تعبت من طعم لي التانكي

[N.m.a]

سلام عليكم

تانكي الوطني شريته من اسبوعين ولاكن للاسف ركبت لي غاز العايد ومع الاسف الماء ريتحه ريحت فليت

الان غيرته للي شطاف ومع الاسف طعم غير مستصاغ ابد ابد

وش السوات ؟ تعبت نفسياً راحت قروشي في هالليات ولاهنا فايدة طعم اللي في حلقي حاشرني

الماء نظيف و التانكي نظيف

[الفريح1]

اتوقع التوانكي الفيبر مشكلة مع الحر مهوب مثل الاستيل

[منصور ع]

خذ لي العايد حق المكيف مافيه طعم ابد انا مجربه من سنين .. وقد يكون اللي تجيه الشمس ويتغير الطعم وهذي نقطة مهمة

[F34666]

يمكن ان لي التعبية حق البيت هو اللي فيه الطعم

[خوي السطحه]

عب من محطه تحليه او من مكان غير الماء الى تعبي منه دايم

[iV8]

السلام عليكم

اول ماشريت التانكي حطيت فيه ماء ملح الى نص التانكي وغسلته ؟

وعندك لي مكيف الصحراوي ممتاز مافيه ريح .. استخدمت تانكي الفبير والاستيل ولا له طعم ولله الحمد

[فهد 003]

انا معي تانكي الوطني فيبر له 4 سنوات في السيارة صيف وشتاء والماء يجلس فيه اسبوعين و ثلاث اسابيع والحمد لله مايتغير ابدا
مشكلتك انت من نوعية اللي أو النقاص أو الحنفيه
انا اللي عندي لي شفاف قوي وقاسي مثل لي المكيف الصحراوي بس أعرض و أقسى منه و النقاص خذ لك نحاس لايقربك الحديد لأنه يبي يصدي على طول
والحنفيه خذ لك نحاس أو ستيل عشان مايصدأ معك

[محلات الكشاتة]

ياهلابك ياعم
المشكله في لي البيت الي تعبي منه الماء
حط لك لي خاص في البيت طوله ٤متر للتانكي
وبعد ماتخلص شله وحطه في مكان مايتعرض في للشمس
وهذي من واقع خبره
تقبل مرور ابو خالد

[N.m.a]

جزاكم الله خير

بالنسبة لمصدر الماء كتبت بالاعلى انه نظيف وبدون ريحة

اللي اذا فكيته من التاكني و شفطت منه هواء تطعمت نفس الطعم الي يجي مع الماء

[قناص الوعول]

استخدم تانكي المنيوم وريح مخك من مشاكل تناكي الفيبر وتأثيره على الصحه والطعم

[المتلولس]

عب نص التانكي مويه وحط علبة خل ام ثلاث ريال وطلع بالسيارة علشان الخل يتداخل بالماء لمدة نص ساعه بعدين فض التانكي وعبه مرة ثانية وفضه وخلاص يضبط ان شاء الله

[الفريح1]

مثل ماقالو الاخوان لي البيت ترا يطعم لانه في الشمس على طول

[N.m.a]

الحمد لله اختفت الريحة و الطعم بعد استخدام لي العايد الصحراوي العادي

كنت مركب لي غاز وكان يطلع ريحة ثم جربت لي شطاف ويطلع طعم
الحمد لله ركبت لي صحراوي والحمد لله ماشي

[أبومحمدالشهري]

نصيحة لكل واحد يشري تانكي الوطني جديد

أول شي تسويه سخن لك تقريبا 10 لتر ماء تحليه نظيف جدا وضع معه محلول الكلوركس تقريبا 200 مل ورجه بقوة لمدة عشر دقائق بتقليبه في كل اتجاه
راح ينظف لك الوسخ الداخلي تمام وبعدها اشطفه بماء تحليه عادي البروده وتوكل على الله وركبه بموترك

عن تجربه مافي مثل تانكي الوطني واللي عندي سعة 55 لتر ومبسوط منه جدا وراح أزيد واحد سعة 85 لتر لأن ال55 ماصار يكفيني في طلعاتي الطويلة ، فراح أخلي هذا وقت التخييم فقط


والله يوفق الجميع لما يحبه ويرضاه

[احلى نواف]

التانكي الوطني مستحيل يتغير الأبعد خمس او ست سنوات انا مجربه

[مخاوي العريس]

أخوي نصيحت مجرب ... قبلك جنني ، غسلته وغيرت لياته ، وقالوا لي اغسله بخل التفاح ولا نفع
واستغنيت عنه و فصلت تانك ألمونيوم وارتحت . ويجلس فيه الماء شهور لا طعم ولا ريحه

[مسفر العامري]

تانكي المنيوم .وريح راسك

[asar1414]

حياك الله يالغالي لاتستعجل التانكي كان معي واحد مركب عليه عازل اللي يحط تحت الفرش وصار كله باتكس رجعته عليهم واخذت عادي بدون عازل وله معي ٤ سنوات مافيه مشكله مشكلتك احد امرين
الاول انك تعبي من تحليه ولا ينثر اول اللي ويطلع الطعم
الثاني ان اللي اللي انت مركب ماهو لي شفاف مثل حق المكيفات
العلم الاكيد بعد الله غير اللي حق الغاز اللي انت حاط وحط لي شفاف واذا بغيت تاخذ من الماء خل اول اللي يصب لان الليات كلها تطلع طعم لازم ينثر اول الماء اللي باللي
والاهم لازم يكون للتانكي فاصل من عند مدخل اللي بالتانكي اذا خلصت من التانكي اقفله عشان مايرجع اللي باللي لماء التانكي ويدمره عليك

[بدران الدوسري]

الرجال لقى حل لمشكلته الله يوفقنا وياه

انا شريت التانكي وله معي سنتين تقريبا والى الان ماضبط طعمه سويت الي يخطر على البال والي مايخطر على البال :)

لكن مالله كتب لي توفيق

[قناص الوعول]

الطعم من التانكي الفيبر ولا تقنعون انفسكم انه طيب والرخيص ما تلقى فيه الا ريحه فطيس

[أبو فراس]

التانكي عندي الومنيوم
في فتحتين
فتحة مبشرة للتنظيف
وفتحة فيها نقاص ولي الغاز لتوفير الماء وعدم تبذيره
اشتكوا الربع من ريحة التانكي
وبعد البحث وجدنا الريحة من لي الغاز
لانه معرض للشمس والحرارة
وان شاء الله سوف اجعله مباشر