دبة بريموس 5 رطل جديده + دبه بريموس 10 رطل جديدة

[كلاسيك999]

السلام عليكم
يوجد عدد 4 دبات بريموس 5 رطل سويدي جديده
سعر الواحده 300 ريال وجمله 1100

يوجد دبه 10 رطل سويديه جديده
السعر 850 ريال

المعذره لعدم التمكن من رفع الصور
لأي استفسار 0551982099

[الحربي حاتم]

ياعبدالله ياخوي لاترد على الجوال ولا شي الأغراض اللي شريت منك الفوانيس والدبتين 10 رطل اللي تقول لي بحالة المصنع ولا طلعت كذلك . أبي تردها وتبدل لي الدبتين لأن فيها صدا وحكوك في البويا والفوانيس ترجعها وترسل لي بدالها روس أتاريك ورقمي بيجيك على الخاص . إتق الله الدنيا ماهي مغنية عن الآخرة . وحنا على أبواب شهر رمضان المبارك .

[كلاسيك999]

حياك الله يالحربي
أولاً أعتقد أغراضك وصلتك كما طلبت وإذا فيه شئ بسبب الشحن فهذا ليس ذنبي .. مع العلم بأنني طلبتك ترجع الأغراض وتأخذ حقك دامك متضرر منها على حد قولك وأنت رفضت وتقول تبغاها ( إلى هنا وأكتفي بلا تعليق ) !!! ؟؟؟
ثانياً ياليت ترسل رقمك عالعام مو الخاص لأن إللي مثلك لابد يكون معروف خصوصاً وأنك تملك أكثر من عضويه بهالمنتدى ومسوي ذكي على خلق الله .. عموماً لاتمثل دور المسكين والله يشفيك وحسبي الله ونعم الوكيل ..

[الحربي حاتم]

أملك أكثر من عضوية من وين جبتها يالمريض ، وعن قولتك إني رفضت وقلت أبغاها فكذبت فأنا قلت لك بعد ماقلت بترد لي فلوسي قلت لك ماأبي الفلوس بدلها بجديده على شرطي ووصفي وبحالة المصنع ، ثم الصدا كيف يجي من الشحن ياالحرامي ياللي ماتخاف الله وكيف الحكوك تجي من الشحن وهي محطوطه في بيت قماش مبطن الخاص بالدبات وفي كرتون .
وأقولها لكل من بيمر من هنا الرجل هذا حرامي ومايخاف الله باعني دبات 850 الحبة عدد ثنتين وحلفته بالله إنها بحالة المصنع ولا فيها شي وحلف وطلعت فيها صدا وتقشير في البويا وحكوك وخشونة واضحة في البويا ، ثم يشتري الفوانيس 30 ريال من سوق المواعين ويبيعها على الغشامى اللي مثلي ب90 ريال الحبه وعندما لقيتها في محل المواعين شريت اللي أبي وإتصلت عليه وقلت الفوانيس لقيتها ب30 ريال ولا عاد أبي اللي عندك علما أني حولت له الفلوس حول الساعة 3 أو قريب منها والمغرب تقريبا كلمته ينزلها من الطلبات قال وديت الأغراض ولكن إذا وصلتك أرسلها لي ويوم جاتني وشفت مالم نتفق عليه من حالة الدبات والفوانيس كلمته قال ترسلها على حسابك بأرامكس أو غيره لأني أخبرته أن زاجل موقف الإرسال من عندنا ، يعني يغشني في البضاعة ويرسل لي شي قلت له لايرسله ثم يقول لي أرسلها على حسابك والآن يرفض إستلامها .
ياإخوان إحذروا من التعامل مع هذا الآدمي لأنه مايخاف الله والبضاعة ماتكون على الوصف الكاذب اللي يلفقه . الله لايسامحه . لكن ماأقول إلا حسبي الله ونعم الوكيل عليك ولك يوم ياللي ماتخاف الله في المال الحرام والله ثم والله ثم والله لأدعي عليك في هالشهر الفضيل في كل وقت بالبوار والهلاك وأن تفقد أعز ماتملك وأن مايكفيك أضعاف ماسرقت مليون مره في علاج وفي دور الصحة والعافية واللي مثلك الحلال عنده ماحل في الجيب لكن لك يوم لن تفلت من الجبار .

