رجه عند المشي وتفتفه مفاجئه برادوا 2012 6 سرندل txl

[بحر الكلام999]

السلام عليكم رحمه الله اخواني..

عندي برادوا 2012 علي يدي من الوكاله ... كنت اواجه زمان مشكله عند تشغيل السياره قبل سنه اول ماشغلها تفتف كانها تبي تطفا ادعس بانزين عليها كم دعسه وتعدل السياره وتجلس تحمي عادي ... قبل مده سنه ايضا كنت لما امشي فيها علي سرعه 120 او 100 تقريبا كانت السياره تمشي طبيعي لكن احيانا وانا امشي تجي تفتفه وانا بالخط كانا السياره ترجع للخلف وتطلع لامام بسرعه اشيل رجلي من دواسه البانزين ترجع طبيعي واكمل ... الان قبل 3 ايام صارت المشكله كل مامشي 60 او80 تجي رجه قويه علي السياره كامله حتي لو اني مو داعس بانزين ... وخاصه الحاله هذي تجي لما اعبي بانزين فل علي طول تجيني هالمشكله علما انا ماعمري غيرت بواجي ولا صفايه بانزين ابدا .... في بعض الورش قالوا لي كهرب القير مادري صدق ولا يخربطون من عندهم وش دخل القير مدامه يبدل سليم في رج الموتر... والبعض قالي طرمبه البانزين بصراحه ياخوان ذبحني التفكير اقسم بالله وحالتي يعلم فيها ربي ماني عارف وشو اسوي مع هالمصيبه.... هذي الحاله صارت تجيني باليوم ثلاث مرات تقريبا بالله عليكم احد يفدنا من الي يفهمون بالبرادوا ولايهونوا الاخوان البقيه ولكم جزيل الشكر والتقدير

[اذاني]

السلام عليكم رحمه الله اخواني..

عندي برادوا 2012 علي يدي من الوكاله ... كنت اواجه زمان مشكله عند تشغيل السياره قبل سنه اول ماشغلها تفتف كانها تبي تطفا ادعس بانزين عليها كم دعسه وتعدل السياره وتجلس تحمي عادي ... قبل مده سنه ايضا كنت لما امشي فيها علي سرعه 120 او 100 تقريبا كانت السياره تمشي طبيعي لكن احيانا وانا امشي تجي تفتفه وانا بالخط كانا السياره ترجع للخلف وتطلع لامام بسرعه اشيل رجلي من دواسه البانزين ترجع طبيعي واكمل ... الان قبل 3 ايام صارت المشكله كل مامشي 60 او80 تجي رجه قويه علي السياره كامله حتي لو اني مو داعس بانزين ... وخاصه الحاله هذي تجي لما اعبي بانزين فل علي طول تجيني هالمشكله علما انا ماعمري غيرت بواجي ولا صفايه بانزين ابدا .... في بعض الورش قالوا لي كهرب القير مادري صدق ولا يخربطون من عندهم وش دخل القير مدامه يبدل سليم في رج الموتر... والبعض قالي طرمبه البانزين بصراحه ياخوان ذبحني التفكير اقسم بالله وحالتي يعلم فيها ربي ماني عارف وشو اسوي مع هالمصيبه.... هذي الحاله صارت تجيني باليوم ثلاث مرات تقريبا بالله عليكم احد يفدنا من الي يفهمون بالبرادوا ولايهونوا الاخوان البقيه ولكم جزيل الشكر والتقدير

ابدا بلأسهل بارك الله فيك

[salih100]

ابداء بالاسهل

اصلا انت بتغيرها بتغيرها
بواجي
صفايه بانزين فلتر هوا
شيك على ضغط طرمبة البانزين
اشتر منضف كهربائيات او حساسات ورش حساس الهواء الي في قربة الهواء (دقيق لا تجيب العيد فيه)
نضف الثروتل

حبه حبه

[برق السر]

