الناقة ضرعها منتفخ ومتحجر وش السوات ياهل العرف

[سليمان الصقر]

عندنا ناقة ملحا جابت لها قعود قبل ست شهور تقريبا ومن لها كم يوم وضرعها وارم ومتحجر جبنا لها بيطري ضربها ابره ودهن ضرعها وقال خلاص اصبرو لها كم يوم ويتطيب وهالحين لها اسبوعين وماتغير شي وش الدبره يالربع

[الحزوبر]

اسال عن الكي لها كي بس يبي لك واحد يعرف طال عمرك

[صقرحايل]

ضروري تلحق عليها با الكي
شف احد يعرف
طيب ضربتها بنسلين
او نقع لك مره واغسله لو تقدر شوي من داخل تكب المره
يمكن التهاب

[الكنيدي]

السلام عليكم
اذا كان ورام بس وخاطر الناقه زين وذا حلبتهاء ماطلع مع الحليب دم او صفار
فعلاجه ان شاالله بسيط خل الناقه تسرح وقطع عنهاء الاكل وخاصه البرسيم والمكعب خلهاء بدون اكل او عطهاء رودس لين يخف الاورام ولاتعطيهاء اي علاج
اهم شي زي ماقلت لك اذاكان ورام فقط

[طير الطنايا]

اسمع طال عمرك وعمر المتابعين
اﻻبر وطقت اﻻبر اتركها
وﻻ تكوي اي كوي نهائي
رش الظرع بالماء البارد مع الصباح والمغرب مع براد الجو
خﻻل ثﻻث ايام وشف الفرق
وادعلي ..وشكرا.

[نباك]

الناقه ان كانت ماتسرح محكوره فكها
وخل الراعي يغسلها ويغسل ديوسها الصبح واذا حولك هرم خله يفرك دسها فيه وان شاء الله تبرى
ولايقربها الشعير ابد ولازم تنضف ديسها الملحا راعيه حليب

[شمالي 44]

اسمع طال عمرك وعمر المتابعين
اﻻبر وطقت اﻻبر اتركها
وﻻ تكوي اي كوي نهائي
رش الظرع بالماء البارد مع الصباح والمغرب مع براد الجو
خﻻل ثﻻث ايام وشف الفرق
وادعلي ..وشكرا.


هذا الكلام السليم عزالله ماقصرت

[طالب صيد]

سبحان الله

حيره بين العلم والطب وبين الخبرة الحقيقية

[راعي سبحه]

علاج الورم كوي وهذ الطريقه انشاءالله تفيدكم
شب النار وحط المطرق بالنار وانوخ الناقه واعقلها واصلبها وحجّزها (( بعد العقال تجيب الحبل من تحت رجلها وياصل فوق الذيل وشده بنشطه ))

طريقه الكوي

مطرق على يمين الذيل والظبه لاتنزل على الفخذ
والمطرق الثاني على يسار الذيل والكوي يكون عمودي

مجرب الطريقه هذ والحمد لله طابت الناقه من ورم يسمونه الكلبه يطلع وعا وقيح من الديد

سلام

[مجاهيم]

فيه مرهم خاص للوريم عند الصيدلية بس تدهن عقب الغسيل بالماء البارد الصبح وكذلك المساء...