وش تفضل : الصيف وإلا الشتاء ؟ ياليت كل واحد يقول رايه .

[الناقد الحر]

تتعاقب فصول السنة .. وأكثر ما نحس به ونعايشه فصلي الصيف والشتاء ومن الناس من يفضل فصل الصيف على فصل الشتاء ومنهم من هو العكس ..
أنا عن نفسي والله أفضل الشتاء لعدة أسباب : كثرة الأمطار وروعة الجو والتلذذ بشبة النار والكشتات في وقت النهار .. أما فصل الصيف فإن الكشتات لا تصلح نهارًأ وتكثر فيه الحشرات .......إلخ

أرجو كل واحد يقول رأيه والسبب اللي خلاه يفضل واحد عن واحد .

[النصوح]

أبشرك وأنا ماتأكدت بلحيل إن أكثر أعضاء مكشات ما يبون الصيف سبحان الله تعطل محركاتهم بالصيف

وبعضهم تلقاهم مترززين بجبال السودة يطاردون البراد والأمطار ولا يلامون وتراي واحد منهم ولو ماحصلي أروح لجبال جيزان

وعسير كرهت الصيف

[المشراق]

صدقت اخي العزيز الشتاء افضل لأنك يمكن تقدر تتحيل على الشتاء ولكن الصيف مافيه حيلة وخاصة في البر ويطلع ريحتك وريحة موترك ولو ان لكل فصل من فصول السنة عشاقه ومحبيه 0 (اتكلم عن اشدشهور الصيف حرارة)

[مهراس]

السلام عليكم ورحمة الله وبركاته

انا مع الناقد الحر، الشتاء مهما كان قاسيا، هناك طرق كثيره للتعايش معاه واتقاء برودته اما الصيف فليس هناك الكثير من الخيارات وان كانت موجوده فهي مكلفه نوعا ما.
شكرا لك على هذا الموضوع الأجتماعي.

أبو فهد

[salimasq]

الشتاء تكفى يازينه زيناه
كل شي له طعم والبرد محلول وضعة تدف بضو بلبس بذرا أي شي واستمتع بالجلسة والعلوم الطيبة
الأكل فيه له طعم غير والشرب له طعم غير وحتى النوم له طعم غير
والحركة فيه مرغوبة والنهار زينة الطلعات فيه

أما الصيف ماله حل إلا القعدة بالبيت تحت المكيف ولكن بحكم قربي من البحر لقيتله حل
أخذتلي دورة غوص وصرت بالصيف بحري وبالشتا بري
حتى صندوق العزبة بالشتا للمعاميل وبالصيف لعدة الغوص

وأخيراً اشكر أخي صاحب الموضوع على طرحة وأعتذر عن الإطالة

[قلب الداهيه]

أكيد البرد أفضل ما يبلها حتسي :d

لكن \ ما كل ما يتمناه المرء يدركه *تجري الامور بما لا تشتهي البشر :d

[نوض البرق]

الشتاء له جمالة بالبر وشبه الضو..والصيف بجمال البحر والسباحة

[مطر وسيل]

الشتاء احسن لأن فيه ايام تكون حلوه امطار واحياناً يكون الجو معتدل البرودة
اما الصيف معروف من الصبح وهو حر وشمس تحرق اذناب الفار

[عاشق البران99]

الشتاء أفضل بكثييييييير ،،،

والحمد لله على كل حال ،،،

[جدة غير]

السلام عليكم ورحمة الله وبركاته
جزاك الله خير
حر السعودية أقوى من بردها
الشتاء أفضل

[جبل راف]

الشتاء افضل من الصيف

مانسينا يوم يطفي الكهرب علينا بالصيف بعز الحر تعاف الاول والتالي

[سكّين]

وانا بالصيف اشتاق للأجوا الزينه والمكشات وشبة النار
واذا جاء الشتاء اشتاق للصيد وفضا الاوقات وطول النهار

