قناة مكشات الفضائية @@@

[الشمالي 77]

السلام عليكم


قنوات اخبار بالكوم
اقتصاد واجد
رياضة عد واغلط
اغاني شوفة عينكم الله لايبلانا

نعم00000(قناة مكشات الفضائية)0
نشرة اخبار جويه تستاهل من يشوفها
ودي اشوف خالد العوض يقدم توقعاته من مكتب القناة في القصيم
ونشوف تقرير مصور(فيديو)من تبوك بصوت فارس الشمال :)
الشعبان اللي مشت العصر تشوفها بعد المغرب
يمكن تقولون يحلم لاكن
معلوماتي ان 6 اشهر على نايل سات ب 40 الف ريال(يعني لو نقط)
وبعدها تشتغل من الاعلانات اعلانين او ثلاثه وغطيت التكاليف
السالفه سهله واكبر مثال هالقنوات اللي توالد كل يوم ومالها جمهور
صدقوني اذا فتحت القناة وهي اول قناة متخصصة في الطقس بيفتح بعدها
كم قناة والله اعلم:rolleyes:
بس قناة مكشات اللي يميزها انها(سعوديه بيدن شقرديه) :good:

اعذروني كان الموضوع طرح من قبل

[سكّين]

اول قناة متخصصة في الطقس

طقس؟
ليش مابالمكشات غير الجو

ليش مايصير مكشات بإسمها

طلعات - قصايد - نشوف ابو سهيل يعطينا افلام وثائقية عن روحاته

وهلم جرا

[الشمالي 77]

اول قناة متخصصة في الطقس

طقس؟
ليش مابالمكشات غير الجو

ليش مايصير مكشات بإسمها

طلعات - قصايد - نشوف ابو سهيل يعطينا افلام وثائقية عن روحاته

وهلم جرا


هلا اخي قائد

تصنيف القناة القادمة بأذن الله انها من قنوات الطقس

ولا يعني انها بس طقس

كل الاقسام في المنتدى تستفيد منها

مثال 00 مطر على القصيم يصوره احد الشباب ويرسله

او فلم نزل على النت تعرضه على القناة

[نمر بن حثلين]

معلوماتي ان 6 اشهر على نايل سات ب 40 الف ريال

وشدعوى ياخوي 40 الف قالو لك ايجار شقه بالملز :p



الي اعرف ان الايجار السنوي في النايلسات للقناة الوحده 300الف دولار يعني مليون وميه وخمسه وعشرين الف ريال


عموما فكرة القناة ممتازه ولكن تحتاج لرجل اعمال للتمويل

[فيـ27ـروخ]

السلام عليكم
اول شي لا يصير على الطقس بس

اسمها قناة مكشات الفضائية

تكلم عن الكشتات ومنها طلعات البر وانصايح وين تروح ان صرت من ها الديره
الطقس وما يتوقعونه غدا وما الاحتمالات ويحذرون راعين الكشتات
قصايد قصايد تصير محاورات مثل محاورات لشاعر الكبي احمد الناصر الشايع (الشلال) واي قصايد ثانيه
الصيد بالصقور او بـ الاسلحه النارية او صيد الاسماك للي من عشق البحر
قصص وعبر من اباانا واجدادنا لنعتبر منهم وناخذ العلم والخبر
قصص وثائقيه لخوانا الي راعين قنص بالربع الخالي ولا غير ياخذون كمره فيديو وهم رايحين ويصورون
قص الاثار وهاذي مشهور فيها الاخ العزيز (باحث اثار الزلفي) يجيبلنا من اثاره ونخليه يتراس القسم هذا
صور وثائقيه لبلادنا الغاليه خلونا نقول انا عندنا شي نتحدا فيه غيرنا ونراهنهم مهب اذا قلنا شي قالوا انتم وش يعرفكم خلوكم على السيارات والنوم وهاذي يتخصص فيها الاخ (مسافر الانه راعي هالحركات) والاخ (ابو سهيل الله يقويه)
خلوهم يقولون هناس السعوديين الي بين قوسين (ـــــــــــــ) الي فهمهم زين يقولون اي والله هاشباب بهم خير عندهم همه ونشاط ورايه مستقبليه , وخلو الاجانب الحاقدين (ـــــــــــ)يقولون السعودي ما عنده الا دوامه وكبسته ويتصيد ويستانس ولا يمكن يخدم تكفون خلونا نغير تفكيرهم بالقوه بهالافكار والله انا حاس انها اذا افتحت تبي تصير قنا بس اهم شييييييييييييييييييييييييييييييييييييي(ما تكون تعصب خلوها بديرتنا لا عندنا لا عندنا هذا والله هو الي يهدم كلش اسالو مجرب ولا تسال طبيب)



تعبت من الكتابه



واهم شي تصير القناه رايسها يحب المشاوره وليس الكلمه للكبير خطا خطا هذا الرسول وهو الرسول صلى الله عليه وسلم
يحب المشاورهبين اصحابه وهو الرسوللللللللللللللللللللللللللللل وشلون انا وانت وكما يقولون الحوار لا يفسد للود قضيه


