تنتيع وكتمه بالتاهو

[انا العربي]

السلام عليكم ورحمة الله وبركاته
يأخوان عندي مشكلة بالتاهو2002 كتمه لو تدعس بنزين ياله يمشي وينتع
فحصته طلع لي حساس ثلاجه وحساس هواء وحساس اكسجين
واسلاك بواجي وتنظيف بخاخ وفحص منظم بخاخ <<معقوله كلها خربت دفعه واحده

وغيرت اسلاك بواجي ولانفع علمآ ان الكتمه او التقطيع مزاجي يأتي يوم ويوم لا
اللي له خبره ومعرفة يقولي وش اغير مابي اغير كل شيء على الفاضي
وجزاكم الله خيرآ

[الحربي 591]

اخوي غير حساس الهوا اول شي واذا ماصار شي حساس الثلاجه ..مع اني اشك انه سليم...وحساس الاكسجين اللي هو حساس الشكمان ماهو لزوم تغيره بتفرق معك ان يطلع ريحه كربون وتزيد الصرفيه شوي بس ما يضر

شيك على حساس الهوا هو يسوي نفس المشكله

[انا العربي]

اخوي غير حساس الهوا اول شي واذا ماصار شي حساس الثلاجه ..مع اني اشك انه سليم...وحساس الاكسجين اللي هو حساس الشكمان ماهو لزوم تغيره بتفرق معك ان يطلع ريحه كربون وتزيد الصرفيه شوي بس ما يضر

شيك على حساس الهوا هو يسوي نفس المشكله

يعطيك العافيه حساس الاكسجين مولع عندي بالطبلون
وإذا جاء الكتمه والتنتيع يولع ويطفي الان انا احترت اغيره ولااغير حساس الهواء

[الحربي 591]

يعطيك العافيه حساس الاكسجين مولع عندي بالطبلون
وإذا جاء الكتمه والتنتيع يولع ويطفي الان انا احترت اغيره ولااغير حساس الهواء

حساس الاكسجين ما يسبب المشكله فقط تزيد ريحه الكربون و صرفيه البنزين بشكل قلييل


حساس الهوا يسوي نفس المشكله ..

[مخ سعودي]

نظف البوابه ونظف الحساس بمنظف اكترونيات يالغالي وامرك بسيط وشيك على البواجي وقربه الهواء لايكون فيها شق

[انا العربي]

حساس الهواء استبعدته لأني فصلته وبغى يطفي الموتر يعني سليم
حساس الشكمان كم واحد وكم سعره لو كان خربان وماينفع التنظيف
ارجو الاجابه راسي انلحس بعضهم يقول حساس الشكمان مايرجف بالموتر ولايكتم العزم وبعضهم يقول إلا
والورش مثل ماتعرفون سباكين وضعت

[عبقري91]

حساس الاكسجين له معي شغال كم سنه ما شفت منه اي مشكله
وموتري يوكن يعني استبعد مليووون استبعاد حساس الاكسجين
شيك علا الكويلات وقربت الهواى وحساسها وصفاية البنزين وترا اذا ضعف الكهرب علا السياره برضو يسبب نتعه

[naharyfa]

السلام عليكم ورحمة الله وبركاته

افحص اسلاك حساس الثلاجة لان كان عندى نفس مشكلتك تنتيع وتقطع وضعف عزم السيارة

وبعد عدة إصلاحات وتعب وفحص وتمحيص طلع في تلامس في اسلاك حساس الثلاجة

وتم إصلاحه والحمدلله مشى الحال.

والله الموفق

[انا العربي]

يعطيكم العافيه حساس الثلاجه اين يقع عشان ابفحصه بنفسي واشوف ملينا من الورش اللي ماعندها سالفه
وبسألكم هل دبات التلوث متسكره تكتم الموتر وتضعف العزم وترجف بالمكينه لأن فيه شخص قالي
إذا الدبات متسكره 90%منها هل كلامه صحيح

[naharyfa]

في التاهو ماعندى علم وين مكان الحساس يفيدونك اهل التاهو

اما في فورد اكسبيدشن 2005 حساس الثلاجة تحت ثلاجة المكينة

وانصحك لا تفرغ دبات التلوث الا اذا تاكدت انها المشكلة

انا فرغتها بناء على نصيحة الاصحاب وندمت لان ماطلع منها المشكلة

وسعر الجديد منها غالى جدا

[مخ سعودي]

صحيح اذا الدبات مسكره تكتم الموتر وتسبب رجفه لكن ماعتقد ان مشكلتك منها مشكلتك حول البواجي واالاسلاك حقت الكويلات

[انا العربي]

صحيح اذا الدبات مسكره تكتم الموتر وتسبب رجفه لكن ماعتقد ان مشكلتك منها مشكلتك حول البواجي واالاسلاك حقت الكويلات
فحصت كمبيوتر ماطلع كويلات وفحصتها بنفسي كلها شغاله واسلاك بواجي جديده وبواجي جديده
مالي الا انفض الدبات واشوووف

[الحربي 591]

فحصت كمبيوتر ماطلع كويلات وفحصتها بنفسي كلها شغاله واسلاك بواجي جديده وبواجي جديده
مالي الا انفض الدبات واشوووف

الدبه مالها اي علاقه ..واذا بتفرغها ...راحت تقول ياليت وياليت :D..وسعر الجديده حول 3500 :eek:

[انا العربي]

الدبه مالها اي علاقه ..واذا بتفرغها ...راحت تقول ياليت وياليت :D..وسعر الجديده حول 3500 :eek:
فرغتها ولقيتها متسكره وخربان وفرغتها اللي تحت السواق والمعاون والحمدلله
رجع الموتر طبيعي وراحت الكتمه والرجفه :) الله لايبارك بالفحص اللي ماعندهم سالفه
كل اللي قالوه سليم حساس الهواء وحساس الثلاجه والفلتر جديد والبواجي واسلاك بواجي

[الحربي 591]

فرغتها ولقيتها متسكره وخربان وفرغتها اللي تحت السواق والمعاون والحمدلله
رجع الموتر طبيعي وراحت الكتمه والرجفه :) الله لايبارك بالفحص اللي ماعندهم سالفه
كل اللي قالوه سليم حساس الهواء وحساس الثلاجه والفلتر جديد والبواجي واسلاك بواجي

مسرعك فرغتها :)...ماشاء الله عليك

[انا العربي]

من اول العصر وانا بالورشه والعامل شغله سريع
والحمدلله رجع الموتر طبيعي