[بني حسن]

http://www.brianslogcabin.com/trips/35-fall/images/5-winter-pics%20%281%29.jpghttp://re3.mm-a2.yimg.com/image/2242687976 (http://rds.yahoo.com/_ylt=A9gnMihQoZtF3woAHGaJzbkF;_ylu=X3oDMTBjMHZkMjZ yBHBvcwMxBHNlYwNzcg--/SIG=1jvptehq7/EXP=1167913680/**http%3a//images.search.yahoo.com/search/images/view%3fback=http%253A%252F%252Fimages.search.yahoo .com%252Fsearch%252Fimages%253Fp%253Dwinter%2526fr %253Dyfp-t-501%2526toggle%253D1%2526ei%253DUTF-8%2526fr2%253Dtab-web%26w=1024%26h=768%26imgurl=www.graphics-galore.com%252Fimages%252FLandscapes%252FLandscape s-1%252FBeen%252520a%252520Long%252520Winter.jpg%26r url=http%253A%252F%252Fwww.graphics-galore.com%252Fimages%252FLandscapes%252FLandscape s-1%252FBeen%252520a%252520Long%252520Winter.htm%26s ize=165.4kB%26name=Been%2ba%2bLong%2bWinter.jpg%26 p=winter%26type=jpeg%26no=1%26tt=5,530,075%26oid=2 48d983426e71746%26ei=UTF-8)http://re3.mm-a1.yimg.com/image/2116480989 (http://rds.yahoo.com/_ylt=A9gnMihQoZtF3woAImaJzbkF;_ylu=X3oDMTBjZmpxdmw 3BHBvcwM3BHNlYwNzcg--/SIG=1gvnksoqh/EXP=1167913680/**http%3a//images.search.yahoo.com/search/images/view%3fback=http%253A%252F%252Fimages.search.yahoo .com%252Fsearch%252Fimages%253Fp%253Dwinter%2526fr %253Dyfp-t-501%2526toggle%253D1%2526ei%253DUTF-8%2526fr2%253Dtab-web%26w=564%26h=700%26imgurl=www.kitchenplace.com% 252Fpics%252Fwinter.jpg%26rurl=http%253A%252F%252F kr.imagesearch.yahoo.com%252Fimgsrch%252Fav%252Fav _detail.php%253Fp%253Dwinter%2526b%253D0%2526i%253 D7%26size=37.8kB%26name=winter.jpg%26p=winter%26ty pe=jpeg%26no=7%26tt=5,530,075%26oid=0ae40095f0a014 ac%26ei=UTF-8)
http://re3.mm-a2.yimg.com/image/2270074768 (http://rds.yahoo.com/_ylt=A9gnMihQoZtF3woAKGaJzbkF;_ylu=X3oDMTBkM2llMTh uBHBvcwMxMwRzZWMDc3I-/SIG=1i3cn8h6v/EXP=1167913680/**http%3a//images.search.yahoo.com/search/images/view%3fback=http%253A%252F%252Fimages.search.yahoo .com%252Fsearch%252Fimages%253Fp%253Dwinter%2526fr %253Dyfp-t-501%2526toggle%253D1%2526ei%253DUTF-8%2526fr2%253Dtab-web%26w=600%26h=450%26imgurl=www.goeschenen.ch%252 Faktuell%252Fnews%252Farchiv%252Fwinter%252Fimages %252Fwinter_21.jpg%26rurl=http%253A%252F%252Fwww.g oeschenen.ch%252Faktuell%252Fnews%252Farchiv%252Fw inter%252Fpages%252Fwinter_21.htm%26size=104.0kB%2 6name=winter_21.jpg%26p=winter%26type=jpeg%26no=13 %26tt=5,530,075%26oid=8075c86399223008%26ei=UTF-8)http://re3.mm-a3.yimg.com/image/2660854536 (http://rds.yahoo.com/_ylt=A9gnMihQoZtF3woALGaJzbkF;_ylu=X3oDMTBkNXYybjc wBHBvcwMxNwRzZWMDc3I-/SIG=1gp93f3vu/EXP=1167913680/**http%3a//images.search.yahoo.com/search/images/view%3fback=http%253A%252F%252Fimages.search.yahoo .com%252Fsearch%252Fimages%253Fp%253Dwinter%2526fr %253Dyfp-t-501%2526toggle%253D1%2526ei%253DUTF-8%2526fr2%253Dtab-web%26w=640%26h=449%26imgurl=www.dadonline.it%252F album%252Fwinter%252Fwinter%252520%252829%2529.jpg %26rurl=http%253A%252F%252Fwww.dadonline.it%252Fal bum%252Fwinter%252Fpage_01.htm%26size=82.6kB%26nam e=winter%2b%252829%2529.jpg%26p=winter%26type=jpeg %26no=17%26tt=5,530,075%26oid=f4e97d355af74198%26e i=UTF-8)
اضغط على الصوره للحجم الكامل
اكيد الشتا
الشتا يجي معه الخير بأذن الله وتقدر تدفي حالك بالغاز بالكازبالكهرب بالحطب اما الصيف مالك غير المكيف وتضل متخبي مثل الضب بالنهار