[كلاسيك999]

ياحليلك ياحتووم ترى تدعي على نفسك البريئة !
بإختصار يالحربي ( أنت سارق محترف ) وصراخك ذا حيلة العاجز الكاذب وتطمن ماراح أفضحك لأنك مسكين وبتلاقي من يأدبك غيري ...

[عقل]

باقي من الدبات شي

[اصيل نجد]

السلام عليكم ورحمه الله وبركاته ياجماعه اتقوى الله وعيب الكلام قدام خلق الله كلهم كلكم فيكم البركه ولو واحد غلط الثاني يسامح ولا له داعي هالكلام اللي ماهو طيب منتدى طيب مايقبل الا اعضاء طيبين لذلك ياجماعه ماله داعي تعوذوا من الشيطان واذا بينكم مواضيع حساسه وفيها نقاش ياليت على الخاص الله يهدي الجميع

[كلاسيك999]

الأخ عقل الدبات باقي ٤ حبات 5 رطل

[كلاسيك999]

الاخ اصيل نجد
كلامك عالعين والرأس وصادق

[الحربي حاتم]

أصيل نجد الأشكال هذي ماتعرف العيب ولا تعرف الحرام . الحلال عندها مادخل في الجيب لو بالسرقة والنصب والغش ولا ينفع معها تراسله بالخاص بل تفضحه أمام خلق الله ليعرفوه . وأنت ياعبدالدينار والدرهم تخسى يالخاسي وتعقب أنت خبيث طينة وحرامي وقوي عين لكن الله ينتقم منك ويجعل موت ضميرك الى أن تلقا ربك ويجعل تجارتك الخاسرة والبايرة يالحرامي وقودك الى نار جهنم وبئس المصير .

[الحربي حاتم]

وين الردود اللي في الموضوع مين حذفها وبأي صفه
البلية هذا حرامي ونصاب ولازم الكل يعرفه
شريت منه دبات على إنها جديدة وبحالة المصنع وطلع فيها صدا وحكوك وغيره
وأرسل لي فوانيس ألمانية الواحد بتسعين ريال مع إنها في سوق المواعين ب30 ريال يعني يشريها ب30 من سوق المواعين ويبيعها على الناس بتسعين اللي مايخاف الله عدد خمس فوانيس 450 ريال مع أن سعرها في السوق 150 ريالل شوفوا اللي مايخاف الله . ومع أني قلت له لاترسلها لقيتها بثلث قيمتك قال لي خذها وإذا وصلتك ومابغيتها أرسلها لي والآن يرفض إستلامها . حسبي الله عليك ونعم الوكيل . الله لاييسر أمرك ويجعلها زادك ووقودك الى نار جهنم أنت والل مثلك .

[DID]

ارسل رقمك بالخاص

[الحربي حاتم]

أنا ماأدري مين متواطأ مع هالحرامي . والظاهر إنه حرامي مثله . لكن الله لايسامح المشرف اللي هذا شغله حسبي الله ونعم الوكيل عليه . الله يشل يمينه في هذا الشهر الفضيل . العضو هذا حرامي ونصاب لاأحد يشري منه يعطي وصف للسلعة على غير الحالة الحقيقية غير أنه يشري الفوانيس من محلات المواعين والأواني المنزلية ب30 ريال ويبيعها هنا ب90 ريال يعني غبن وجور ماله مثيل . حسبي الله ونعم الوكيل عليه الله لايلحقه خير ولا يربحه دامه يدور المرابح ويجعلها زاده الى النار هو والمشرف الحرامي اللي مثله وعلى شكله .