هذا رأيي 000000ويهمني رايك اذا الجو باررررد ولا عج وهواء شديد

[بواسامه]

البر مغري وله عشاقه وله منغصاته
كنت ممن يستمتع بالذهاب للبر في كل وقت وكل حين
ولكن في الآونه الاخيره تغيرت كثير من المفاهيم لدي ولا ادري وش السبب

مثال الآن اذا طلعت لكشتة ما وشفت الجو تغير وانا بالطريق وبان شدة الهواء والرياح ديورت (( يعني يوتيرن))ورجعت للبيت
واذا شفت البرد الشديد مثل هالايام اقول وش حادني على الشقاء في الديره وننتفض وليش اروح للبر اربح العافية والبيت ادفا لك

والله اني عشقي للبر خيال وحبي لسعة الصدر والبعد عن ازعاج المدنية مطلبي واظنك تشاركوني في ذلك
ولكن وش عدا فيما بدا
الله اعلم

[عاشق البران99]

سيم سيم ،،،

ما أدري ليش ،،،

يمكن البر من تالي صار أردى من الديرة من كثر السيارات والـ ( مهبل ) فما يتحمس الواحد وأدني شي يرده ،،،

[كشات]

http://www.mekshat.com/pix/upload/images24/mk485_besmellah.gif
اخوي بو اسامه

معك حق باللي تقوله بس
بخصوص الغبار والعجاج والهوا الشديد

اما البرد فهو شي مقدور عليه بشبة الضو والملابس

في رايي
برد الديره تأثيره والاحساس به اشد

والسبب
بالديره تدخل مكان دافي واذا طلعت برا ايلا هي بررررد والحراره(10)
لكن بالبر كل شي حرارته متساويه لذلك جسمك يتكيف مع هالحراره المنخفضه

يعني ماتحس بفوارق درجات الحراره كما تحس به بالديره

هذا رايي والله وحده اعلم

كلمة راس ......
بو اسامه
امثالك كثير وانا اولهم
مير الكبر شين;)

[بني حسن]

الله يطول عمرك يا ابو اسامه والله انا سمعت عن هذا الشعور اللي تسولف عنه ويقولو هذا يبلش مع الرجال بالتوازي مع العمر وانا ما ادري وش هو عمرك بس هذه من علامات الكبر عبر والله اعلم مع خالص تقديري لشخصك الصريح ابو اسامه

[imksa]

العله والله فيك انت وياه ( وفيني ) الضاهر اننا شيبنا ومعد نتحمل البرد ، وكلها كم سنة وبتلقانا طاقين بجامة صوف اصلي في عز الصيف وبنبلش عيالنا ( يا ولد طف المكيف )

[imksa]

الضاهر أن ردودنا كتبت في وقت واحد


المعذره اخي عماد ، لم ارى ردك ، وانا معك فيه 100%

[كشات]

ولاتنسون شي مهم

هالسنه بردها كايد وشديد

يعني ماهيب مقياس على قل الطلعات
والا وش فرق العام الماضي عن هالسنه

العام ماجانا الا كم يوم برد عكس هالسنه سبحان من قدّرها

[راعي الرجم]

السنه ذي برد سجلت في الايام هذي عندنا بالقصيم مابين الصفر الى -5 تحت الصفر
يعني معك حق البرد الشديد يحد من تمتع الواحد بالطلعه والا الواحد اذا جد الجد تلقاه يشتغل بالبرد ويروح ويجي لاكن الناس تختلف طبايعهم احد يتحمل البرد الشديد عندك اهل الوسطى والشرقيه والشمال يتحملون البرد اما اهل الجنوب والغربيه مايتحملون البرد ولو كانت درجة الحرارة 10 مايتحملون بردنا لان بردنا ناشف

[بواسامه]

شاكر لكم مروركم جميعا
كشات
كلمة راس ......
بو اسامه
امثالك كثير وانا اولهم
مير الكبر شين;)
لامست الحقيقة
بس اعرف من هم دون الثلاثين ويشكون ما اشكي

http://www.mekshat.com/vb/images/avatars/06.gif (http://www.mekshat.com/vb/member.php?u=36337)emad_hkj (http://www.mekshat.com/vb/member.php?u=36337) http://www.mekshat.com/vb/images/statusicon/user_online.gif );
عضو مكشاتي


الله يطول عمرك يا ابو اسامه والله انا سمعت عن هذا الشعور اللي تسولف عنه ويقولو هذا يبلش مع الرجال بالتوازي مع العمر وانا ما ادري وش هو عمرك بس هذه من علامات الكبر عبر والله اعلم مع خالص تقديري لشخصك الصريح ابو اسامه

