أعراف الصقارين،، و الصقارة

[أبوبدرالمطيري]

السلام عليكم ورحمة الله وبركاته،،،

لا أعلم إذا كان مثل هالموضوع سبق طرحه في المنتدى أو لا

لكن بودي كل منا يدلي بدلوه لتعم الفائدة ،،

فالكثير منا لديه معلومة غائبة أو أعراف قديمة تركوها الصقارين الآن بسبب الجهل بها

وهذا ماهو عيب ،،، لأننا لم نخلق علماء وحدود معرفتنا بالصقارة مرتبطة بمجالس القصارين الي نعاشرهم

من الأمور الجديدة علينا في الصقارة وتمر على بعض الصقارين هي موت الطير عند صديقك الي عطيته الطير يقنص به ويرده ،، أو في مربطه وقت المقيض

شيباننا كانت السماحة سمة بينهم ،،، لكن في وقتهم الطيور ماكانت بهاك القيمة والغلاء

فكثير من أصحاب المرابط أو الصقارين ما يدري شلون يتصرف في مثل هالحالة

ما يسمى بحق القضبة هي عرف ولكن حاليا أشوف إن بعض الناس بدأ يستغلها ويساوم راعي الطير

مثل هالأعراف تستحق التعلم والتداول ونشر المفيد منها بين أهل الصيد والصقارين على وجه الخصوص

فهي موروث يجب المحافظة عليه ونقله للأجيال القادمة

[راعي القراميش]

اصبح للمادة المنظور الاول عند الصقارين الجدد الحديثين



لكن الصقار المتخرس من صغره بعلوم الصقارين الفحول سلومه متميزة و تدور مخوته


مثال 1: ضاع طير عن حد الصقارين الجدد اللي يجالس الصقارين و بدا يتعلم و
تحس بتباشير الصقارة الطيبة فيه و زعل و يبا يترك الصقارة ..
واحد من الصقارين اللي عنده جمع من الطيور اهداه طير منهن لانه شاف انه
مهتم في الطير و يعرف كيف يهتم فيه و يخاوي الصقارين عشان ما يترك هالهواية الطيبة


مثال 2:طرحت وكري شواهين مثلا و واحد من اخوياك و ربعك يباه بقيمه لا باس
بها 3000 درهم و خاطره بالطير و ما يملك الكثير.. و في السوق لا عرضته
ياب 4000 درهم لان حال السوق تغير و كثرة الصقارين الجدد و يعطون الطيور
اللي ما تسوى اكثر من قيمتها .. هل تبيعه لخويّك و لا في السوق؟
بعض ربوعنا الله يجزاهم خير يعرضه للربع و يبيعه لو خاطرهم فيه.. و لكن البعض
منهم موول يدور اعلى قيمة من شرق الارض و غربها و لو فرقت مية درهم ما
باعه لك هههههه

[أبوبدرالمطيري]

اصبح للمادة المنظور الاول عند الصقارين الجدد الحديثين



لكن الصقار المتخرس من صغره بعلوم الصقارين الفحول سلومه متميزة و تدور مخوته


مثال 1: ضاع طير عن حد الصقارين الجدد اللي يجالس الصقارين و بدا يتعلم و
تحس بتباشير الصقارة الطيبة فيه و زعل و يبا يترك الصقارة ..
واحد من الصقارين اللي عنده جمع من الطيور اهداه طير منهن لانه شاف انه
مهتم في الطير و يعرف كيف يهتم فيه و يخاوي الصقارين عشان ما يترك هالهواية الطيبة


مثال 2:طرحت وكري شواهين مثلا و واحد من اخوياك و ربعك يباه بقيمه لا باس
بها 3000 درهم و خاطره بالطير و ما يملك الكثير.. و في السوق لا عرضته
ياب 4000 درهم لان حال السوق تغير و كثرة الصقارين الجدد و يعطون الطيور
اللي ما تسوى اكثر من قيمتها .. هل تبيعه لخويّك و لا في السوق؟
بعض ربوعنا الله يجزاهم خير يعرضه للربع و يبيعه لو خاطرهم فيه.. و لكن البعض
منهم موول يدور اعلى قيمة من شرق الارض و غربها و لو فرقت مية درهم ما
باعه لك هههههه

بعض الناس ما يبيع على معارفه لأنه يخاف من الكلام بعد البيع .. وهو حاصل للأسف

مشكور على المرور والمشاركة ياراعي القراميش

[أبوبدرالمطيري]

من أعراف الصقارة .. ما أحد يمد يده على الطير إلا راعيه،،،

وركادة الناس حوله أثناء الدخول والخروج والحركة حوله،،،

بعض الصقارين حالياً الصقر بالنسبة له مكمل للكشخة،، صاير طيره كنه ببغاء تشوفه من يد ليد