ويا راعي المدينه والمدينه شع منها النور

[صافى السريره]

بسم الله الرحمن الرحيم

اسير النور هل ما زلتْ ماسور(ن) بهذا النور
........................... فقدنا نظمك الوافي وما زلنا على المشوار

الى صغت الشعر ياصاحبي يضفي علينا سرور
............................. ويبقى في الذهن مما تدّون ينعش الشعار

قرينا لك درر ما تنسي مهما تمر دهور
......................... نبي حضرتك تتحفنا وذا الخيمه بها لك كار

عرفتك وافي في الشعر ما تقْرب من المحظور
...................... تشوف الشين لو شوفه صعيب ويتعب المنظار

ويا راعي المدينه والمدينه شع منها النور
............................ نبي نورك يشع ويدعي الخيمه تشع انوار

ترانا نقتنع يكفي ولو جانا من الميسور
................................. كما قد قيل قبلي ما يقل يدل له تعبار

وترى ماني من اللي لا هرج في هرجته مجبور
....................... اقول الحق واصدع به ولا اخشى غيره الجبار
آل- بوهلال التميمي (ابوراكان)

[أبوعبدالرحمن99]

قبل شمس العصر تقفي و يتبعها شعاع النور
........................... و قبل ما برمضان يحل موعد وجبة الافطار

مسا الجمعة و تاريخه اثنين من الشهر مذكور
............................. شهر تسعة سنة ستة و باق ارقامها تكرار

قريت حروف عبّر من تنقاها بصدق شعور
......................... مثل غواص بحرٍ يجلب اللولو من المحار

ابو راكان لا منّه بدع جاك الشعر محكور
...................... مثل فنجال كيف البن حافه راعي المحكار

اذا كان الذي يوجد هنا في منتدانا نور
............................ فهو نور الجزل شعّ و من ابياتك شعاعه سار

ترى ماني بشاعر ، غير يطربني من المنشور
................................. جزيل الشعر لا شفته على الصفحة من الشعار

وترى للكل في قلبي غلا ما هو ابد محصور
....................... عسى ربي يجملني و افوز بخوّة الاخيار


[/QUOTE]

[أبوعبدالرحمن99]

و اعتذر لتأخر الرد فلم أشاهد الموضوع إلا قبل المغرب بزمن يسير .

[صافى السريره]

بسم الله الرحمن الرحيم

بعد ما اقفت علينا شمس ثاني شهرنا الميسور
.......................... وحلّت فرحة الافطار وابتلت عروق اخيار

تحريت الوفا من وافي(ن) دايم يجي منثور
......................... مثل نثر المطر يحيي يباس ويودعه بعمار

ابارك لك بشهر الخير جعل الذنب به مغفور
............................ وابارك للجميع وكل من يقرا من الشعار

تعجلت الجواب وخابر(ن) مثلك يجي ببكور
.......................... يجيب القاف عذب ولا يبرّق به ولا يحتار

اراك الشاعر الملهم وبدعك للشعر مفطور
....................... تواضع والتواضع خصلة(ن) من نالها له كار

بنيتْ القاف واتحَفْتَهْ بنظم(ن) بالختم ممهور
.............................. عليه الشارة العليا ومنه الفكر لك يندار

على الطرق القديم وناقيّه والطرق ذا مشهور
............................... على مر العصور يزف للي للبدع بتار

انا بنشدك عن حفل(ن)بدا بالصبح وقت سحور
............................ له التاريخ وافي يوم حل ّ وشاد في الإعمار

عسى في الحفل خيره يوم ورد الحي له منثور
............................... يغرد له حمام الدار واهله جاوبو بالطار

آل- بوهلال التميمي (ابوراكان)

[أبوعبدالرحمن99]

حياك الله يا ابو راكان ، و حيا الله نباك و صح لسانك ، و اعيد و اكرر اني لست بشاعر و لكني فقط متذوق للشعر ،، و تطربني طواريق الشعار ،، و لا في شدة على مجاراتكم ما شاء الله ،
و الشهر عليكم مبارك و دمتم طيبين .

[احمدالدمام]

صح لسانك يابو راكان ومابك حيلة يامشرفنا المتميز

ابو راكان توجها قوافي كنها البلور
ووجها لاسير النور من الصافي الى البحار
يبيه يحرك اشباكه ويبي يشبع رضاء الجمهور
ويغزل عقده اللولو من الي داخل المحار

[صافى السريره]

حياك الله يا ابو راكان ، و حيا الله نباك و صح لسانك ، و اعيد و اكرر اني لست بشاعر و لكني فقط متذوق للشعر ،، و تطربني طواريق الشعار ،، و لا في شدة على مجاراتكم ما شاء الله ،
و الشهر عليكم مبارك و دمتم طيبين .

الله يحييك يابو عبدالرحمن التواضع زين ، لكن اللي يقيم الشعر (اقصد بالنجوم) لا بد انه شاعر متمكن وأنت كذلك !!!بارك الله فيك.