ترى وكاد اني اصغر منك ياعماد0000 لا نفضح بعضنا:D تطارحني نشوف
imksa (http://www.mekshat.com/vb/member.php?u=23828) http://www.mekshat.com/vb/images/statusicon/user_offline.gif );
عضو مكشاتي
العله والله فيك انت وياه ( وفيني ) الضاهر اننا شيبنا ومعد نتحمل البرد ، وكلها كم سنة وبتلقانا طاقين بجامة صوف اصلي في عز الصيف وبنبلش عيالنا ( يا ولد طف المكيف )
عندك سلف بجامه
ثلاث ومانلحق صوف ابو خروف :D وثنتين قطن وبرد وش العلة (( الكبر شين))
ياخي يومني ابو عشرين وانا ما افصل ثياب شتاء كلهن بيض وماشيه الامور ونسمع بالزكمه والفلونزا ومن تالي اشك انها تروح لغيري :)
دايم مفلونز الله لا يحرمنا الاجر
http://www.mekshat.com/vb/image.php?u=485&dateline=1071395758 (http://www.mekshat.com/vb/member.php?u=485)كشات (http://www.mekshat.com/vb/member.php?u=485) http://www.mekshat.com/vb/images/statusicon/user_offline.gif e);
عضو مكشاتي

كشات القناعه موجوده من كم سنه وما تغيرت وتزداد كلما هبت شمالية
صدقت يارعي الرجم

السنه ذي برد سجلت في الايام هذي عندنا بالقصيم مابين الصفر الى -5 تحت الصفر
يعني معك حق البرد الشديد يحد من تمتع الواحد بالكشته

المتعه تروح مع الهبوب
اي متعه وانت تصافق من البر
مالك خلق تغسل لو فنجالك من البرد
متكمكم بالفروه وتقول رحلة معاقين
كلن وده بالاخر يقوم ويخدم من البرد:eek:

[برري]

سبحان الله وبحمده ، الله العالم ان الكلام على هالموضوع يا أخ ابو اسامة صعب تعميمه على كل شخص ، لكن مثل ما قالوا ، كل يدلي بدلوه ورأيي الشخصي أن رحلة البر مهمة جداً للإنسان في أي وقت كانت صيف أو شتاء أو غيره ، والسبب انها تجميم للنفس وخروج من الروتين الممل ، وأحسن الرحلات ما كانت كاملة الأسباب والعدة والعتاد ، فمثلاً في آخر مطرة اللي مرت على الرياض قبل اسبوعين تقريباً ، عندما بدأت تتجمع السحب اتصلت على احد الزملاء وكان يوم اثنين فأخبرته اني ارغب في الذهاب للخرارة ، في نفسي اسمع ضرب المطر على خيمة المبيت اللي اشتريتها من محلات القاضي ودي اجربها مع المطر وكان الوقت مغربية فضحك من مزاجي وما قصر وجهزنا العزبة وما يلزم ، ورحنا للطعوس وما جت الساعة عشر إلا السحاب يضرب بالمطير علينا وحنا في نقرة ورغم ذلك الهبايب دهولتنا ، لكن عدتنا كاملة ، فرشنا على الرمل الفرشات المضادة للرطوبة (من محلات برق الحيا ) وفوقها المدات الهندية وصفينا السيارتين ومقعدنا بينها وغطينا المحل بالطربا ل وشب يا سمر وهات يا زنجبيل وقهوة وعشا وسواليف إلى الفجر ، واروح للعمل مثل السكران من قلة النوم واسولف بها على ربعي في المكتب واسمع الضحك والاستغراب ، لكن ما الومهم ، لان خرمة الطعوس تحت المطر مع ريح شلايخ السمر عندي مثل السحر الذي لا يقاوم ، عموما اعتبر الطلعة للبر مهما كان الطقس مهمة للشخص اذا توفرت العوامل مثل الخيمة الحطب ، الاجازة ، المكان اللي يسوى ، الذرى ، الربع السنافية ، وهذا رأيي .

[بواسامه]

هلا باخوي براري
مالومك
كنت مثلك بس 0000000 ماودي اقولها
وتصرفك يبدو انك عزوبي ولا لاء
واحترم رايك جدا لانها خمات مب دوم

[القبقب]

نفس الشعور بس ما اقول غير الكبر شين صرنا مانتحمل مثل أيام الشباب .

[بني حسن]

الاخ ابو اسامه العين ما تعلى عالحاجب انت محشوم اكبر مني ولا اصغر مني لك كل الاحترام واعتبرانك طارحني بالضربه القاضيه وللعلم انا مواليد 1971مع تحيات اخوك الزغنون عماد الخلايله

[برري]

لا والله يا ابو اسامة انا متزوج ولله الحمد وعندي بزارين ، لكن وقت الحاجة اخذ منهم اجازة واعوضهم اخر الاسبوع والدنيا كذا لك او عليك .

[دغيم]

السلام عليكم

تباينت ردود الأخوة حول الموضوع واما برايي المتواضع ان الكبر ليس السبب الرئيسي لانني شاهدت كثيرا في رحلاتي مجموعة من كبار السن في الصمان ومناطق اخرى بل البعض منهم مقعد لايستطيع المشي بل يستعين بعكاز ,
اذا كان الواحد منا سليم من الامراض التي تتعارض مع البرد فانا ارى ان السبب الرئيسي هو شعور يصيب الانسان بسبب الملل وتكرار الرحلات وهذا امر فطري يأتي فترة ثم يزول .
لذا لاأعتقد ان محبي البر سيتوقفون بسبب تواجد الشباب الغير منضبط في البر او ماشبه لان الاماكن كثيرة التي ستجد المتعة فيها بعيد عن المنغصات .
كما ان احد الاسباب هو عدم وجود الرفقة او اعتذارهم فهذا سبب هبوط في المعنويات لان الواحد تعود الذهاب مع مجموعة معينة يصعب علية مفارقتهم او الذهاب بدونهم
تقبلوا تحياتي .

