يابو جار الله ويش بنتٍ قديمي...الحل...نبيطة...حله...د/ناصر العلي...كفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز موجه لحبيبنا ابو جار الله


عودٍ يسوق لغزه لعودٍ نهيمي=نفسه على ذبح الغطاوي نهيمه
الياستمخ للغز حله يليمي=اليافضى ماشيف غطوه سليمه
يابو جار الله ويش بنتٍ قديمي=واليوم ماله بيننا اي قيمه
بنتٍ عملها يستوي لو تقيمي=مابين يد ويد تصبح مقيمه
مع لعبةٍ بالحرف عده عديمي=رميه ومن شرواك صارت عديمه
أول ثلاث احروف رجلٍ حشيمي=واللي بقى بنتٍ موكد حشيمه


مع تحيات ابو ماجد

منتديات مكشات . خيمة الالغاز

[عابر الجوف]

صح السانك ابا ماجد
غالي ومسندعلى غالي
ماتكون لعبة الوشيشا
او سبت السبوت

[صقر السديرات]

صح لسانك ملايين
ما أروعك وما تأتي به
ممكن
لبنة
لبن
بنة
دمت بخير

[ناصر العلي]

وعليكم السلام ورحمة الله وبركاته

سلمت ياأبوماجد

وصح لسانك

وغالي ومسند على غالي

محاولة

فيه بندق قديمة تسمى

ماطلية,,,مالطية
ماطلي أو ماطلية


يتسع بطنها لطلقة واحدة وهي صناعة أوروبية والأرجح مالطية
صنعت في العام 1857م، ولم يكن لها أنتشار واسع كباقي البنادق مثل بندقية مارتين وأم أصبع

http://www.waraqat.net/2009/10/sla7_kadem8.jpg (http://www.waraqat.net/9787/)

[ابو ماجد 2]

صح السانك ابا ماجد
غالي ومسندعلى غالي
ماتكون لعبة الوشيشا
او سبت السبوت

هلا بك يابو عويد
صح بدنك يالغالي
وابو جارالله من الاول قايل له لو تتفرغ للترميع كان مابقي لغز بالساحه سالم من سهامك ماشاء الله عليه
الرمعتين مالك لوى
انتظر القادم

[ابو ماجد 2]

صح لسانك ملايين
ما أروعك وما تأتي به
ممكن
لبنة
لبن
بنة
دمت بخير

صح بدنك يابو فيصل
والاروع تواجدك يالغالي
لغزنا لايزال طليق

[ابو ماجد 2]

وعليكم السلام ورحمة الله وبركاته

سلمت ياأبوماجد

وصح لسانك

وغالي ومسند على غالي

محاولة

فيه بندق قديمة تسمى

ماطلية,,,مالطية
ماطلي أو ماطلية


يتسع بطنها لطلقة واحدة وهي صناعة أوروبية والأرجح مالطية
صنعت في العام 1857م، ولم يكن لها أنتشار واسع كباقي البنادق مثل بندقية مارتين وأم أصبع

http://www.waraqat.net/2009/10/sla7_kadem8.jpg (http://www.waraqat.net/9787/)


هلا بك يابو علي
صح بدنك وسلمت من الشر
والظاهر دكتورينا انت والنبهاني بينكما تناسب طردي
ان تفرغت انت اصبح غير متفرغ وان تفرغ هو اصبحت انت غير متفرغ
الله يعينك وكثر خيرك على التواصل رغم زنقة العمل والعمار الله يسهل امورك كلها
لغزنا لايزال طليق

[عابر الجوف]

احسب المطلوب لعبه قديمه

[ابو ماجد 2]

احسب المطلوب لعبه قديمه

ههههههههههههههه
قلت لك اول اذا شفت الغازك قلت فلان زميل عزيز كان معنا واذا شفت مراميعك على الغاز الحروف قلت لا ماهو هو
والآن تتخذ نفس النهج بمحاولة سحب الكلام
هههههههههههههههههه
اللغز توه وماهو حمل التوضيحات اصلا

[عابر الجوف]

ماكنت اقصد التوضيح يابو ماجد انا جديد على الغازكم بس انا قريت لعبه حسبت المطلوب فعلا لعبه وبرمجت الفكر على ذلك

يمكن خبنة الكم

ونخب اول

[ابو ماجد 2]

ماكنت اقصد التوضيح يابو ماجد انا جديد على الغازكم بس انا قريت لعبه حسبت المطلوب فعلا لعبه وبرمجت الفكر على ذلك

