النبهاني
08/06/2015, 02:33 PM
السلام عليكم ورحمة الله وبركاته
مني هالسويلفه ومنكم السموحه
اصلي فلاح واحب الزراعه لكنه ماتحبن
المهم عام 1416 قلت ابي اجرب الفلاحه والى صديق لي عنده مزرعه وتكلمت انا واياه بموضوع الزراعه
قال لي خلاص عندك هالارض جربه سنه ولا ابي منك الا تقدم للمحكمه وتطلع له صك قلت اتفقنا واقوم واتحيزم
وافسر عن ذرعاني واعصب راسي بشماغي واتوكل على الله وابدا وابذر عيش (قمح ) وابذر كمون وحلبه ورشاد وسميراء (حبه سودا ) ويطلع العيش من احسن مايكون ويوم جاء وقت الشربه – وقت حاجت الزرع للماء الواجد المستمر – وهي تخرب الماكينه – بلاكستون - خبطت تبي توضيب والاه تبي وقت من شيلته وتوضيبه وترجيعه الا قد الزرع مات
واقوم ادور ماكينه ثانيه ولا القى الا ماكينه لستر مثل قلته اخذته لاني منحد واركبه واشغله وتصب صب الشر لو اجمعه يوم كامل واصبه بالارض ماتعدى رجلي مالك بالطويله مات الزرع وصار حياله قلت خلن اجره على راعي بعارين غدين اعوض لو بعض الشي لكن الدبش ماخلنه كل ما اجي والى الشبك مجدوع والدبش مفلي فيه بعارين وغنم بس البقر ماشفتهن فيه وراح يعني يخلف الله تقولون البذاير الثانيه وش صار عليه اقولكم طبعا انا ما اعرف لبذرهن ختمت لهن الارض يعني حطيت نقر – حفر صغيره – بالمسحات وبذرتهن ودفنتهن وقعد اسقي واثر طريقة بذرهن غير ماهو مثل الزرع طريقة بذزرهن يدفنن خفيف وانا وغطت لهن مثل الزرع ولا طلع شي ابد الا الكمون طلع بروق.
يوم جاء العام الله يعمي العدو واستاجر مزرعه وازرع عيش وكمون وكزبره
اما الكمون طلع من احسن مايكون لكن طلع معه خبيز وكتمه وحاولت انا والعمال نمصع الخبيز لكن نمصع وحده وينبت ثلاث واللي بذرته كيسين كبار والحصيله صاع ولله الحمد على كل حال اما الكزبره يوم عيشت تسلطت عليه دوده ومثل النار شوته شوي و بيومين قضت عليه حتى ما امدانن اكافحها والحصيله ماهناش ولله الحمد الزرع تسلطت عليه البعارين وشيل وحط وشكاوي انا واهلهن ويوم طلع السبل ويتسلط عليه العصفور لكن الحمدلله عقب هذا كله بقى خير اللي زرعته 10 اكياس والحصيله 70 كيس ولله الحمد هذا عقب البعارين والعصفور .
انتهت السالفه غفر الله لي ولكم ولوالدي ولوالديكم وكل المسلمين .
وتقبلوا أجمل تحيه من محبكم
النبهاني
خيمة السوالف الشعبيه - مكشات
مني هالسويلفه ومنكم السموحه
اصلي فلاح واحب الزراعه لكنه ماتحبن
المهم عام 1416 قلت ابي اجرب الفلاحه والى صديق لي عنده مزرعه وتكلمت انا واياه بموضوع الزراعه
قال لي خلاص عندك هالارض جربه سنه ولا ابي منك الا تقدم للمحكمه وتطلع له صك قلت اتفقنا واقوم واتحيزم
وافسر عن ذرعاني واعصب راسي بشماغي واتوكل على الله وابدا وابذر عيش (قمح ) وابذر كمون وحلبه ورشاد وسميراء (حبه سودا ) ويطلع العيش من احسن مايكون ويوم جاء وقت الشربه – وقت حاجت الزرع للماء الواجد المستمر – وهي تخرب الماكينه – بلاكستون - خبطت تبي توضيب والاه تبي وقت من شيلته وتوضيبه وترجيعه الا قد الزرع مات
واقوم ادور ماكينه ثانيه ولا القى الا ماكينه لستر مثل قلته اخذته لاني منحد واركبه واشغله وتصب صب الشر لو اجمعه يوم كامل واصبه بالارض ماتعدى رجلي مالك بالطويله مات الزرع وصار حياله قلت خلن اجره على راعي بعارين غدين اعوض لو بعض الشي لكن الدبش ماخلنه كل ما اجي والى الشبك مجدوع والدبش مفلي فيه بعارين وغنم بس البقر ماشفتهن فيه وراح يعني يخلف الله تقولون البذاير الثانيه وش صار عليه اقولكم طبعا انا ما اعرف لبذرهن ختمت لهن الارض يعني حطيت نقر – حفر صغيره – بالمسحات وبذرتهن ودفنتهن وقعد اسقي واثر طريقة بذرهن غير ماهو مثل الزرع طريقة بذزرهن يدفنن خفيف وانا وغطت لهن مثل الزرع ولا طلع شي ابد الا الكمون طلع بروق.
يوم جاء العام الله يعمي العدو واستاجر مزرعه وازرع عيش وكمون وكزبره
اما الكمون طلع من احسن مايكون لكن طلع معه خبيز وكتمه وحاولت انا والعمال نمصع الخبيز لكن نمصع وحده وينبت ثلاث واللي بذرته كيسين كبار والحصيله صاع ولله الحمد على كل حال اما الكزبره يوم عيشت تسلطت عليه دوده ومثل النار شوته شوي و بيومين قضت عليه حتى ما امدانن اكافحها والحصيله ماهناش ولله الحمد الزرع تسلطت عليه البعارين وشيل وحط وشكاوي انا واهلهن ويوم طلع السبل ويتسلط عليه العصفور لكن الحمدلله عقب هذا كله بقى خير اللي زرعته 10 اكياس والحصيله 70 كيس ولله الحمد هذا عقب البعارين والعصفور .
انتهت السالفه غفر الله لي ولكم ولوالدي ولوالديكم وكل المسلمين .
وتقبلوا أجمل تحيه من محبكم
النبهاني
خيمة السوالف الشعبيه - مكشات