فائدة للي مايعرف أفضل طريق للأمارات

[دخاخين]

السلام عليكم
للقادم من طريق القصيم الى الرياض يريد الذهاب الى الامارات
بعد محطة العتش بحوالي 30 كيلو يجي كبري دقلة أفرق من عندة
وأمشي باتجاه الثمامه الجنادرية حتى تصل كبري طريق الدمام
وعن طريق سعد .. خريص حتى الاحساء ..سلوى .. البطحاء
بعد قياس المسافة .. تصفيرالعداد طلعت المسافة 670 كيلو
من كبري دقلة حتى البطحاء ..... والطريق مزدوج
ومن كبري دقلة وانت مستمر باتجاه الرياض وغرابيله .. من الدائري الشمالي
للشرقي لطريق الخرج .. لطريق حرض واخطارة .. حتى البطحاء 620 كيلو
وأكثرمن 200 كيلو في طريق حرض مسار واحد
قياس المسافة بعد تصفيرالعداد
من كبري دقلة الى البطحاء عن طريق حرض
يعني الفرق ( 50 كيلو بس )
أخذت القياس قبل خمس ايام ذهاب وامس عودة
الكلام هاذا للقادم من طريق القصيم .. وحتى اهل الرياض اللي يبي يبعد عن خطر طريق حرض
واسف على الاطالة ..

[الذيب المنسدح]

الحمدلله على السلامه
الله يعطيك العافيه شغل مرتب

[دخاخين]

يعافيك يالذيب

[almatar]

جزاك الله خيرا
الله يدخلك الفردوس
تقديري واحترامي

[أبوصالح9]

بيض الله وجهك - وترا قليل اللي يعرف الدرب اللي بعد الرياض اقصد طريق سعد... خريص... الأحساء - الناس تعودت على درب حرض

[victory 1]

السلام عليكم
للقادم من طريق القصيم الى الرياض يريد الذهاب الى الامارات
بعد محطة العتش بحوالي 30 كيلو يجي كبري دقلة أفرق من عندة
وأمشي باتجاه الثمامه الجنادرية حتى تصل كبري طريق الدمام
وعن طريق سعد .. خريص حتى الاحساء ..سلوى .. البطحاء
بعد قياس المسافة .. تصفيرالعداد طلعت المسافة 670 كيلو
من كبري دقلة حتى البطحاء ..... والطريق مزدوج
ومن كبري دقلة وانت مستمر باتجاه الرياض وغرابيله .. من الدائري الشمالي
للشرقي لطريق الخرج .. لطريق حرض واخطارة .. حتى البطحاء 620 كيلو
وأكثرمن 200 كيلو في طريق حرض مسار واحد
قياس المسافة بعد تصفيرالعداد
من كبري دقلة الى البطحاء عن طريق حرض
يعني الفرق ( 50 كيلو بس )
أخذت القياس قبل خمس ايام ذهاب وامس عودة
الكلام هاذا للقادم من طريق القصيم .. وحتى اهل الرياض اللي يبي يبعد عن خطر طريق حرض
واسف على الاطالة ..

اخي الكريم ياليت توضيح دقيق شوي من فضلك
هل الكبري مكتوب عليه كبري دقله او مخرج رقم ؟؟؟
هل اتجاهه الثمامه طريق واحد او توجد مخارج اخري حتي الوصول الي كبري طريق الدمام ؟
ارجو المعذره لعدم فهمي بهذه الطرق

[جني صغير]

اخي الكريم ياليت توضيح دقيق شوي من فضلك
هل الكبري مكتوب عليه كبري دقله او مخرج رقم ؟؟؟
هل اتجاهه الثمامه طريق واحد او توجد مخارج اخري حتي الوصول الي كبري طريق الدمام ؟
ارجو المعذره لعدم فهمي بهذه الطرق

يجيك مخرج كبري الحسي والصفرات تتعداه يجيك كبري مكتوب الدقله اطلع مع الكبري يسار وامش والطريق في جزء منه فيه تحويلات

