المساعد الشخصي الرقمي

مشاهدة النسخة كاملة : شحن السكاكين عن طريق امزون


a.alsalamah
22/06/2015, 11:51 AM
هل هو مسموح شحن السكاكين عن طريق امزون
للي عنده تجربه

ادور سكاكين Spyderco الامريكه و هل لها وكيل في المملكه
م.سعيد
22/06/2015, 01:39 PM
هل هو مسموح شحن السكاكين عن طريق امزون
للي عنده تجربه

ادور سكاكين Spyderco الامريكه و هل لها وكيل في المملكه

غالباً السكاكين ممنوع شحنها..وشوف تفاصيل الشحن وش كاتبين
International Shipping: This item is not eligible for international shipping
والحل تشوف لك شركة شحن غير امازون وتنسق معهم قبل الشراء حتى يشحنوها..
يبقى الموضوع الآخر وهو الجمارك السعودية
الاطار
22/06/2015, 01:41 PM
خلك على سكين خووووجه ....السكاكين ممنوعه وفيها محاكمه وتحقيق للي يستوردها حسب علمي وكلام بعض اللي يطلبون طلبيات من هذي المواقع ......تعتبر من انواع الاسلحه .....
yasseralazeze
22/06/2015, 01:47 PM
فيها مشكله شحنها ولو تبيني احاول لك عن طريق البريد تبعي
يمكن تجي والله اعلم انا طلبت سكاكين الي على شكل بطاقة صراف ودخلت لاكن هذي ماقد جربت
a.alsalamah
22/06/2015, 03:35 PM
اذا ممنوعه خلنا منها بطلنا امزون
كيف السكاكين الي يبيعها بيتي والرحله و الهدف هل من نوعيات ممتازه
ادور على السكاكين الي تنصفط و سواطير و مايهم كم تكلف
ابو نجود
22/06/2015, 06:24 PM
انا طلبتها كثيرا من مازون ووصلت عن طريق البريد السعودي..
no fear 78
23/06/2015, 12:02 PM
والله يا خوي انه انضربة معى موقع ebay شريت السكين ويوم وصلت السكين للعنوان الي في امريكا رفضو يرسلونها
اذا يرسلونها عن طريق البريد المحلي يتوصل بس تتاخر شوي
.. PATROL ..
23/06/2015, 05:26 PM
حسب القوانين انه ممنوع تشحن الأسلحة والمواد الحادة

لكن تجارب كثير من الأخوان انها تمشي لكن انت وحظك
mz9mz9
24/06/2015, 06:54 PM
بالله اللي يقدر يخدمني في هذا الموضوع، شفت سكاكين حلوة في أمازون بس الخوف أنها مانصل
الضيق
30/06/2015, 12:33 AM
التاجر يشحنها لك الى عنوانك في امريكا
لكن ارامكس ماتشحنها للسعودية
ممنوع
انا جربت ورفضو ا يشحنونها.
ابومالگ79
03/07/2015, 08:05 AM
انا أفضل سكين استخدمتها
صناعه سويسريه عليها رسمة الطير قيمتها 110 ريال
الجنوبيييي
25/07/2015, 10:39 PM
عندك واسطه في الجمارك روح اطلب اللي تبغا لان المشكله عند الجمارك شركة الشحن تدبر
a.alsalamah
25/07/2015, 11:44 PM
المشكله السكاكين المطويه في السوق غاليه على الفاضي و لا يتوفر نوعيات زينه

يعني تحصلها في موقع امزون في ربع السعر و كل السكاكين الموجوده في السوق السعودي موجوده في امزون قبل اسوع كنت عند الرمايه منزل سكاكين مطويه
صورت النوع الي ابغاه و اخذت رقم السكين من على الكرتون وبحثت عنها في امزون
لاقيتها ربع السعر

امزون ميزته تحصل السكاكين من 5 الى 10000 ريال يعني طب و اختار
a.alsalamah
25/07/2015, 11:54 PM
http://bestpocketknifetoday.com/

الي عنده لغه انجليزيه يستفيد من هذا الموقع يعطيك معلومات عن احسن سكاكين الذبح والصلخ وسكاكين الجيب المطويه و أنواع كثيره
و احسن الستانلي ستيل المستخدمه لصناعه السكاكين يعني يعلمك اذا جيت تشتري سكين لازم تعرف نوع الستالي ستيل كل نوع له رقم في امزون تلقى رقم الستالي ستيل على كل سكين و يعلمك وش الستانلي ستيل الممتاز والردي بجدول
يعني مش ستانلي ستيل و بس فيه أنواع كثيره من الستالي ستيل من الرخيص الي الغالي
batrol2002
27/07/2015, 07:53 PM
يفيدونك الشباب
هاوي؟؟
28/07/2015, 12:05 PM
أَنـآ طلبت سكين مُّــــڼٍ امازون ع واصل عالمي ومعها اغراض ثانيه وصلت عِنُـــًــدٌّيے

السكين لازم تكون مطويه بعني صفط ما هي ساطور

يقولون الساطور ممنوعه وغيرت رايي وطلبت صفط


وشكرا
nashy
29/07/2015, 05:04 AM
سبق وطلبت سكينين أمريكيات ماركة ka-bar ووصلت العام الماضي مثل هالوقت

http://www.amazon.com/KA-BAR-Marine-Corps-Fighting-Straight/dp/B001H53Q6M/ref=sr_1_18?s=sporting-goods&ie=UTF8&qid=1438135375&sr=1-18&keywords=Military+knife