[النورس2020]

الصييييييييييييييييييييييييييييييييييييييييييييييي يييييييييييييييييييييييييييييييييييييييييييييف احلى

[أبو محمد 2007]

انا اميل للصيييييييييييييييييييييييييييييييييييييييييييييف

[هواوي]

وش رايكم في الربيع ؟؟

اناافضل الوسم بل الوسم هو افضل موسم في الكره لانه لا ربيع ولا خريف ولا شتا ولا صيف الا جو نسال الله السلامه جو مااحلى منه وامطاره احلى امطار والناس مستبشره فيه بالخير

وش رايكم نخلي الوسم فصل وتصير الفصول خمسه

وان ما فيه الا خيارين فاشتا احلى

[شاص خليجي]

وحبى للشتاء الزم ماعليك تتلبس ومايجيك الشر بس الصيف وش تسوى تفصخ ثيابك؟ ياليت السنه كله شتاء

[الشمالي 77]

السلام عليكم

الشتاء افضل في وقتنا الحالي كل شي متوفر ولله الحمد

لو تسأل الشيبان قالولك الصيف احسن (شيبان نجد)

يفضلون الصيف من شي شافوه في الشتاء - تخيل انك عايش قبل 50 سنه ويجيك هالبرد :)

الله يرحم موتانا وموتى المسلمين

[ريم البراري]

أنا أحب المطر ولا أحب البرد:D أقصد الجميد بس أني أحب البرد اللي هو حبات البرد:D وودي يجينا ثلج مثل جبال اللوز:D
أحب ليال الصيف ولا أحب الحر:D
أحب الربيع ولا أحب القحط:D
أحب بنت المطر وأم سالم وملهي الرعيان والبسباس والعراجين والفقع:D ولا أحب الخنافس العقارب والثعابين:o
أقصد في كل فصل فيه شي زين وشي شين بس مايجتمعن:D

[الوافي88]

الشتاء بدون منازع

[مطر جدة]

لكل منها يهوى الفصل المحدد على حسب البيئة والمكان الذي يعيش فيه

فاهل الجنوب ( منطقة عسير ) وايضا اهل الغرب ( محافظة الطائف ) طبعاً يفضلون الصيف ..نظراً لعتدال الجو في المرتفعات وكثرة الامطار عليهم ..

اما في المنطقة الوسطى والمناطق الساحليه والشرقية والغربية ..فهم يفضلون الشتاء .. نظراً لارتفاع درجة الحراره في المنطقة الوسطى وهبوب السموم .. اللي ما تخلي احد يطيق انه يخرج .. واهل السواحل ايضا يفضلون الشتاء .نظراً لاعتدال الجوو وقلة الرطوبه الخانقة في الصيف ..

اما المنطقة الشمالية مااعرف وش يفضلون

مجرد وجهات نظر

وانا افضل الشتاء اذا كنت في البحر ..وافضل الصيف لارحت الديرة ..

مطر جدة

[دكتور مكشات]

يا زين الشتاء لولا










































الصخاين !!!!
(الأمراض)

[صريح جدا]

يابن الحلال كل واحد أردى من الثاني

الصيف حر وخياس وعندك ناس خكر مايحبون العرق يطلع منهم ولاقطبة وإن طلع قاموا تروشوا

والشتاء لبس ثقيل ماعاد تتحرك وحمامات يادافع البلاء تطلع من الحمام ودك تعود

[علم199]

سلمو لي على الشتاء سلام واجدددددددددددددددددددددددددددددددددددددد ولايهون الصيف .

[البيـرق]

الشتاء وبس..........

والله لون تشوفون بس وش لون احسب له واحتريه..........

عسى الله يرزقنا المطر والخير والبركة وجميع ديار المسلمين............

[الجارح الأول]

والله أن الشتاء أرحم من الصيف بكثير وحتى لو كان بارد مثل هالسنة

لأن برأيي الشتاء أحسن حتى على نفسية الإنسان

لأن الصيف وشدة الحر تخلي الواحد ما له خلق حتى نفسه

ولا تنسى مصاريف الكهرباء وخراب المكيفات والحرائق لا سمح الله بسبب التحميل الزائد للمولدات الكهربائية

وكل عام وأنتم بخير

[××العايذي××]

والله بالنسبه لي لا احب الصيف ولا الشتاء ولا هم يحزنون

المشكلة اجواءنا ما يعيش فيها الا البعير والسعودي لا زيادة ولا نقصان


اما الفصل اللي تقدر تقول اني احبه هو فصل الربيع لكن مهب كامل احبه في البداية لكثرة المطر اما النهاية تقدر تضمه مع الصيف واشكرك

والعذر على الاطالة

[برري]

أفضل الشتاء ، لولا انه ينكد علي بالامراض مع البزران ، لكن هو الأفضل حتماً ، بران ، أمطار ، شبوب سمر ، مخاوى السنافية ، لكم شكراً .