وفيه طريق ثاني

عقب ما تتعدى كبري الحسي وتتعدى كبري الدقله بيجيك محطة ساسكو مسكره بيجيك كبري ملهم الاول ثمن يجيك كبري ملهم الثاني اطلع يسار وامش اللين يجيك مفرق الثمامه

وكلا الطريقين ما انصحك تروح فيه بالليل

الاول تريلات وشوي متكسر الطريق وبعارين
الثاني بعارين

الثاني للمعلومية تراه دائري مهب طريق ضيق

[دخاخين]

ابوصالح والماطر مشكورين ..
اخوي فكتوري بعد محطة العتش بحوالي 30 كيلو يجي كبري دقلة .. نعم مكتوب عليه دقلة
تلف يسار من عند الكبري وتتجه الى الثمامه .. الجنادريه .. سيدا الين يجيك كبري يقول الرياض يمين الدمام يسار رح للدمام
وبعدها بحوالي 90 كيلو يجي مفرق سعد وكلها واضحه .. اذا موواضح اعيدلك لوتبي رسم .
بسم الله
جني صغير صحيح الطريق فيه تريلات بس مسارين (مزدوج )
القصد من هاذا الاختصار الابتعاد عن دخول الرياض والابتعاد عن طريق حرض
ومبروك علينا وعليكم الشهرالكريم وعسى ربي يقبل من الجميع

[victory 1]

مشكورين بارك الله فيكم وضحت المسئله كل عام وانتم بالف خير

[دخاخين]

وانت والجميع بالف خير

[mohd421216]

للمعلومية الطريق بين دقلة والجنادرية غير مزدوج في اوله يمكن لمسافة ٢٠ كيلو او اقل شوي وغير كذا تسلكه الشاحنات والباصات وانا رايح جاي بين الرياض والمجمعة ولا اجي معه الا ماندر وفي اوقات معينة لخطورته

[mohd421216]

الطريق الجديد بين ملهم ومخرج التنهاة من اجمل الطرق اظنه ٣ مسارات لكن الاكيد انه زي السريع يوجد شبك على جانبيه علشان الجمال وغيرها لكن مشكلته انه يرجعك ٢٠ كيلو تقريباً ورا لانه مايل يعني كانك زايد المسافة ٤٠ كيلو

[دخاخين]

مشكور اخوي محمد على الاضافة
كلامك سليم يمكن مابين ال10 الى 15 كيلو غير مزدوج
لكن هل هالمسافة تجبرني ادخل الرياض وزحمته وانا ابغى طريق الشرقية .
والشاحنات اذا كان الطريق مزدوج مالك علاقة فيهم ..

[mohd421216]

غير ال15 كيلو الغير مزدوج في بعد قدام اعمال حفريات وتحويلات ويصبح الطريق غير مزدوج مرة ثانية بس يمكن ل15 كيلو تقريباً غير كذا الغير مزدوج سئ جدا جدا على السيارة والكفرات وفيه حفر بسبب كثرة الشاحنات يعني لو انك اول مرة تجيه او في الليل يمكن ياثر على السيارة واهم شي السلامة قبل الوقت
اذا ماتبي تدخل زحمة الرياض تقدر تاخذ طريق الملك سلمان اللي يحاذي المطار ويوصلك لطريق الثمامة من دون تدخل زحمة الرياض

[رمال النفود]

مخرج دقلة على الثمامة والجنادرية سيء الطريق مكسر ومسارين ..
الأفضل تكمل إلى مخرج بنبان او طريق الملك سلمان .
والدائري الشمالي الأفضل ماتخذه لأنك بكذا بتدخل زحمة الرياض وهذا يأخذ من وقت سفرك.×

[دخاخين]

وياك اخوي سالم ..

مشكور اخوي رمال النفود على الاضافة
مخرج بنبان ماجربته ليتك توضح اذا هو افضل من دقله..
وطريق الملك سلمان بكذا بندخل للدائري الشمالي
وحنا نبي الهجه من دخلت الرياض

[رمال النفود]

طريق بنبان هذا يربط بين طريق القصيم وطريق الجنادرية الثمامة بدون لا تمسك مخرج دقلة لأن الطريق من عند مخرج دقلة الى الثمامة على خبري سيء منعدم بسبب الشاحنات .

