سلام ياخيمة هل اللغز والفوز...الحل...جوز....حله...د/ناصر العلي...كفو

[عدم الانحياز]

السلام عليكم ورحمة الله وبركاتة
الى الأحبة في هذه الخيمة الطيبة



سلام ياخيمة هل اللغز والفوز
ياما وياما سيقت الكفو مع فاز
طيري صفاته اغبر اللون له بوز
يشرب لذيذ الماء ولا يشبه الباز
لكن عجيبه والعجب كاسبه حوز
في حذفة الاطراف نال العجب حاز
اليا حذفت الراس ينحاش من هوز
وليا حذفت الذيل ما اشقاه من هاز
وان ذا ركب ذا عجز مايلحقه روز
والوزن وزن الخف ياللي لهم راز
الاولي ما كول واحلى من الموز
والآخِرِي مِزه على الغصب ياماز



ودمتم طيبين سالمين

[عابر الجوف]

صح السانك عدم الانحياز
ياخوي مدري وشلون صاروا اثنين باخر اللغز
ونجرب نقول
اسفنج
بدون الاطراف سفن
والسفن تركب البحر ولايلحقه روز بحكم انها بالماء
وسفن مشروب ولايحتاج مزاز
باقي احلا من الموز

[عدم الانحياز]

صح السانك عدم الانحياز
ياخوي مدري وشلون صاروا اثنين باخر اللغز
ونجرب نقول
اسفنج
بدون الاطراف سفن
والسفن تركب البحر ولايلحقه روز بحكم انها بالماء
وسفن مشروب ولايحتاج مزاز
باقي احلا من الموز


حياك الله اخوي عابر الجوف
حيا الله اللامع اللي ضربه بين السامع والدامع - ما شاء الله وبارك
اخوي ابو عويد انا قصدت ان حذفت الراس فكذا وان حذفت الذيل فكذا
ولكن ما دامها ماوضحت فقد اضفت بيت لعله يكون مساعد
دمت بخير

[صقر السديرات]

الله الله الله
قمة في الابداع ابيات سلسة عذبة أخذت من المطر وصفه
قافية في منتهى الجمال
ما أروعك وأروع ما أتيت به
وحمدا لله على عودتك
دمت بخير

[عدم الانحياز]

الله الله الله
قمة في الابداع ابيات سلسة عذبة أخذت من المطر وصفه
قافية في منتهى الجمال
ما أروعك وأروع ما أتيت به
وحمدا لله على عودتك
دمت بخير


حياك الله وبياك محافظنا الفاضل
ومشرفنا القدير صقر السديرات
اخوي ابو فيصل صح بدنك وكلك يالغالي فمثلك انت من أسرنا بفضله واحسانه
ولم يبخل بكلماته المشجعة الداعمة والتي تفيض بمشاعر الاعجاب والتقدير
وهي مثل الوقود الذي يدفع الى بذل المزيد في سبيل الرقي بنتاج هذه الخيمة المباركة
شكر الله سعيك وسدد على دروب الطيب والخير خطاك
دمت طيباً سالماُ

[أبوعبدالرحمن99]

الله الله الله
تركيب عجيب يدعوك لقراءة الابيات أكثر من مرة ،،
صح لسانك يا مبدع ،،
تحياتي .

[عدم الانحياز]

الله الله الله
تركيب عجيب يدعوك لقراءة الابيات أكثر من مرة ،،
صح لسانك يا مبدع ،،
تحياتي .


يا هلا بك يا هلا غنى السلا وسطه غلا
حياك مشرفنا الفاضل اسير النور
لاهنت ولا هان لك غالي يابو عبدالرحمن يصح بدنك ياصاحب الفضل
دمت طيباً موفقاً

[عيد القضيب]

صح لسانك وسلم بنانك ابوحمد
ماشاء الله وتبارك ابداع وامتاع
عودا حميدا باذن الله ياهلا ويامسهلا اباحمد فقدناك يالغالي
مرور تقدير والرمعة بعد التفكير
الف تحية ومليون وردة

[عدم الانحياز]

صح لسانك وسلم بنانك ابوحمد
ماشاء الله وتبارك ابداع وامتاع
عودا حميدا باذن الله ياهلا ويامسهلا اباحمد فقدناك يالغالي
مرور تقدير والرمعة بعد التفكير
الف تحية ومليون وردة


حياك اخوي عيد القضيب
يصح الساناك ويسلم بنانك يالغالي
الابداع والامتاع والتميز والعطاء عند يابوسلامه لا خلا ولاعدم يالطيب
ما تفقد غالي وياهلا بك في كل وقت
دمت طيباً مباركاً