[ابو حمود999]

اااااااالشتتتتتتتتتتتتتتتتتتتتتتتتاءءءءءءءءءء ياطير شلوى هوالمفضل عندي شبة نار وفنجال وعلوم رجال

[الناقد الحر]

الله يعطيكم العافية على هالمرور والردود الزينة
وأتضح لي إن ربعي واجد اللي يحبون الشتاء
والواضح أكثر إن راعي البر والمكاشيت هو اللي يحب الشتاء
لأن لذة البر في شبة النار ودخانها

أكرر الله لا يهينكم على الزيارة الكريمة

[مفك 14]

بني آدم مثل الانسان ان حس برد قال برد وان حس حر قال حر . هههههههههههههههههههههههههههههههههه

[اعصار مكه]

انا كنت ابقول الصيف ولكن تذكرت انقطاع الكهرباء في الصيف وفي عز الضهر تخيلو صحيح الشياب يضحكوا علينا بس تعرفو جيل اليوم لا عيش بدون كهرباءولكن الشتاء افضل بكثير اجواء رائعه امطار طلعات بريه( الحشرات والعقارب في سبات عميق ههههههه ) الشتا ء افضل افضل افضل
:)

[ابوشلاخ]

الشتا افضل و الصيف

[أبو عابد1]

أفضل الشتاء

حسب الناس منهم من يحب الصيف ومنهم من يحب الشتاء بحسب متطلبات الفصلين إن وجدت أو لم توجد

وأكيد الأغلب منا يبي الشتاء لكن حسب الشخص نفسه إن لا توجد لديه دفاية أو ملابس شتوية فالبتالي يكره الشتاء

أما بعض الأشخاص لديه مايدفيه ولديه الملابس الشتوية فالتالي سوف يميل لحب الشتاء وبرودته

وكذلك حسب المنطقة التي تعيشها فشمال المملكة يميلون إلى حب الصيف أكثر من الشتاء

أما جنوب ومرتفعات المملكة فيميلون إلى الصيف أكثر من الشتاء وذلك لكثرة أمطاره ودفء جوه

أما وسط المملكة فلا صيف لشدة حرارته وجفافه وانعدام الأمطار ولا شتاء لشدة برودته وجفاف جوه وقلة أمطاره



وأشكرك أخوي الناقد على الموضوع الاجتماعي التفاعلي وبارك الله فيك

إلى الأمام

[علووووم الحيا]

الشتاء بدون منازع

[علم199]

سلمو لى على الشتاء سلام واجددددددددددددددددددددددددددددددد ولا يهون اخونا الصيف .

[بواردي الدلم]

لاوالله انا اعشق الصيف لانه حي والحي يحييك فيه الفاكهه وفيه السباحه وفيه الجلسات اخر الليل وفيه النهار الطويل اللي يمديك تخلص اشغالك وفيه ان الواحد يقدر يروح ويجي على كيفه اما الشتاء يتلملم الواحد منا بخلاقينه ويقابل ضوه ولا وده يقوم من محله ولين راح يصلي الفجر راح يسابق خطوته من البرد اما الصيف يمشي وهو مبسوط يسبح ويهلل وكل بعقله راضي

[الدبوس]

الزمهريروالقيض نفسان للنار اعاذنا الله واياكم منها

ولكن أفضل الشتاء .. والسبب :
1 - الشتاء ربيع المؤمن يمكنه القيام في الليل لأنه طويل ويقصر نهاره للصائم .
2 - الشتاء اقتصادي في كل شيء (الماء - فاتورة الكهرباء - المشروبات - الاطارات - يطول عمر زيت المحرك) .
3 - الشتاء يجمع الاسرة والاقارب .
4 - تندر الاعطال وتقل الاسفار .
5 - لاتفسد الاطعمه وتقل روائح الجيف في البر (أجلكم الله) .
6 - يريح النظر بارتباطه بالامطار والعشب ومناقع المياه .
7 - يقلل دوران الشباب في الشوارع ووقوفهم وبعض الممارسات الخاطئة في الاماكن العامة .