وصف مخرج بنبان: قبل الرياض ب20 أو 30 كم يجيك مخرج مدينة الأمير سلطان بن عبدالعزيز الإنسانية تطلع معه يسار (تجيك المدينة الانسانية على يمينك انت على الكبري خذ يسار) تتجه جهة الشرق إلى قرية بنبان ومنتزه الملك سلمان البري إلى خزام وتنزل على محطة خزام إذا وصلت المحطة فقد وصلت طريق الثمامة الجنادرية ومسافة هذا الطريق 25 كم بالضبط بين مدينة الامير سلطان ومحطة خزام.

[رمال النفود]

من محطة خزام إلى مفرق طريق الدمام السريع 30 كم بالضبط لكني لا أعلم هل يوجد مخرج مباشرة من كبري الدمام إلى طريق الدمام مباشرة حيث من المطالعة على الخريطة لا يوجد ولست متأكد.

وإذا كان فعلاً لا يوجد يجب مخاطبة وزارة النقل على موقعها بالانترنت حيث تضع لوحات مكتوب فيها انها تستقبل أي ملاحظات او استفسارات حول الطرق.
وهنا رابط جريدة الرياض يوضح اللوحة التي أعنيها.
http://www.alriyadh.com/319368

- أرجو منكم مطالعة الخريطة حيث لم أشاهد مخرج يذهب إلى طريق الدمام للقادم من جهة الثمامة ، الكبري الذي أعنيه مقابل سوق الإبل ومقابل في الجهة الأخرى شركة مجموعات البسامي لنقل السيارات ارجو منكم مطالعة الخريطة.×

[دخاخين]

اخوي رمال النفود
طريق دقلة مختصر قبل الرياض بحوالي 100 كيلو

اذا عندك خبر عن المسافة .. بين كبري دخول الدائري الشمالي اللي جنب المركزالمالي .. الى كبري الجنادرية بطريق الدمام

[رمال النفود]

المسافة بين كبري المركز المالي إلى كبري الجنادرية الشمالي وجميعهم على الدائري الشمالي المسافة 28 كم بالضبط.

[دخاخين]

مشكور رمال النفود على الافادة بمسافة الطريق ..

يعني صار طريق دقلة اقل مسافة من دخول الرياض بحوالي 40 كيلو
يعني طريق دقلة اقل مسافة ومافي زحمة

[الدبل الرابع]

الافضل ان تقول الطريق الى قطر لأن سلوى قبل بطحاء اذا سلكت طريق خريص المتجه للاحساء .. ولمن يقول لايوجد مخرج لطريق الدمام للقادم من الثمامة او الجنادرية نقول بل بالعكس هناك مخرج واضح وظاهر ولكن اهمال وزارة النقل وبالاخص ادارة النقل بالرياض هو من جعل البعض يتساءل عن هذا المخرج. وللتوضيح يعتبر هذا المخرج من اذكى المخارج بمنطقة الرياض لو كان هناك اهتمام ظاهر به لدرجة انه قابل للتطوير والتحسين ولكن اهمال الوزارة وادارتها هو الذي جعله بهذا المستوى الرديء لأنه مخرج وكباري بعارين على حد تعبير البعض.
تخيلوا تقاطع وكباري مهمه مهمله وغير مكترث بها فلا إنارة ولا تطوير طريق بدائي جدا حتى انك تتخيل انك في مدينة فقيرة ودولة متسولة ولن تتصور انك في عاصمة السعودية رغم ان هذا التقاطع يخدم احياء شرقا وغربا وشمالا وجنوبا ولا ابالغ والله فالمعاناة منه ومعه بلغت منتهاها. ولعل هذه الوزارة وادارتها المهملة تحس وتشعر بالمسئولية تجاه ذلك واشك بذلك.

