تغيير ثلاجة مكيف الجمس(أرجو من الجميع الدخول)

[abdulmuhsen]

السلام عليكم ورحمة الله وبركاته
حياكم الله يا اخوان

بعد معاناة مع تهريب الفريون وجدنا ان التهريب من الثلاجه ولازم نغيرها قلنا نتوكل على الله


لكن عندي استفسارين قبل ابدا اشتغل عليها
اتمنى منكم يا اهل الخبره انكم تساعدوني فيها

-ابغى اسم افضل ماركه للثلاجة تكون اصليه

-وبسألكم اللي بيغير لي الثلاجه قالي انه مايقدر يفك الثلاجه من الطبلون ! قلت له وشلون بتفكها اجل قال من الكبوت يقول بيشق حاضنة الثلاجه ومن ثم يطلع الثلاجه ! للتوضيح قِربه سوداء تكون الثلاجه داخلها
يقول بيشقها ويطلع الثلاجه الخربانه ويركب جديده وبعدين يرجع يلصق الحاضنه(القِربه) البلاستيكيه اللي شقها ب (فايبر قلاس) ما ادري يا اخوان هل هذا الشي طبيعي وهل فيه احد جربه من قبل ؟



واذا فيه احد يدلني على ورشه كويسه تغير لي الثلاجه ف جزاه الله الجنه

ياليت تفيدوني الله يسعدكم دنيا وآخره

أخوي حجازي أصيل مايبيلك دعوه للموضوع ياليت تشرفنا انت والأخوه الخبراء

تحياتي

[ريان2002]

وعليكم السلام ورحمة الله وبركاته

وش موديل سيارتك ؟

[R I V A L]

اعتقد موديل موترك من 2001 _2006

بصراحة اخوي اول مرة اسمع بهالمعلومة
شكله فني كسلان
لان اللي اعرفه انه يتم استخراج الثلاجة من الطبلون وليس بشق القربة !!!!!!!!!!!


انتبه لا يحوس عليك موترك
خصوصا انه امريكي حساس واي غلطة قد تتسبب بما لا يحمد عقباااااااااااااه

خلك دائما وابدا في السليييييييييييييييييييييم

[abdulmuhsen]

وعليكم السلام ورحمة الله وبركاته

وش موديل سيارتك ؟


تاهو 2003



اعتقد موديل موترك من 2001 _2006


بصراحة اخوي اول مرة اسمع بهالمعلومة
شكله فني كسلان
لان اللي اعرفه انه يتم استخراج الثلاجة من الطبلون وليس بشق القربة !!!!!!!!!!!


انتبه لا يحوس عليك موترك
خصوصا انه امريكي حساس واي غلطة قد تتسبب بما لا يحمد عقباااااااااااااه

خلك دائما وابدا في السليييييييييييييييييييييم



موتري 2003 تاهو
والله ونا اخوك انا منيب مرتاح للثنتين فك الطبلون وشق القربه كلهم منيب مرتاح لهم
خصوصاً واني سمعت ان اللي يفكون الطبالين ما يرجعونها زي ماكانت

[الوسم]

تسذااااااااااب في عينه !!!!

وبعدين وش هالقربة اللي يبي يشقها ؟؟؟؟



الثلاجه إن كان إنه صادق ينظفها ويرجعها محللها ويركب البلف مررة ثانية

وبعدين يعبي فريون وعلى قولة المثل

وأذن قم صل

اتركه هاللي يستهبل عليك

وافحص عند غيره وتعال علمنا وش يصير معك

[abdulmuhsen]

تسذااااااااااب في عينه !!!!

وبعدين وش هالقربة اللي يبي يشقها ؟؟؟؟



الثلاجه إن كان إنه صادق ينظفها ويرجعها محللها ويركب البلف مررة ثانية

وبعدين يعبي فريون وعلى قولة المثل

وأذن قم صل

اتركه هاللي يستهبل عليك

وافحص عند غيره وتعال علمنا وش يصير معك



حياك الله الوسم
ونا اخوك تأكدنا ان المشكله في الثلاجه فيها خرم تسمع صوت تنسيمها بقوه من جوا السياره
الرجال اعترف وقال انا ما اعرف افك الطبلون انا اعرف اطلعها من الكبوت بالطريقه اللي ذكرت لكم
ولي الخيار بالنهايه طبعاً
لكن انا قلت استشيركم ومانيب مرتاح لها على اي حال
وان كانك تدل ورشه تفك طبالين يكون شغلهم نظيف واسعارهم حلوه دلني عليها جعلك بالجنه

[ابو عزام الشمالي]

يا الغالي وين موقعك

[abdulmuhsen]

يا الغالي وين موقعك




انا بالرياض الله يسلمك

[ابوراكان تبوك]

