حلفت مازيد حرف كل هذا يازعيم بسبابك..الحل..فرشة الرسم..حله..عيد الفصيب.كفو

[النبهاني]

السلام عليكم ورحمة الله وبركاته


الله يسعد اوقاتكم كل باسمه


لغيز موجهه لزعيمنا ولاهو مدتٍ له


لكن مثل ماقيل الجود من الموجود


والرمع للجميع وسامحونا على الكسور والتعرج


ابو ماجد من اللي مايأنس بحضرة جنابك = الا اللي مايعرفك والا احد من العقل مسروق
ياصاحب الاثنين اشهد ان اللقب يزهى بك = حل وعقد الصعيبات بجمعهن مانت مسبوق
لك فن فتل فَل عليك حبك ماشفته لحابك = لو لهاني عنك شاغل ياخي لك تلني شوق
بنتي نوب غطاه ضافي ونوب تذويب غابك = لكن حلاياه وضح لخطابها اسوقها سوق
بنتي شعرها يشادي الليل ولا هو متشابك = عليه وصف ريش اهل الفسق يوم شلّعبهم فوق
محروله به عمى ولا توحي بس تهابك = له علم وان بان ماينفع كونه بوسط صندوق
حلفت مازيد حرف كل هذا يازعيم بسبابك = وان جيت للحق مداعبه بس مابها رفوق








وتقبلوا أرق تحيه من محبكم


النبهاني


خيمة الالغاز – منتديات مكشات

[ابو ماجد 2]

ماشاء الله
تبارك الله
سبك وحبك وابداع
لله درك ماعابها الا انك بالغت في وصفي ولكن قيل اعذب الشعر اكذبه وحاشاك من الكذب لكن خرجت عن الواقع بالمبالغه والبستني ثوب راهي علي وانا عود المشي لك عليه فكيف اذا كان الثوب يسحب
صح لسانك ملايين
لازلت طربان وتحت تاثير سكرة ابداعك
والمثل يقول اذا راحت السكره جت الفكره
بس مفعول سكرة لغزك اخاف تبطي
ابدعت وامتعت يابو جار الله

[ناصر العلي]

وعليكم السلام ورحمة الله وبركاته

سلمت ياأبوجارالله

وصح لسانك

والله لايضرك على هالنظم

وغالي ومسند على غالي

ماتصير

آلة القانون الموسيقية

[عيد القضيب]

صح لسانك وسلم بنانك اباجارالله
ماشاء الله وتبارك ابدعت وامتعت
غالي ومسند على غالي
نرمع السماوية: فرشة الرسم
الف تحية ومليون وردة

[ابو ماجد 2]

صح لسانك وسلم بنانك اباجارالله
ماشاء الله وتبارك ابدعت وامتعت
غالي ومسند على غالي
نرمع السماوية: فرشة الرسم
الف تحية ومليون وردة



http://www.aljalawi.net/wp-content/uploads/2013/08/112.jpg

ماشاء الله تبارك الله
وانت غالي يابو سلامه على الجميع
رمعتك راقت لي
لها شعر بالغالب اسود
علمها علم الرسم ماينفع على اساس ان الرسم موهبه ولعل ابو جار الله رمى لذلك بقوله
له علم وان بان ماينفع كونه بوسط صندوق
ننتظر ابو جار الله

[عدم الانحياز]

وعليكم السلام ورحمة الله وبركاته
صح لسانك واعتلا شانك واذا كان هذا مكسرك اللي يتضلع فاقول لك راضين راضين
ابد خلك بس على هالوزنه يابعدي - ابو جارالله بدعت فاحست وغالي ومسند على كفو وغالي
والرمع والله يخيي ميح سبحان الله داياما انا جهة والحل جهة لكن ما يمنع من التفكير والعودة ان سلم
من الهوامير اللي اصطفت معرفاتهم بمتصفحك تقل مبشرين يبون ينحرونه
دمت بخير

[ف ف]

ماشاء الله درر يالغالي


والله مدري عن هالرمعه وين تبي تودينا اخاف انها تعدى الضلع بعد هههههه


وش رايك بالمسكره اظن اسمها كذا اللي يستخدمونها للرموش


مدري مدري

[النبهاني]

عذرآ للرد الجماعي لأسباب خارجه عن ارادتي
واللعز انهاه ابو سلامه
ولي عوده للرد على كل واحد بالتفصيل ان شاء الله

[ذيب الفقارة]

كفوووووووووووو كفووووووووووو كفووووووووووو

أخي الغالي

أبو سلامة

الحل هو كما ذكرت :

فرشة الرسم

وصح لسانك أخي الغالي

أبو سالم

تحياتي

[عيد القضيب]

اسلم مختارنا الفاضل
كفوك الطيب يالغالي وبيض الله وجهك
الف تحية ومليون وردة للجميع