فزعتكم مشكلة في ماكسيما 2007

[زياد فارس]

السلام عليكم ورحمة الله وبركاته

ندخل بالموضوع معي ماكسيما موديل 2007 قير اوتو
السيارة صارلها معي حوالي 4 شهور

عندي مشكلة بالسيارة اذا مشيت فيها بالظهر او اوقات الذروه او في خط سفر
يعني بالعربي اذا السيارة سخنت نوعا ما

اول شي يصير معي احسها ودها تطفي اذا خففت السرعه
وثانيا وانا امشي على سبيل المثال 120 احس ان الموتر احد جالس يسحبه ويفكه
كان احد يسحب الموتر وايضا العزم يبدأ يضعف وايضا لاحظت البنزين يبدا ينزل او السيارة تصير تبلع بنزين واجد

على العموم على طول جا في بالي طرمبة بنزين وغيرت الطرمبة
وعلساس الامور انحلت لكن للاسف ما انحلت.
رحت فحصت كمبيوتر
طلع لي بالكمبيوتر (حساس الكرنك) قلنا حلو أي حساس بحكم ان في 3 حساسات كرنك طلع الخربان السفلي جبنا حساس كرنك سفلي وبدلناه والشكوى لله
ومشيت بالسيارة يومين بالظبط والا نفس المشكلة ترجع يعني>> كانك يابوزيد ما غزيت
واللحين ماني عارف وش السوات ووش الحل عطونا ارائكم؟؟؟
او في احد مرت عليه هالمشكلة؟؟؟

او علموني ورشة ميكانيكا ممتازة بالرياض..
الله يجعل والديكم بالجنة

[زياد فارس]

شباب 87 ولا رد !!!
افيدوني بارك الله فيكم

[زياد فارس]

للرفع الله يرفع قدركم

[مخ سعودي]

نظف البوابه يالغالي حقت الثروتل ويستحسن تنظف معها الثلاجه مع تنظيف حساس الهواء
مشكلتك منها لا اقل ولا اكثر وشيك على فلتر الهواء لابد يكون اصلي في الماكسيما

[زياد فارس]

نظف البوابه يالغالي حقت الثروتل ويستحسن تنظف معها الثلاجه مع تنظيف حساس الهواء
مشكلتك منها لا اقل ولا اكثر وشيك على فلتر الهواء لابد يكون اصلي في الماكسيما


شكرا اخوي على الإفادة وبنجرب ونوفيكم

[يالبى الهلا]

عندك القيررررر يسخن او و بعبارة اخري زيت القير يحتر فلابد م̷ـــِْن معرفة السبب
تاكد م̷ـــِْن عدم وجود تهريب زيت او ماء اديتر خارج
بفحص ماء الاديتر هل بة كمية زيت او اي اثررر
الافضل تسيييخ الاديتر وفحص الطرمبة

[زياد فارس]

اخواني الاعزاء اضافة على الكلام اللي كتبته فوق ببداية الموضوع
غيرت اشياء جديدة وهي:
تغيير طرمبة الماء بأصلي وتم تغيير حساس المراوح وتم تغيير بلف الحرارة مع الكوع
وتم تسيخ الراديتر وتركيب مويه اصليه وتغير زيت القير بأصلي
وتم تغيير فلتر الهواء بأصلي + تنظيف حساس الهوا بالهواء

والى الان المشكلة موجوده ؟؟؟؟؟؟؟

[زياد فارس]

للرررررررفع

[يالبى الهلا]

اخواني الاعزاء اضافة على الكلام اللي كتبته فوق ببداية الموضوع
غيرت اشياء جديدة وهي:
تغيير طرمبة الماء بأصلي وتم تغيير حساس المراوح وتم تغيير بلف الحرارة مع الكوع
وتم تسيخ الراديتر وتركيب مويه اصليه وتغير زيت القير بأصلي
وتم تغيير فلتر الهواء بأصلي + تنظيف حساس الهوا بالهواء

والى الان المشكلة موجوده ؟؟؟؟؟؟؟
ممتاز اللي سويتة تصفية المكينة
ويش تنظيف حساسات بالهواء الحساس علي اسمة حساس
كيف تنظفة بهواء لةمواد تنظيف خاصة بالحساسات او يتبدل
اللي ينظف الحساسات بخاخ تنظيف CRC خاص بالكهرباء
ولابد م̷ـــِْن فصل الاصابع قبل عملية الفك ولاتخرب البرمجة

[1824]

غير حساس الهواء بجديد وان شاء الله محلولة معروفة بالمكسيما

[مسير عليكم]

ممتاز اللي سويتة تصفية المكينة
ويش تنظيف حساسات بالهواء الحساس علي اسمة حساس
كيف تنظفة بهواء لةمواد تنظيف خاصة بالحساسات او يتبدل
اللي ينظف الحساسات بخاخ تنظيف CRC خاص بالكهرباء
ولابد م̷ـــِْن فصل الاصابع قبل عملية الفك ولاتخرب البرمجة

دامك لعبت في الحساس ابيك تجرب طريقه افصله وشف السياره تتغير اشتغالته ولالا اذا هيا هيا ماتغيرت بدله لانه خربان
وزي ماقال اخوي لبى الهيلا الحساس له منضف خاص بس هوا بهواء انت مجرم