يمكن خبنة الكم

ونخب اول


لاتواخذني ترى عودكم احيانا يشطح بالتفكير
وما جا بالبال يكبه امامكم يمكن سببه الشعور بالارتياح تجعل الواحد ياخذ راحته
اكرر اسفي ان كنت اعطيت نفسي ميانه فوق اللزوم
حياك يالغالي وماهي خبنة الثوب

[عابر الجوف]

لاتواخذني ترى عودكم احيانا يشطح بالتفكير
وما جا بالبال يكبه امامكم يمكن سببه الشعور بالارتياح تجعل الواحد ياخذ راحته
اكرر اسفي ان كنت اعطيت نفسي ميانه فوق اللزوم
حياك يالغالي وماهي خبنة الثوب




تمون يالغالي اعتبرني واحد من عيالك

يكفينا حضورك والغازك الطيبه

[عابر الجوف]

ماهي شخصية بنت البكار

وطريقة التشخيصه وتثبيتها على الراس باليدين الثنتين

كاب لعبة الثلاث حروف الاولى

كار

https://s.yimg.com/fz/api/res/1.2/OzQRBFQTrK5lZZvvHKt_ag--/YXBwaWQ9c3JjaGRkO2g9MzMzO3E9OTU7dz0zMzM-/http://upload.hawamer.com/d.php?hash=E27GXTLLVBHJTWWW634TI2JIV8KSCU

[ابو ماجد 2]

تمون يالغالي اعتبرني واحد من عيالك[/center]

يكفينا حضورك والغازك الطيبه


هلا بالغالي
مدام قلت واحد من عيالي فالامور زينه يعني المزح مفتوح
لكن على كذا يبي يطلع عمري طوَّف المائه
ذكرتني واحد من الزملاء قال جده ياوليدي ابيك تودين يم العيال
جده ناوش الميه فيقول قلت في نفسي اكيد جدي مع اعيال متخذينه لعبه من شان يضحكهم
المهم يقول وديته وقلت خل ابنزل معك يبه . نزل يقول ابشوف هالعيال لقيت اصغر واحد فيهم تجاوز الستين
لكن بالنسبة لمعيار جده يعتبرهم عيال
شرفتنا يالغالي والطيب بهالوجه

[ابو ماجد 2]

ماهي شخصية بنت البكار

وطريقة التشخيصه وتثبيتها على الراس باليدين الثنتين

كاب لعبة الثلاث حروف الاولى

كار

https://s.yimg.com/fz/api/res/1.2/OzQRBFQTrK5lZZvvHKt_ag--/YXBwaWQ9c3JjaGRkO2g9MzMzO3E9OTU7dz0zMzM-/http://upload.hawamer.com/d.php?hash=E27GXTLLVBHJTWWW634TI2JIV8KSCU


لايزال طليق يالغالي

[عيد القضيب]

صح لسانك وسلم بنانك زعيمنا وتاج روسنا
ماشاء الله ابداع كالعادة
نعطيك هالمضلعة: شبرية
الف تحية ومليون وردة

[عيد القضيب]

استعجلنا الرجل ثلاث حروفه

[عابر الجوف]

صح السانك
من الملابس صديريه
صيد
ديره

[ابو ماجد 2]

صح لسانك وسلم بنانك زعيمنا وتاج روسنا
ماشاء الله ابداع كالعادة
نعطيك هالمضلعة: شبرية
الف تحية ومليون وردة


صح بدنك ياحامل بيرقنا
هلا بك يابو سلامه
والابداع بعض مما تملكونه
الرمعه ماصابت يالغالي

[ابو ماجد 2]

استعجلنا الرجل ثلاث حروفه


هلا بك يابو سلامه
اول ثلاث احروف رجل حشيمي والباقي لم يحدد بالعدد بنت حشيمه

[ابو ماجد 2]

صح السانك
من الملابس صديريه
صيد
ديره


صح بدنك يابو عويد
هذي من ايام ماكنا نسمي الكوره طابه

انتظر مرماعك القادم

[النبهاني]

وعليكم السلام والرحمه
زعيمنا الله يرفع قدرك كمان وكمان
وصح لسانك إلى مالا نهايه
ماشاء الله لقب يزهابك
صاحب الثنتين رماع والغاز تبارك الرحمن قارنهن قرن
الرمعه يابوماجد لو هي حاصره تاقدرت أرسلها من هالمروح
أبو مجد لي عود'ه السناوانا ناحيتيال،نخا لاناا

[ناصر العلي]

نعاود المحاولة يالغالي

ماتصير

نبيطه

http://www.aljazeera.net/mritems/images/2001/11/26/1_68549_1_6.jpg


نبي

طه....سوره من سور القرآن الكريم

[عابر الجوف]