السلام عليكم
اخوي صارت معي نفس سالفتك
التفته من صفايه البانزين غيرها بنفسك اشرها من الوكاله
والسبب وانا اخوك من المحطات البانزين مليان شوائب زي تراب واوساخ وغيره ونصيحه لا تعبي
من محطات غير معروفه شف المحطات المعروفه والكبيره عب منها مع ان المفروض يكون فيه فلتر في كل
مكينه بانزين
وثاني شي افتح الكبوت واسحب اسلاك البواجي واحد واحد (( يعني تفك واحد وترجعه مكانه و بعدين تفك اللي بعده))
اذا فكيت اول واحد رجعه كأنك بتركبه من بعيد شوي شوي لين يركب وخلال تركيبك لاحظ قبل لا يركب
سلك البوجي بمسافه هل يطلع كهرب وانتبه من كهربه لا يجي يدك والمفروض تلبس عازل زي القفاز
طبعا فك البواجي من جهت المكينه اللي اذا فكيت السلك تلقي البواجي المهم بعد ما تنتهي راح تعرف الاسلاك
خربانه او لا من خلال نظرك لتركيب سلك البواجي لازم يكون الكهرب واضح وله صوت اذا كلها كويسه
غير البواجي بنفسك ولا تشتريها من الوكاله او حاول تعرف رقم البواجي من الوكاله ورح خذ افضل بواجي
ngk حلوه للجيوب اذكر واحد يمدحها بس تأكد اول شي واعرف رقم البواجي للبرادو السته سلندر
واستشير قبل لا تأخذها
مشكلتك اخوي بسيطه جدا
١-غير الصفايه
٢-تأكد بعد ماتركب الصفايه من السياره ورح تمش وخذ مشوار وش الموتر اذا فيه تفته او تقطيع او تحسه مكتوم غير البواجي ويفضل تشريها من الوكيل
٣-تأدكد من اسلاك البواجي ترا احتمال يكون فيه واحد منها فيه ضعف وراح تتأكد بعد الكشف عليها وبعد ما تغير البواجي وبعد ماتروح بالموتر وتاخذ مشوار مو لازم بعيد بس لازم يمشي الموتر بحدود ميه وعشرين وتحت ربع ساعه
او اقل وبعدها راح تعرف هل تغير الاسلاك او لا
ونقطه مهمه جدا غير الفلاتر اول بأول
وغيرها لا تسوي في الموتر شي وهذي مشكلت
ومرت علي كثير ويفضل اذا انك مطول ما غيرت لا بواجي ولا اسلاك بواجي انك تغيرها والصفايه تغيرها
اذا عبيت بانزين فل وتشوف الموتر يقطع او اذا الموتر يقطع حتي وانت تمشي بالخط وسرعتك ثابته
والله يوفقك ويسهل امورك

[craino]

مدام السياره كانت اول ما تشتغل تتفتف وبعدين تدوس لها وتضبط معناه انه في خلل في الاحتراق ولما تحمى شوي السياره مع الدعس تشتغل حساسات الاكسجين الاماميه والكمبيوتر حق السياره يعدل ضخ البنزين ولذلك تضبط
هذا السياره لو تفحصها بجهاز متقدم اكيد راح يكون مايسمى بال LONG FUEL TRIM عالي
مدام المشكله تجي والسيارهي ماشيه وكانت تجي على سرعة 120 وبعدين صارت تجي على 80 فاحتمال كبير يكون من قوة ضخ البنزين سواء بإنسداد فلتر البنزين او ضعف في الطرمبة
لكن انت غير فلتر البنزين اول خصوصا انك لما تعبي فل تتفتف اكثر معناه اوساخ اكثر تسد فلتر البنزين لما تعبي فل خصوصا لو كان العامل يعبي على اعلى درجه في مضخة البنزين
لكن ضروره تشيك ضغط طرمبة البنزين وتتاكد انه سليم

[يالبى الهلا]

لابد م̷ـــِْن الصيانة الدورية للسيارة حتي لوكان خارج الوكالة
صفاية بواجي فرامل…… .الخ اكبر غلط ترك الصيانة الشهرية للسيارة
تخرب بسرعة وتكون النتيجة النهائية تكلفة الاصلاحات عالية

[بحر الكلام999]

بيض الله وجيهكم جميعا اخواني ورحم الله والدينكم جميعا ... حقيقه اشتريت بواجي جديده من الوكاله واشتريت صفايه بانزين جديده ايضا ونظفوا لي البخاخات لقو عندي بواجبي ماتشتغل خربانه (: وصفايه البانزين تقول من سنه غيرني ): بصراحه اخذت الموتر اليوم والحمدالله ماظهرت المشكله الي الان اذا ظهرت المشكله في المستقبل فمعناه من طرمبه البانزين

[برق السر]

الحمدلله ان موترك ضبط
بس نصيحه حافظ علي الصيانه تعامل محل مضمون يغير اقل شي الاشياء الضروريه
والطرمبه خراباتها قليل دايم الصفايه هي تنسد من المحطات اللي مايهتمون بنظافه البانزين
والله يسهل امورك
وشكرا