الشتاء

[جاكم التويبع]

السلام عليكم اخواني

انا افضل الصيف واحبه بلا حدود لكن انا اعتقد ان طرح الموضوع هذا الوقت ظلم للحبيب الشتاءلانه اوجعنا

انا اقترح طرح الموضوع في الربيع او الخريف

( الصيف ارأ ف با لفقيرمن الشتاء )

[mr guzai]

احب الأعتدال في كل شيء شكرا علي الطرح

[أبرق دمعة]

صراحة : الشتاء عندنا ألذ .. تكثر فيه الروحة والجية والكشته وشبة النار .. وإذا صار الجو زين بعد
أخخخخخخخخخخخخخخخخ بس وصار معه أمطار وربيع ووناسة وفلة حجاج .. وش تبي اكثر من كذا ..

لكن بالمقابل ترى الصيف له نكهه .. خاصة مع الجح (البطيخ) والسباحة .. والسفريات بعطلة الصيف ..
ولا تنسون ( صيفنا مع أهلنا أحـلـــــــــــــــــــــــــــى )
http://www.mekshat.com/pix/upload/sign/images/mk39342.gif

[حوت الشعيب]

اكيد الشتاء ففيه تأتي الامطار بإذن الله ومن حبي للشتاء هذالي اكثر من خمس طعش سنه وأنا اطارد في هالبران اذا جاء الشتاء حتى انني عام 1409هـ رحت لوادي موسى بالاردن حيث عبرت منطقة يقال لها راس النقب بلغت درجت الحرارة بها 9 تحت الصفر وذلك في اول الليل يعني بعد ما صلينا العشاء بقليل كما انني اذهب منذ عدة سنوات الي شمال سوريا وشمال لبنان لمشاهدة الثلوج والتمتع بها ، الله يشوفني يقول من فنلندا أو من السويد !!!!!!!!!!!!!

[ساكن الساحبة]

اكيد الشتا
الشتا يجي معه الخير بأذن الله

[نعمان الفهمان]

وش جااااااب لجاب

يا خوي صيفنا يجيب الكتمة

[جرير الشاعر]

ولو أن نتيجة التصويت لن تغير من الحال شيئا


وهذا تعاقب فصول السنة


وكله بأمر الله


لكن من طبيعة الإنسان أن يحب التوسط

فالجو في فصل الربيع ( براد خفيف + خضرة ) نعمة من النعم


أما الصيف والشتاء

فالصيف الحار جداً لا أحبه

والشتاء البارد جداً لا أحبه

[محمد عبد القادر]

هنا في المملكة أفضل الشتاء ومن ثم الربيع موسم الأمطار والسرايات

[عاشق سفر]

عن نفسي أفضل الصيف بصراحة...

ممكن لأني من أهل الطائف والجو عندنا بالصيف يزين...

واللي يعرف جو الطائف بالصيف اكيد بيقدر كلامي.

[راعي الرجم]

الشتاء افضل من الصيف بكثير الشتاء تقدر تروح وتجي وله حل اما الحر بلشه يبي مكيف وماء بارد والاكل مايصبر اما الشتاء الاكل واللبس طب وعلاج

[علي الشهري]

الشتااااااااااااااااااااااااااااااااء أحب بلا منازع

[خبرة السنين]

انا عني

الشتاء
الليل طويل ونهار قصير

وما نحس بطول الدوامات
والامطار الخير اللي فيه
والبرد المنعششششششششش
وطلعات البر مع الشباب او مع الاهل
تحس براحه نفسيه في الشتاء
اما بصيف تحس بالحرارة
وضيقه

وياليت يخلون اجازة الكبيرة في الشتاء

اخوك خالد

[أقلط]

الشتاء.../ وشكرا

[محب سدير]

لما كنت صغيرا كنت أحب الشتاء ..كثيرا

أما لما كبرت وترعرعت وتزوجت ورزقت بالأطفال ..وبدأت آثار الكبر تظهر ...فالصيف أخف وأحب إلي من الشتاء

أما أفضل الفصول فلا شك هو الربيع وخصوصا أوله ..

ومما يجب التنبه لها إختلاف المناخ في المناطق المتباعده فأهل الجنوب وأهل الطائف يحبون الصيف وأهل الوسطى والغربية والشرقية في ظني يحبون الشتاء أكثر (خصوصا الغربية للطافة البرد عندهم )

[قناص سدير 999]

الشتاء افضل من الصيف

[smod227]

الشتاء راحة من صوت المكيف وليل طويل

[banshy]

الشتاء
السبب : الامطار وشبت الضو
واشياء كثيرة

[ابن الصحراء]

الشتاء


وشبت النار والامطار .

