الشايب اللي زين الله طروقه

[ابو ما بغى]

السلام عليكم ورحمة الله وبركاته
دام لكم التوفيق والسداد من الاولى الى الأخرة
قصيدة مهداة الى الوالد العلم الشيخ / عبدالله بن فجحان شيخ شمل
ال حميدان اثر وعكة صحية ثماثل بعدها للشفاء بفضل من الله ومنه
.
.
.
.
.


بشر بشير بالبشاره يبشر
ابشر سليم والسلامه وفوقه
قالوا تمشىى واطلق الساق في البر
عقب الرحايم سلم مزع سبوقه
ينسى عصاته عقب ماكان مضطر
في شف ذوده تو عينه يسوقه
سج ابتعد مرتاح والبال منسر
ما صكت الجدران شوفه تعوقه
طير الوحش سموه بالصايد الحر
الشيخ ابن فجحان والطيب ذوقه
شيخ غدى له في المواقيف مخبر
كل عنى له يسعف الناس طوقه
فضل الولي يشكره ماهوب مغتر
الشايب اللي زين الله طروقه
كني لشوفه لاسرى الليل وانجر
قام وتوضى ثم لقى الشوق شوقه
في حزة ظلما بها الزين يذخر
مع رحمة الوالي قدومه تروقه
معها يقندل شبه النار بالسمر
جمر يلالي والمعاميل فوقه
ثم جلجل الداعي على ابليس وادبر
هذا مكانه لين يسفر شروقه
بين الذكر والفكر يومه الى العصر
شفه من الدنيا صبوحه غبوقه
وليا لفيته فابشر الكوم تنحر
قلط صيانٍ في شحمها غدوقه
تقفا دلال وسطها الهيل بهر
وسحال در من يمينٍ طلوقه
رغوٍ علاها كنه الغيم زبر
شلق عليه اللي تروت عذوقه
وصلاة ربي عد صبح له اسفر
على النبي اللي علينا حقوقه



مـــــــــــوفـــــــــــقـــــــــــيـــــــــــن

[احمدالدمام]

صح لسانك والحمد لله على سلامة العود وما يشوف شر

ابلى حدود الحمد والله اكبر
في يوم عاد العود من بعد عوقه