سلامات ماهو صاحي الفني اللي انت رحت له وووين يارجل لو شقيت حاضنه الثلاجه بتدمر الموتر كله يتشقق الحديد حق الصدر مع البطانيج وتعال دور لك بودي بعدين من غير امور اخرى لو اكتبها لك
باختصار لو شغل ايده بلاش انتبه تشق البودي ولو تدفع 1000ريال ع فك الطبلون

[abdulmuhsen]

سلامات ماهو صاحي الفني اللي انت رحت له وووين يارجل لو شقيت حاضنه الثلاجه بتدمر الموتر كله يتشقق الحديد حق الصدر مع البطانيج وتعال دور لك بودي بعدين من غير امور اخرى لو اكتبها لك
باختصار لو شغل ايده بلاش انتبه تشق البودي ولو تدفع 1000ريال ع فك الطبلون




انا بتوكل على الله وبفك الطبلون لكن تقدر تفيدني الله يسلمك وش افضل انواع الثلاجات بالنسبه ل جمس2003

[abdulmuhsen]

يا اخوان اللي يقدر يدلني على ورشه كويسه في فك الطبالين بالرياض ويكون شغلهم مجرب يدلني الله يرحم والديه

[عبدالرحمن.1]

السلام عليكم لو فكيت الطبلون ولاركب مضبوط فيه واحد اسمه الكردي حق تربيط ديكورات مرعليه يرجعه لك مثل ماكان

[سايق الخير 2]

السلام عليكم ورحمة الله وبركاته

وكل عام والجميع بخير


عندي نفس المشكلة ونفس السيارة ، واحتاج فني ممتاز في جدة يغير لي الثلاجة

اللي يعرف يدلنا على فني شغله مضمون الله يجزاكم الجنة

[ابو عزام الشمالي]

انا بتوكل على الله وبفك الطبلون لكن تقدر تفيدني الله يسلمك وش افضل انواع الثلاجات بالنسبه ل جمس2003



يا الغالي فيه واحد في صناعية الشفاء ، قد اشتغلت عنده مكيف طبعاً معي جمس وشغله حلو . بس ماادري عن الثلاجه يعرف لها بس الرجال شغله ممتاز جداً

[أحمد محمد1429]

اللي أعرفه فعلا تفك من الكبوت بس فيه مسامير يفكهن وتطلع القطعه السوداء وهي من قطعتين

[R I V A L]

موتري 2003 تاهو
والله ونا اخوك انا منيب مرتاح للثنتين فك الطبلون وشق القربه كلهم منيب مرتاح لهم
خصوصاً واني سمعت ان اللي يفكون الطبالين ما يرجعونها زي ماكانت [/QUOTE]

والله يا خوي مالك حل غيره
انك تفك الطبلون
ولا تحاتي طال عمرك في الحمد لله ورش شغلهم زين ومضمون اهم شي انه شخص يرسلك عنده
اما الطريقة الثانية او شق مدري وش !!!
هذي انتبه تسويها لانه شكله يبي يتعلم على موترك

فك الطبلون وتوكل على الله
بس مثل ما قلت لك خل احد يرسلك على ورشة مجربة ومضمونه واشترط عليه قبل كل شي انه يرجع كللللللللللللللللللل شي مكانه
هذا الشرط الوحيد
وانا لو من السعودية كان افدتك لكن والله من الامارات
بس قبل اسبوع كنت في المملكة وبالتحديد في مكه شفت عندهم ورش محترمة شغلهم ممتاز بس مشلكتهم الاسعار جدددددددددددددددا مبالغ فيها

[abdulmuhsen]

يا اخوان ممكن اسم افضل ماركه للثلاجات

[abdulmuhsen]

موتري 2003 تاهو
والله ونا اخوك انا منيب مرتاح للثنتين فك الطبلون وشق القربه كلهم منيب مرتاح لهم
خصوصاً واني سمعت ان اللي يفكون الطبالين ما يرجعونها زي ماكانت

والله يا خوي مالك حل غيره
انك تفك الطبلون
ولا تحاتي طال عمرك في الحمد لله ورش شغلهم زين ومضمون اهم شي انه شخص يرسلك عنده
اما الطريقة الثانية او شق مدري وش !!!
هذي انتبه تسويها لانه شكله يبي يتعلم على موترك

فك الطبلون وتوكل على الله
بس مثل ما قلت لك خل احد يرسلك على ورشة مجربة ومضمونه واشترط عليه قبل كل شي انه يرجع كللللللللللللللللللل شي مكانه
هذا الشرط الوحيد
وانا لو من السعودية كان افدتك لكن والله من الامارات
بس قبل اسبوع كنت في المملكة وبالتحديد في مكه شفت عندهم ورش محترمة شغلهم ممتاز بس مشلكتهم الاسعار جدددددددددددددددا مبالغ فيها[/QUOTE]