الشتاء يمشيئة الله كله خير .

[بن المرزوق]

الشتااااااااااااااااااااااااء

[عشقي شمالي]

الشتاااااااااااء طبعا

يزين كل شئ

[الباحث_الصغير]

الشتاء للأسباب التي ذكرها الاخوان من قبل ولكم جزيل الشكر.

أما الصيف الله المستعان حر شديد + جفاف + هواء حار (سموم) + غبار

استغفر الله استغفر الله استغفر الله اللهم قنا عذاب جهنم حرها وزمهريرها.

[الصفراوي]

الشتاء أفضل
لاكن لايكون مثل برد ها السنة الي خلانا جاحرين في بيوتنا عند الدفايات والوجار من شدة البرد
الله يلطف بنا

[طناف]

يا زين الشتاء وطارية لو الدنيا جليد ياحية

لكن الصيف الله يرحمنا برحمتة علة
النفس شينة
وأعطال السيارات تكثر << حتى الحديد مايسلم


وسلامتكم

[ابو جلمبو2007]

أكيد الشتاء يالله من فضلك !!

[مليحه]

يازين الشتاء وبرده

[جلاد الصحراء]

اكيد الصيف يكفي مرض العيال بالشتاء سرداد مرداد للمتشفيات
بالصيف شغل المكيف الصحراوي واقعد عند الدش

[ضغط سحاب]

انا احب الشتااااااااااااااااااااااااااااااااااااء
والي ما يحب الشتاء يتلبس ويصير عنده صيف ههههههههههههههه:d :d :d

[طوفان الوادي]

الشتاء احلى من الصيف ولا يهون الربيع

[بارود برنو]

احب الشتاء لشبة النار والجلسة والدلال لان لها نكه خاصه في الشتا ومنخفض رايح ومنخفض جاي يعني الشتا حماس
والصيف للقنص والصيد فقط

[مشعل الخير]

بكل تأكيد الشتاء افضل شبت النار وهبت الريح وفيه المقناص والكشتات واخر الشتا الربيع

[القويعي]

والله انا

افضل الشتاء لروعته وكثرة امطاره

والبرد احبه مره وبسبته الحين داخلني برد

وسلامتكم

[فارس طي]

أناأميل للشتاء اللي مافيه برد شديد يعني ماتنزل الحرارة عن 8 درجات في الليل ولاتزود عن 24 في النهار0

أي الجو الربيعي اللي تتلذذ بشبة النار وفي الشتاء تكثر الأمطار وكل واحد يحب المطر 0

[سحاب برق رعد]

ياشين الاثنيين

[أبو مسفـر]

الــشـتــاء

[ملاعب الريح]

الشتا لأن الجو العام يكون أفضل من الصيف وبالشتا تكون النفوس زينه بعكس الصيف:):):)


(ملاعب الريح)

[ساحل الشمال]

لا والله الشتا ثم الشتا ثم الشتا وبعديييييين الصيف .

[الرحال الحزين]

الشتاء طبعا

والصيف في ابها

كأنه شتاء

[بن نويشر]

الشتاء زين للكبير والصغير والفقير والغني .. فيها يقدر الواحد يطلع ويتمشى على كيفه وبأقل التكاليف ، أم الصيف فحره بغيض وتكاليف وخسائر !! التصييف ما كلن يقدر عليها والسفر والسياحة بالحيل مكلفة على كثير من البشر .. حتى المصائف الداخلية للأسف أستغلال وأسعار تكسر الظهر .

يا زين البرد وبس ..

[alburkan]

أنا عن نفسي أفضل الشتاء

[الكـاسـر]

الشتاء بلا منافس

[راعى بنبان]

لصار شتاء وشبت نار وربع على كيفك كيف كيف كيفك

[فواصل]

أكيد الشتاء
لومايجيك االا,, القشد000 والحنيني 0000 والعصيد
وكشخة الشتاءوعرض الأزياء

[الحر123]

الشتاء وبسسسسسسسسسسسسسسسسسسسسسسسسسسسسسسسسسسسسسسسسسسسسسسسس سسسسسسسسسسسسسسسسسسسسسسسسسسسسسسس

[مزن]

السلام عليكم

البرد الشديد يوذي والحر الشديد يوذي .

والوسمين (10\11\3\4\5)ميلادي الجو معتدل واكثر مطر