[بواسامه]

هلا اخوي عماد
بيني وبينك والكلام للجميع
تراك اكبربكم شهر
بس لاحد يسمع
وشكلك بتطرحني يومك خلايله
رحمة الله على احمد اللي ببالي

اخوي برري
شكلك عادل وتصلح لك مرتين دامك على هالوزنية
عموما
صدقت يوم لك واربع وعشرين ساعه عليك

اخوي بربك دغيم
اصبت كبد الحقيقه ولامستها بشعورك الصادق
ان الانسان يصيبه شي من الملل
والتوقف والانقطاع لن ولن يستمر
وستعود الهمه اذا الجو صار دفا
وبان الربيع وصوصة العصافير وزقزت
والربع اهم من الروحه كلها
لان الصحبة هم الاساس

شاكر لكم مروركم الموقر

[بني حسن]

الاخ ابو اسامه الله يرحم من مات في سبيل الله ..وعودا لموضوعنا... واعتقد ان الملل يصيب البعض احيانا كما تفضل احد الاعزاء واتمنى ان تكون من هذا البعض بأذن الله

[حندقوق]

والله وصر لي ربع

نفس الشعور لكني اعزو هذا الى الاخوياء لو بتلاقي احد ينشد به الظهر مثل ابو بريم وابو رشيد وزايد مضحي وابو هليل وابو راكي وسحيمان وغايب وابوجزاع والله اللي ما تعود للديرة الا للدوام او للمدام

[بواسامه]

والله اللي ما تعود للديرة الا للدوام او للمدام

صدقت
بس مع البرد ماينفعك هاللي عديتهم
بينفعك المدام قبل الدوام ياحندوق

[ابوسعد]

نفس الشعور بس ما اقول غير الكبر شين صرنا مانتحمل مثل أيام الشباب .

ههههههههههههههههههه ,,

اما انا صدت نفسي الاسهـــــم الله يعوض علينا كرهتنا بكل شي ..

[بواسامه]

ههههههههههههههههههه ,,

اما انا صدت نفسي الاسهـــــم الله يعوض علينا كرهتنا بكل شي ..
الحال من بعضها يابو سعد
بس روحة البر تنسيك همومك ومنها الاسهم لا اعادها الله
وكلنا اكلنا المطب:D :D :D بس الله يعوضنا خير

[الرسن]

والله يابو اسامة
انا تراي حولك في العمر واتذكر في عام1426هـ جاني ماجاك الى درجة ان بعض الربع يتصل يقول فيه مطر على الدهناء يالله مشينا اجيب له اعذار باهته ما ادري هو الملل والا التكرار.
اعتقد ان سن اليأس عفو ان الكبر في السن وكثر الهجولة والمطارد له دور كبير في هذا الملل والا الهواء والبرد والغبار يمر علينا في بيوتنا ومع ذلك تلقانا نهجول في الديرة.
وعلى فكرة يابو اسامة تراها تمر على الواحد بين حين وحين خصوصا اذا تجاوز الاربعين من العمر.

معالسلامة

[اسهيل]

يمكن يكون السبب في اشياء كثيره مثل تغير العمر فالانسان بتغير عمره يتغير شي كثير
والبيئة فا الواحد يمكن يكشت قريب وينبسط وتصير الكشته بعيده ويتكاسل او كان يكشت قريب وطلعو المطافيق وخربو الكشتات القريبه وصار الواحد مايرغب كثير في الكشته ويمكن عدم وجود امطار
ويمكن الله يكفينا وياكم من الشرء قد تصيب الواحد عين ويبدا مايتعدا بيته وخاصه اذا صارة الاجواء سيئة مثل ماحصل واحد من الشباب من الزملاء كان شقردي ويكشت كل يوم وعدته في السياره والان مايواطن الكشته الله يعافيه يقول شافي واحد من زمان ماشافه وقال من عرفتك وانت تطلع وعقبه ماطلع

[جوالة]

أفااااااا يا الشيبان :) أمزح

بصراحة الأمر عادي جدا لكن اللي أشوفه أن أهم سبب هو وساخة الأماكن القريبة تخليك تزهد بالبر وإذا بغيت تطلع لمكان نظيف يبي لك مسافة قصر على الأقل ...
وإذا أبعدت ما يصلح تبعد ومعك عيالك و .... إلخ

لكن هي أحيانا الملل والتعب وأحيانا يفكر الإنسان وشو له كثرة المصاريف والبيت فيه كل شيء .
على كل تصيب هذه الحالة الكثير .
وبالتوفيق إن شاء الله