ما قصرت بارك الله فيك والشهر مبارك عليك وعلى الجميع

[بلحارث]

شف يالحبيب عندك اشياء لازم تلاحظها
1- الثلاجة التي ناوي تركبها لازم تكون نفس الثلاجة القديمة ويفضل الوكاله يعني ماينفع تلحيم او تشليح لان وجود ثقب فيها يعني هذا اول المشوار بعد فترة يظهر لك ميئة ثقب
2- فك الطبلون صحيح متعب ولكن غير مستحيل شف لك كهربائي ممتاز ومتخصص في نوع سيارتك وخله يفك الطبلون

[ابوراكان تبوك]

انت بتفك طبلون خذ الثلاجه الاصليه ولازم يغير ربل المواسير حق الثلاجه احتياط وقيمتها رمزيه ممكن 5 ريال لكن انت تدري بفكها

انواع الثلاجات مالي علم فيها وانا اخوك


وكل عام وانتم بخير ومبروك عليكم الشهر

[حسين السبيعي]

السلام عليكم ورحمة الله وبركاته

وكل عام والجميع بخير


عندي نفس المشكلة ونفس السيارة ، واحتاج فني ممتاز في جدة يغير لي الثلاجة

اللي يعرف يدلنا على فني شغله مضمون الله يجزاكم الجنة

فيه يماني شايب اسمه العديني نفس اسم المحل في كيلو 2 في اول المحلات الزينه جنب حقين التنجديد شغله ممتاز وامين ؟؟ الله يوفقك ويرحم والدينك والشهر مبارك عليك

[الوسم]

يا صاحب الموضوع ...

الله يعافيك وكرما منك

ابيك تصور هالثلاجة اللي تكللم عنها

يمكن انك تقصد قطعة غير اللي أنا اقصدها

وبعدين .. فك الطبلون اللي تقصده والله أعلم انه يقصد الدرج اللي في الجهة اليمنى قدام السواق واللي حوله ؟؟

وهذا صحيح جدا جدا

لذلك ... صور لنا أيضا الطبلون المقصود



للتأكيد وإن شاء الله نفيدك بإذن الله وش تسوي !!!!

أنتظر صورك !!!

[abdulmuhsen]

يا صاحب الموضوع ...

الله يعافيك وكرما منك

ابيك تصور هالثلاجة اللي تكللم عنها

يمكن انك تقصد قطعة غير اللي أنا اقصدها

وبعدين .. فك الطبلون اللي تقصده والله أعلم انه يقصد الدرج اللي في الجهة اليمنى قدام السواق واللي حوله ؟؟

وهذا صحيح جدا جدا

لذلك ... صور لنا أيضا الطبلون المقصود



للتأكيد وإن شاء الله نفيدك بإذن الله وش تسوي !!!!

أنتظر صورك !!!






اخوي الغالي الوسم
شاكر لك اهتمامك

فك الثلاجة يختلف من سيارة لأخرى
بعض المواتر تقدر تطلع الثلاجه من خلال الدرج تفك الدرج وتقدر تطلع الثلاجه
وبعض السيارات مثل سيارتي الثلاجه ما تطلع إلا بفك الطبلون كااامل لأن مكانها عميق جداً
وحجمها كبير



وهذي صورة الثلاجه
http://store1.up-00.com/2015-06/1435021087431.jpg

وهذا مقطع يبين لك كيف يتم فك الثلاجه من الجموس امثال سيارتي

https://www.youtube.com/watch?v=yoDzJK1Bq2A


الآن موتري في الورشه وفكينا الطبلون وغيرنا الثلاجه والامور ابشرك طيبه وعقب ما اطلع الموتر بإذن الله بنزل موضوع بتكلم فيه عن تجربتي كامله مع الثلاجه عشان افيدكم

تحياتي



.
.

[الوسم]

أعوووووووووذ بالله من الأمريكي ما كثر تعقيده ...

وش هالعلله اللي ما تجيها إلا فاك الطبلون كلله

الله يعينك ولا يخسرك

الله يبشرك بالخير وهناك العقلان ولا تنسى عاد عقب هالشغل كلله تغير الفلاتر والبلوف وتغسل الدائرة كاملة

ولا تنسى ....

التقريييييير

التقريييييييير

التقريييييييييييييييييير

[ابو غسان2009]

فيه يماني شايب اسمه العديني نفس اسم المحل في كيلو 2 في اول المحلات الزينه جنب حقين التنجديد شغله ممتاز وامين ؟؟ الله يوفقك ويرحم والدينك والشهر مبارك عليك

وبعد فيه اندونوسي في البلد مقابل مقبرة امنا حواء على طول هذا دكتور مهو مهندس خبرة اكثر من 30 سنه