ماشاء الله عليك يابو علي

على الرمعه

والله اني قلبت النبيطه من امس كم مره بس ماطلعت بشي

والسبب اقول نباطه نبا مالقيت في حشمه ولكن نبي محشوم

صح السانك يابو علي مقدما

[ابو ماجد 2]

وعليكم السلام والرحمه
زعيمنا الله يرفع قدرك كمان وكمان
وصح لسانك إلى مالا نهايه
ماشاء الله لقب يزهابك
صاحب الثنتين رماع والغاز تبارك الرحمن قارنهن قرن
الرمعه يابوماجد لو هي حاصره تاقدرت أرسلها من هالمروح
أبو مجد لي عود'ه السناوانا ناحيتيال،نخا لاناا

هلا بك يابو جارالله
صح بدنك يالغالي
وانت يادكتورنا الغير متفرغ تستاهل معلقات
لاتواخذني اللي علمته بالاحمر احتاج لمترجم
ههههههههههههههه
بس ولو هذي بكفه وابو فلان بكفه

[ابو ماجد 2]

نعاود المحاولة يالغالي

ماتصير

نبيطه

http://www.aljazeera.net/mritems/images/2001/11/26/1_68549_1_6.jpg


نبي

طه....سوره من سور القرآن الكريم


هذا هو يادكتورنا توقعتك من اول مرماع تنهيه بس عدم التفرغ مشكله
كفووووووووووووووو كفووووووووووووووووووو كفووووو
نعم
نبيطه
وما قصرت بالشرح والصوره
لله درك وصح لسانك ملايين
وهاللغز مجدد وكان على هالصيغه

ياويش بــــــنتٍ مقدِمه......من هو بعــمري يعلمه

جملة حـــروفه اقسمه......والحل بيّـــــن لك وكود

أول ثــــــــــلاثٍ يافـهيم......يظهر بهن رجـلٍ حشيم

واللي بقى بنت الـكريم......بنتٍ وعرفه من عهود

بنتٍ وفــــــعلٍ له شهير......يد ويــــــــدٍ لـــــــه تدير

وماظنتي عرفه عـسير......ولا ظن عقب هذا ازود

وقد رمعه حبيبنا الغايب برق القصيم

[ابو ماجد 2]

ماشاء الله عليك يابو علي

على الرمعه

والله اني قلبت النبيطه من امس كم مره بس ماطلعت بشي

والسبب اقول نباطه نبا مالقيت في حشمه ولكن نبي محشوم

صح السانك يابو علي مقدما
هلا بك يابو عويد

تاييد موفق بيض الله وجهك انت وابو علي
نعم هي تنطق على الوجهين
نباطه . نبيطه
مثلها مثل
وشاشه . وشيشه
دنانه . دنينه

[abdulaziz.net]

الله الله


صح لسانك يابو ماجد


مازالت الغازك خطيرة


الله يعطيك الصحة والعافية ويطولنا بعمرك

[ناصر العلي]

ماشاء الله عليك يابو علي

على الرمعه

والله اني قلبت النبيطه من امس كم مره بس ماطلعت بشي

والسبب اقول نباطه نبا مالقيت في حشمه ولكن نبي محشوم

صح السانك يابو علي مقدما


حياك ربي ياأبوعويد

وبيض الله وجهك

وصح بدنك يالغالي

وتأييدك شرف لي يالغالي

تحياتي

[ناصر العلي]

هذا هو يادكتورنا توقعتك من اول مرماع تنهيه بس عدم التفرغ مشكله
كفووووووووووووووو كفووووووووووووووووووو كفووووو
نعم
نبيطه
وما قصرت بالشرح والصوره
لله درك وصح لسانك ملايين
وهاللغز مجدد وكان على هالصيغه

ياويش بــــــنتٍ مقدِمه......من هو بعــمري يعلمه

جملة حـــروفه اقسمه......والحل بيّـــــن لك وكود

أول ثــــــــــلاثٍ يافـهيم......يظهر بهن رجـلٍ حشيم

واللي بقى بنت الـكريم......بنتٍ وعرفه من عهود

بنتٍ وفــــــعلٍ له شهير......يد ويــــــــدٍ لـــــــه تدير

وماظنتي عرفه عـسير......ولا ظن عقب هذا ازود

وقد رمعه حبيبنا الغايب برق القصيم




سلمت ياأبوماجد

وبيض الله وجهك

وكفوك الطيب يالغالي

والله يذكر حبيبنا أبوعبدالرحمن بالخير

وأنا والله أول ماقريت اللغز جا على بالي النبيطة

بس قلت.....طه....مذكر...والمطلوب مؤنث

تحياتي