فزعتكم يا أصحاب الخبره بالفورد

[راعي الميركور]

بسم الله الرحمن الرحيم

مساكم الله بالخير

يالربع عندي مشكله بفورد ماركيز أمريكي موديل 2000

قبل شوي ماسك طريق امشي تقريباً 140

بعدين ولعت لمبة الحراره والامبير حق الحراره على ربع (طبعاً الامبير يشبك احيانا ويفصل)
شيكت على ماء الراديتر طلع تمام ومو ناقص
المهم مشيت وفصل المكيف وماعاد يبرد ونزلت السرعه الى 80 وماعاد يتعدا وشوي ويوصل 100 المهم ماعاد يتعداها

خليته تقريباً ساعه كله بظهر سطحه الف على الورشات محد عطاني معلومه مريحه
ونزلته عند البيت وشغلته والموتر طفت اللمبه والمكيف شغال وومشاه تمام مع اني بس اخذت لفه ابو 100 متر

ملاحظه
الطبلون عادي مو الكتروني
لمبه التشيك انجن ما اشتغلت

اتمنى الحل تكفون

[متقاعد مبكر]

اولا لديك مشكلتين منفصله كل مشكله اكيد لها حل
بالنسبه للمبة الحراره اكيد قيه ماس تابعه من ساعة الحراره جنب الكوع الي في نهاية الخرطوش الاعلى
اما موضوع العزم والمكيف شيك على الكويلات وكذلك البواجي لان الفرد من بين السيارات اذا فيه مشكلة كويلات او بواجي مستحيل يبرد المكيف

[craino]

حياك
بالنسبه للمكيف لما فصل والسياره لما وصلت الى 80 او مئه , هذا سببه ان السياره دخلت الوضع الامن لأن الحراره ارتفعت
هذا جزء من نظام فورد لحماية مكينة السياره لما تسخن , فالسياره تفصل 4 سلندرات وتعمل على 4 وتتناوب بينها
ما تحتاج تسوي اي شي بخصوص السرعه او المكيف
لكن تأكد من حرارة السياره,,, ترى سيارتك سخنت
فيه حساسين للحراه في السياره واحد لقياس حرارة ماء التبريد وهو في الكوع والثاني في راس المكينة اسمه cylinder head temp sensor

[كشات 64]

ما لك الا فحص كمبيوتر يطلع لك المشكلة
اما توكيلات الجزيرة او محل معتمد لان اكيد عند التماس

[راعي الميركور]

الله يعطيكم العافيه على التفاعل
وفعلا مثل ماقال اخوي كراينو الله يجزاه خير ويرحم والديه حصلت مشكله بالحساس والكويلات وسويتهم وضبط الموتر الحمدلله

[كاشت وحداني]

حياك
بالنسبه للمكيف لما فصل والسياره لما وصلت الى 80 او مئه , هذا سببه ان السياره دخلت الوضع الامن لأن الحراره ارتفعت
هذا جزء من نظام فورد لحماية مكينة السياره لما تسخن , فالسياره تفصل 4 سلندرات وتعمل على 4 وتتناوب بينها
ما تحتاج تسوي اي شي بخصوص السرعه او المكيف
لكن تأكد من حرارة السياره,,, ترى سيارتك سخنت
فيه حساسين للحراه في السياره واحد لقياس حرارة ماء التبريد وهو في الكوع والثاني في راس المكينة اسمه cylinder head temp sensor


اخوي
هل ميزة فصل 4 سلندرات موجوده في الماركيز والفكتوريا.
اللي انا متاكد منه انها في الاكسبديشن .
ياليت تفيدني لاهنت


أرسلت بواسطة iPhone بإستخدام Tapatalk