يااخوان ابغى افضل منفاخ هوا للكفرات؟؟

[دقسونة]

السلام عليكم

يا اخوان ايش افضل منفاخ هوا للكفرات واذا كاان (ابو جمل) كما سمعت ..وش افضل نوع من

ابو جمل وشكرآآ

[ابوخلف..]

عليكم السلام
خذ ابوجمل تيربو
من واقع تجربه عملي وممتاز ماشاءالله

[أبومحمدالشهري]

مثل ماقال أخوي أبو خلف أفضل شي أبو جمل التيربو وسعره حول 450 ريال طبعا وكيله الشراع

[دقسونة]

طيب يااخوان غير التيربو ايش تنصحوني ...؟؟

[شايم الخمشي]

ماطور الرماية ممتاز جدا وسعره 345 ريال

[ابو عزام الشمالي]

انا مجرب هذا النوع

وجبت معي كمية

وباقي منها 2
http://haraj.com.sa/117368641/مواطير_هواء_/

للتوضيح فيه نفس شكل هذا لكن يختلف فيه شي بسيط وبنصف السعر لكن متعب جداً

لكن اللي بالرابط انا مجرب من فترة وجبت للشباب

[الاطار]

انصحك نصيحة مجرب ....لاتاخذ غير منفاخ arb تحصله عند الرمايه ...ياجي منه نوعين ....لكن تراها تطرب القلب مثل هواءالبنشري ....

[الاطار]

صناعه استرالي ....

[NissaN 1990]

عندي الإيطالي اللي وكيلة التويجري بشارع الريل سعره 1200 ريال بس يستاهل له عندي الآن 3 سنوات وشغال هواه قوي وسريع

[Abo Adeeb]

خذ ابو فرس رأسين له عندي 10 او 9 سنوات ممتاز جدا

[الاطار]

احنا ماقد سمعنا عن خرابات منافيخ الهواء ...واكثر شي نسمعه ...هل المنفاخ قوي او ضعيف ...وبااختصار افرش قرشك ودور الزين تلقاه .....وانا شريت arb من محل الرمايه ١١٥٠والحمدلله مرتاح معاه وهذا بعد تجربه مع منافيخ الهواء اللي يسمونه ابو جمل وغيره ....وللاسف صناعه صيني ....وانت عقلك براسك وتعرف حاجتك واستعمالك لها ...ودمت بكل ود

[كاتم الشكوى]

فيه نوع عند الرماية وسعره 345 ممتاز وقوي بلحيل ولا هو حسوفه وكل من شافه معي اعجبه

[شيخ بني تميم]

بنسبه للماطور عندك ابو جمل لي قصير ممتاز ممتاز ماخذه قبل سنتين با ٢٩٠ ريال من الشراع

[دقسونة]

يعطيكم العافية ياشباب ماقصرتو ..اخوي شيخ تميم ممكن تضيف صووره للمنفاخ ولاعليك امر

[دقسونة]

عشان اتاكد نفس اللي لقيته بالسوق اليوم ولا يختلف...وشكرآ للجميع

[الحصبيات]

انا اشتريت ابو جمل بس مو التريبو لي زميل لديه تيربو ولم يشجعني على اقتنائه وذهبت لمحل الشراع بالغرابي حتى صاحب المحل نصحني بالموديل الذي يسبق التيربو واظن سعرة 350 ريال وبالفعل ماشالله من خلال تجربتي جهاز ممتاز وسريع

[ابوحسام9]

نصيحتي لك عليك بالمنفاخ الاسترالي ممتاز عن تجربه
موجود عند الرمايه

[الحارثي3]

افضل شي ابو جمل

بس فيه ابو جمل تجاري وفيه اصلي

عشان تفرق بين التجاري والاصلي

الاصلي يجي ورى الجمل صورة نخله او شجره

التجاري يجي صورة جمل بس

[دقسونة]

يعطيكم العافية جميع ...ومنكم نستفيد

اخوي الحصبيااات انا مصمم على ابوو جمل ...لان سعره زين وعملي ...لكن ليتك تضيف لي صوورة الماطوور اللي عندك للاني بصرااحة ضعت بين انوااع ابوجمل لنها كثيرة ماشاءالله ...واكرر شكري للجميع بيض الله ووجيهكم

[الرماية]

http://www.mekshat.com/vb/showpost.php?p=10417876&postcount=4

[مشلخ الذيب]

رح للوكيل الشراع في الغرابي وقبه ابي ابو لي قصير

سعره 290-320

[دقسونة]

الله يجزاكم خير جميعآ ...ولايهينكم

اشتريت ماطور ابو جمل راس واحد ابو لي قصير وسلك كهرب طويل ...اللي يجي بلفه كبس ..طبعآ عليه ختم الشراع ووعليه الجمل والنخلة...بسعر 360 بحكم اني خذيته من حل رحلات برية لاني بعيد من الرياض والشرقية ولاهناك سعره اقل ..

تجربتي له انه كفو ماشاءالله ..صوته هادئ..وسريع النفخ ..قأنصح فيه :good2::good2:

[هاوي الجكس]

ماشاء الله زين

بالتوفيق

[بربنجي]

الله يبارك لك

وان قدرت اشتر اثنين منفاخ هواء خله احتياط
يعني مثلا واحد ابو حمل الاصلي والثاني الاسترالي

خاصة للي يروحون مواقع بعيده شوي يحتاجون كل شي احتياط والمنفاخ من الحاجات المهمه

والله الموفق

[الحصبيات]

اخوي الله يوفق انا اسف والله اليوم خشيت على الموضوع بس كويس شكل اللي شريت هو المطلوب لي قصير وسلك طويل والله ماشالله ممتاز وسعر معقول وسريع الله يطعمك خيره ويكفيك شره

[دقسونة]

عادي اخوي الحصبيات ماصار الا الخير...وابشررك طحنا على النوعية الجيدة ولله الحمد

[تميم2222]

رفيق الدرب عنده وشغله ممتاز مقصر اللي يعطي نفخ اكثر