[دخاخين]

حياك اخوي الدبل
انا كلامي للي يبي يروح للامارات عن طريق الرياض وحرض
يعني طريق حرض ينزلك على البطحاء مباشرة
وكلامك سليم انه طريق خريص الاحساء سلوى
وياليت يهتمو المواصلات بطريق الثمامة الجنادرية يريحنا كثير

[رمال النفود]

الافضل ان تقول الطريق الى قطر لأن سلوى قبل بطحاء اذا سلكت طريق خريص المتجه للاحساء .. ولمن يقول لايوجد مخرج لطريق الدمام للقادم من الثمامة او الجنادرية نقول بل بالعكس هناك مخرج واضح وظاهر ولكن اهمال وزارة النقل وبالاخص ادارة النقل بالرياض هو من جعل البعض يتساءل عن هذا المخرج. وللتوضيح يعتبر هذا المخرج من اذكى المخارج بمنطقة الرياض لو كان هناك اهتمام ظاهر به لدرجة انه قابل للتطوير والتحسين ولكن اهمال الوزارة وادارتها هو الذي جعله بهذا المستوى الرديء لأنه مخرج وكباري بعارين على حد تعبير البعض.
تخيلوا تقاطع وكباري مهمه مهمله وغير مكترث بها فلا إنارة ولا تطوير طريق بدائي جدا حتى انك تتخيل انك في مدينة فقيرة ودولة متسولة ولن تتصور انك في عاصمة السعودية رغم ان هذا التقاطع يخدم احياء شرقا وغربا وشمالا وجنوبا ولا ابالغ والله فالمعاناة منه ومعه بلغت منتهاها. ولعل هذه الوزارة وادارتها المهملة تحس وتشعر بالمسئولية تجاه ذلك واشك بذلك.



أنا لا أعتقد بوجود مخرج للقادم من طريق الثمامة لطريق الدمام باتجاه سعد والاحساء والدمام وذلك من خلال مطالعة للخريطة المدرجة أدناه ..
https://www.google.com.sa/maps/@24.8404132,46.8571952,15z?hl=ar

وإذا كنت تعرف هذا المخرج ياليت تعلمنا فيه لأني أعتقد أن من يريد الدمام يلزمه أن يستمر بعد الكبري قرابة 4 كم حتى يصل للاشارة عند كبري تقاطع طريق الجنادرية مع طريق الشيخ خليفة ال ثاني
https://www.google.com.sa/maps/@24.7985477,46.8575224,344m/data=!3m1!1e3?hl=ar
ويرجع مسافة 4 كم إضافية غير السابقة ثم يسلك طريق الدمام.

أنا لم أسلك ولم أجرب السير من طريق الجنادرية ولكني هذا مابدا لي من الخريطة وأتمنى أن أكون مخطأً .. ولعلي أحداً يذهب للموقع ويتأكد من ذلك لأن عدم وجود مخرج مصييبة.

[رمال النفود]

أريد أن توضح لي اخي الدبل مكان المخرج الذكي الذي يؤدي إلى طريق الدمام. ياليت توضح على خرائط ويكيمابيا نفس ما وضعت أنا .. فقط حرك الخريطة وكبر وصغر ثم انسخ الرابط من المتصفح. لأني لا أشاهد أي مخرج يخدم من يريد الدمام للقادم من طريق الجنادرية والثمامة.

[رمال النفود]

حياك اخوي الدبل
انا كلامي للي يبي يروح للامارات عن طريق الرياض وحرض
يعني طريق حرض ينزلك على البطحاء مباشرة
وكلامك سليم انه طريق خريص الاحساء سلوى
وياليت يهتمو المواصلات بطريق الثمامة الجنادرية يريحنا كثير

اترك عن طريق حرض فهو سيء على شهادة من سلك هذا الطريق وخلك مع طريق سعد الاحساء سلوى البطحاء .. فهذا أفضل لك وللعلم أنا سلكت هذا الطريق قبل 4 أسابيع بالضبط قبل رمضان بعشرة أيام والطريق جدا ممتاز وكتبت هنا في مكشات عنه . رائع وآمن وفاضي بدون شاحنات ولا حتى زحمة سيارات صغيرة. وللعلم طريق حرض يختصر لك تقريبا 80 كم عن طريق سعد لكن من يسلك طريق سعد يسبق ويصل للامارات قبل من يسلك طريق حرض لان طريق حرض ماتقدر تاخذ راحتك في السرعة بسبب رداءة الطريق وبسبب مزاحمة الشاحنات لك في الطريق!!