[ف ف]

ماشاء الله صح لسانك مليار

ابداع بداع ابداع

والرمعه يسوقها الله

[عدم الانحياز]

ماشاء الله صح لسانك مليار

ابداع بداع ابداع

والرمعه يسوقها الله


حياك وبياك اخوي ف ف
صح بدنك وكلك الى ما لا نهاية يابو ثامر
الابداع يالغالي تشريفك لأخوك في هذا المتصفح
لاهنت ولاهان غاليك وياهلا بك في كل وقت
دمت طيباً

[عدم الانحياز]

السلام عليكم ورحمة الله وبركاتة
الى الأحبة في هذه الخيمة الطيبة



سلام ياخيمة هل اللغز والفوز
ياما وياما سيقت الكفو مع فاز
طيري صفاته اغبر اللون له بوز
يشرب لذيذ الماء ولا يشبه الباز
لكن عجيبه والعجب كاسبه حوز
في حذفة الاطراف نال العجب حاز
اليا حذفت الراس ينحاش من هوز
وليا حذفت الذيل ما اشقاه من هاز
وان ذا ركب ذا عجز مايلحقه روز
والوزن وزن الخف ياللي لهم راز
الاولي ما كول واحلى من الموز
والآخِرِي مِزه على الغصب ياماز
ارمع ثلاثة حروف تكفيك من عوز
حذفه على الحرفين ما غيره اعتاز

ودمتم طيبين سالمين


:butt3:
:butt3::butt3:
:butt3::butt3::butt3:
:butt3::butt3::butt3::butt3:
:butt3::butt3:
:butt3::butt3:
:butt3::butt3:
:butt3::butt3:
:butt3::butt3:
على سالفة اخوي الفاضل ابو ذيبان الله يذكره ويذكركم بالخير
ويسعده ويسعدكم دنيا وآخرة - نفكر بصوت عالي


اللون اغبر يعني ضمن البيجيات والبنيات بين البين
له بوز يعنى ما له زوايا متعدده وليس بدائرة
يشرب الماء معناته حي نبات او حيوان
اذا حذفنا راسه نجد اسم يجفل من الهوز واللي يجفل من الهوز يجفل من الاكثر ومعناته حي كذلك
اذا حذفنا الذيل نجد اسم لايجفل من الهوز بل انه لايعبره ولا يؤثر فيه
ثم نجد انه اذا الاول ركب الثاني ما يسبقهم الروز وهذا يدل ان الثاني ليس له صقة الاستقرار في مكانه
ثم نجد ان الاول ما كول ولذيذ بل انه ينافس لذة الموز واللذة نسبية طبعا
يقابل ذلك ان الثاني يمز وقد ذكر سابقاً انه لا يحتاج مزاز وتم التعديل انه يمز غصب وليس طواعية
وتمت اضافة بيت ليكون المطلوب الاصلي ثلاثة احرف وبعد حذف الذيل او الراس يكون حرفين لكل واحد



ودمتم سالمين

[ناصر العلي]

سلمت يالغالي

وبيض الله وجهك

وماقصرت

والله يذكر حبيبنا أبوذيبان بالخير

مايصير

لوز

http://vb.bdr1.net/image/14/05/images_9sds.jpg


تصحيح

جوز

الوز إذا ركب الجو ماتلحقه الروز

[عدم الانحياز]

سلمت يالغالي

وبيض الله وجهك

وماقصرت

والله يذكر حبيبنا أبوذيبان بالخير

مايصير

لوز

http://vb.bdr1.net/image/14/05/images_9sds.jpg


تصحيح

جوز

الوز إذا ركب الجو ماتلحقه الروز



الله الله ياعميدنا الدكتور ناصر العلي حياك وبياك وحيا ما جبت
يصح لسانك ويسلم فكرك ويعيش راسك وكلك
وجهك ابيض يالغالي والله يبارك في الحاضر ويحفظ الغايب

كفو كفو كفو كفو كفو كفو كفو كفو كفو كفو كفو كفو كفو

نعم اخوي الفاضل ابو علي الحل هو كما تفضلت
جوز - وز - جو
علماً ان الجو من مرادفات الهواء

كفو كفو كفو كفو كفو كفو كفو كفو كفو كفو كفو كفو كفو

دمت طيباً سالماً موفقاً اين ماكنت وكلما كنت

[ناصر العلي]

سلمت يالغالي

وبيض الله وجهك ورفع قدرك

وكفوك الطيب يالغالي

دمت بألف خير