واهم شي والله الظاهر كل ماكتبت شي قلت اهم شي ما عليه لا دقق اهم شي تصير القناة متنوعه ونقسمه الى فروع علشان يصير لها متابعين الكثر
وشط ما يمر 6 اشهر الى والقناه مرجعه خسايرها وزياده يكفي سمعتها


والله ان شغلت يا شباب ويا عالم و كان عندي كلم مهم بس الوقت والشغل مهب خالص وانتما اني افتكم واقنعت المشرف الاعلى والاعضاء

ومن ناحيتي حطوني المستشار الاول والمطور للقناة بالفكار وبتشوفون وش بسوي طبعا مع استشاره الاعضاء ومحاورتهم......وشكراااا

اخوكم ابو فهد w.z zulfi

[الشمالي 77]

تسلم يابو فهد

وظاهر انك مراسلنا بالزلفي :)

[فل اوبشن]

فكره طيبه بالحيل ..

[ثعل البرد]

حـــلـــم جــمـــيــــل

[فيـ27ـروخ]

ها عطونا ارائكم ترا مع الاتحاد قوه واذا اتحدنا بمشيئه الله نسوي المستحيل

[تلسكوب 1]

الأخ واسطات الف شكر على الموضوع الممتاز الذي كلما اثير في المنتدى تجد الأفكار الجديده

انظر هذا الرابط وشف الأفكار
http://www.mekshat.com/vb/showthread.php?t=64424

[الشمالي 77]

الأخ واسطات الف شكر على الموضوع الممتاز الذي كلما اثير في المنتدى تجد الأفكار الجديده

انظر هذا الرابط وشف الأفكار
http://www.mekshat.com/vb/showthread.php?t=64424


مشكور اخوي تلسكوب1

ماكنت اعرف عن موضوع اخي (المسطره)

الحين عرفت ليه مافيه تفاعل مع كلامي 000 الموضوع تم نقاشه سابقآ ونقاش طوييييييييل :p

لكن الموضوع يستاهل التفكير:rolleyes:

جزاك الله خير على الرابط

[ريم البراري]

فكرة ممتازة نتمنى ان ترى النور.للمعلومية استئجار قناة على النايل سات يكلف 150000 ريال.

[النصوح]

طيب مادام اسمك [ واسطات ] دبرنا ولو بواسطة وحدة 0

مع جزيل الشكر على هالطرح وإن شاء الله تتحقق الأمنية وياكثرهم اللي يبي يساهمون بمجهوداتهم وخبراتهم ولا يمنع أن نأخذ بعض الدورات

التدريبية 0

[الشمالي 77]

النصوح...وش تبي بس وظيفه نقل معلمه ارض على الدائري :D


واسطات و الوسيطات الله يسلمك مزارع قديمه (حياله) و اجار بعد ليتها ملك (قضابه)


لاكن ماعليك ادبرك :p :p :p



ودي اغير الاسم ولا عرفت .... توسط لي ;)

[النصوح]

ما يجي قصور يا واسطات

وما دام الدعوى [ قضابة ] وخساير ما ودنا نثقل عليك 0

[تمرااااوي]

السلام عليكم ورحمة الله وبركاته
ياشباب بفتح الصندوق 5000 الف ريال من أخوكم الربا ب
مراسل قناة مكشات من وادي الدواسر

[النصوح]

عساك على القوة 0 سر ونحن من ورائك 0

[عيناوي]

فكره مايحتاج نقول راينا فيها
المقومات ومتوفره والشباب يحترون الاشاره بس

وبالنسبه للمبالغ فحدثوا ولا حرج..القمر الصناعي له رقم و الشبكه لها رقم والترخيص الحاله يا جماعة الخير بـ ميتين الف دولار..لكن اعلانين ثلاثه والميزانيه بتصير ضاربه فوق
هههههههههههههه
لكن وين الي يفزع ويحزم
رددوا يا ليل

[الشمالي 77]

السلام عليكم ورحمة الله وبركاته
ياشباب بفتح الصندوق 5000 الف ريال من أخوكم الربا ب
مراسل قناة مكشات من وادي الدواسر


جزاك الله خير يا الرباب

والله انا زيك ماخذ الموضوع جد

لكن دريت ان الاخوان سبق وتكلمو في المنتدى عن القناة وصعبو السالفه وكبروها

ونا اشوف ان اصعب ما فيها ( التصريح ) والباقي امره سهل

ياخي وش فرقنا عن لبناني او مصري فتح قناة بأقل التكاليف

ارجع واقول اهم شي ..... التصرييييييييييييييييييح عطني تصريح وبأذن الله شهر او شهرين وتشوف الحلم واقع


الله يعافيك اخي الرباب ونا معك .. مني ( 5000 )ريال ;)

[الشمالي 77]

مكرر بالخطأ

[لقاط الفقع]

السلام عليكم
الاقتراح ممتاز للغاية ..واعتقد لابد من التفكير في الممول لفتح قناة ثم التفكير بالمواد المطروحة !
ولنا في اقسام منتدنا المثل لما يمكن ان تقوم ببثة :
رحلات برية وبحرية وتقارير بيئية وطبيعية وجغرافية
قنص بانواعة
الصيد ..البر والبحر
اعتقد الامر يحتاج الى دراسة