[دخاخين]

نجدع لك يارمال النفود
قسنا الطريق بسيارتين ونفس المسافة طريق حرض يختصر فقط ب40 كيلو

انا مااحب طريق حرض ومشيت معه مرتين واخرها قبل رمضان باسبوع
وشفت الحوادث الشنيعة فيه
من اجل هالشي نزلت الموضوع
ولك تقديري واحترامي اخوي رمال النفود

[رمال النفود]

دامك جربت سوء طريق حضر فأنت أعلم وأخبر مني ..
وشكراً لك على التوضيح أخي دخاخين وكنت أظنك مستفسراً وطلعت مجرب ماشاء الله.
لكن لماذا سافرت مع طريق حرض هل كنت تجهل وضع الطريق أم للتجربة ؟

[ابوعلي400]

لحمدلله على السلامه
الله يعطيك العافيه شغل مرتب

[الدبل الرابع]

حياك اخوي الدبل
انا كلامي للي يبي يروح للامارات عن طريق الرياض وحرض
يعني طريق حرض ينزلك على البطحاء مباشرة
وكلامك سليم انه طريق خريص الاحساء سلوى
وياليت يهتمو المواصلات بطريق الثمامة الجنادرية يريحنا كثير

والله نتمنى لكن لاحياة لمن لاتنادي سمعنا كثيرا عن ان وزير النقل يتنقل لتفقد المشاريع وماشفنا نتائج

[الدبل الرابع]

أنا لا أعتقد بوجود مخرج للقادم من طريق الثمامة لطريق الدمام باتجاه سعد والاحساء والدمام وذلك من خلال مطالعة للخريطة المدرجة أدناه ..
https://www.google.com.sa/maps/@24.8404132,46.8571952,15z?hl=ar

وإذا كنت تعرف هذا المخرج ياليت تعلمنا فيه لأني أعتقد أن من يريد الدمام يلزمه أن يستمر بعد الكبري قرابة 4 كم حتى يصل للاشارة عند كبري تقاطع طريق الجنادرية مع طريق الشيخ خليفة ال ثاني
https://www.google.com.sa/maps/@24.7985477,46.8575224,344m/data=!3m1!1e3?hl=ar
ويرجع مسافة 4 كم إضافية غير السابقة ثم يسلك طريق الدمام.

أنا لم أسلك ولم أجرب السير من طريق الجنادرية ولكني هذا مابدا لي من الخريطة وأتمنى أن أكون مخطأً .. ولعلي أحداً يذهب للموقع ويتأكد من ذلك لأن عدم وجود مخرج مصييبة.

ركز على الخريطة زين وانت جاي من الثمامة يارمال النفود راح يجيك المخرج التفافي على شكل رقم 6
اعطيك مثال وانت جاي من مطار الملك خالد على الدايري الشرقي بتروح لطريق الدمام كيف تطلع لطريق الدمام امتداد الدايري الشمالي نفس فكرة مخرج الثمامة مع الدمام وترا على فكرة كثيرين مايعرفونه بسبب عدم وجود لوحات ارشادية والمخرج غير واضح للي مايعرفه والسبب الوزارة المبروكه وادارتها السيئة بمنطقة الرياض
واعذرني لو اعرف للخرائط والرسم عليها كان وضحت اكثر لكن لو تركز راح تشوف المخرج وخلني احاول ببرنامج رسم عندي اوضح على خرايط قوقل.

[دخاخين]

اخوي الدبل

هاذا هوالطريق اللي اتكلم عنه انا من بداية الموضوع
من كبري دقلة حتى كبري سريع الدمام مرورا بالثمامة والجنادرية

( اوانا غلطان )

[الدبل الرابع]

اخوي الدبل

هاذا هوالطريق اللي اتكلم عنه انا من بداية الموضوع
من كبري دقلة حتى كبري سريع الدمام مرورا بالثمامة والجنادرية

( اوانا غلطان )

وصفك واضح لاغبار عليه .. لكن المخرج غير واضح للكثيرين وعشان كذا صار فيه لبس.