rSDXvedhJKI

جزاك الله اخي ابوراكان
ومشكور على التوضيح الرائع جداً ، وان شاء الله ابطبق ماقلت وابردلكم .