[أبو الوليد 14]

حصلتلي مشكلة قبل فترة نفس مشكلتك مكسيما 2007 توماتيك
المشكلة : السيارة وانت ماشي مكتومة و إذا هديت او وقفت ترتر وتطفي .
وعملت الآتي :
-فصلت البطارية
-حساس الهواء غيرته باصلي ...اللي كان راكب عليه نظفته ببخاخ حق الحساسات ولاظبط ، غلط تنظفه بالهواء .
-الدعسة فكيتها ونظفتها زين ببخاخ كربريتر اي سي ديلكو ثم مسحتها بفوطة ...طبعا كنت ناوي اغيرها لكن ماحصلت جديد .
-البواجي كانت مبطية على الموتر وغيرتها
-فلتر الهواء غيرته بواحد اصلي
-شيكت على الخرطوش الواصل بين الحساس حق الهواء والدعسه
ملاحظة (( شغل اليد مكلف جدا اشتر القطع وركبها بنفسك ))

ركبت الأغراض والبطارية شبكتها من بكرة ( عشان تنشف القطع وعشان برمجة الحساس) وشغلت السيارة
النتيجة :
-المكينة صافية
-عزم السيارة اختلف وبقوة للافضل
-السيارة ماصارت تطفي عند التهدئة او الوقوف

بعد ممكن 3 شهور رجعت المشكلة بنسبة خفيييييفة جدددا (( السبب اني ماغيرت الدعسة نظفتها فقط ))
الان بعد قرابة 5 شهور ماسويت شي في الموتر لان المشكلة كما ذكرت بسيطة ونادر ما تتفتف

ارجوا اني افدتك
بالتوفيق

[زياد فارس]

اخواني الاعزاء ما قصرتو جميع
بخصوص الحساس تبع الهواء غيرته الان بواحد جديد اصلي قيمته ٣٠٠ ريال
ولازالت المشكله موجوده

ولكن ذكر لي الاخ ابو الوليد نقاط ان شاء الله بسويها باذن الله
ولكن قصدك بالدعسه (حساس الدعسه)!!
وشاكر ومقدررر

[أبو الوليد 14]

اخواني الاعزاء ما قصرتو جميع
بخصوص الحساس تبع الهواء غيرته الان بواحد جديد اصلي قيمته ٣٠٠ ريال
ولازالت المشكله موجوده

ولكن ذكر لي الاخ ابو الوليد نقاط ان شاء الله بسويها باذن الله
ولكن قصدك بالدعسه (حساس الدعسه)!!
وشاكر ومقدررر

المقصود الدعسة كاملة والبعض يسميه الثروتل

[salih100]

نضف الثروتل

شيك على مبرد القير لانه اذا احتر من الامان للسياره انها تطفى على شان القير ما يخرب

[زياد فارس]

ما ادري الماكسيما هذي الموديلات فيها مبرد قير وين بيكون مكانه ولا هو نفسة مبرد القير مع مبرد الدركسون؟؟
موقعه وين ؟؟

ما ادري رحت لواحد مختص ماكسيما يقول احتمال من دبات التلوث او شييك على المواصير والدبه ممكن تكون مسدودة واخر حل احتمال يكون كمبيوتر سيارة ولكن ما ادري عن صحة هالكلام وموضوع كمبيوتر بصراحة مكلف وخوفني ...

باقي بشييك ايضا على موضوع الكويل لكن ضنكم يكون منه؟؟؟

[وجعين]

الله يعينك كان معي سابقا مكسيما ومعروفه بالعوكسه ومامثله بالبراد والشتاء لكن بصيف تحتر ولو دعست له بعز الحر تخبط وصارت معي المهم انصحك بفصل حساس المرواح اذا فصلته المراوح تشتغل على طول وتبرد المكينه ونصيحه ثانيه دنيمو الكهرب ياكثر خرابه وخاصه بشتاء اذا جاه ماء بسيط خاصه اذا الصاجه الي تحت مقطوعه نرجع لموضوعك المشكله عندك بالقير مع الحراره يتعب ومايعطي عزم غيره بعادي وترتاح

[زياد فارس]

الله يعينك كان معي سابقا مكسيما ومعروفه بالعوكسه ومامثله بالبراد والشتاء لكن بصيف تحتر ولو دعست له بعز الحر تخبط وصارت معي المهم انصحك بفصل حساس المرواح اذا فصلته المراوح تشتغل على طول وتبرد المكينه ونصيحه ثانيه دنيمو الكهرب ياكثر خرابه وخاصه بشتاء اذا جاه ماء بسيط خاصه اذا الصاجه الي تحت مقطوعه نرجع لموضوعك المشكله عندك بالقير مع الحراره يتعب ومايعطي عزم غيره بعادي وترتاح


جربت فصلته وجربته هو شابك في كل الاحوال ما نفع
موضوع الدينمو بتاكد منه ولا اعتقد منه ..
الله يعين وشاكر لك

[زياد فارس]

اخواني تم التشييك على الدينمو والكويلات وتم تفريغ دبة التلوث
والى الان المشكلة مستمررره :(

ما ادري وش اسوي وش اخلي :rolleyes:
دخلت في خساير ووقتي ضاع بالصناعية..

[اابو مياس]

السلام عليكم اخوي الله يعينك وان شاء الله توصل لحل المشكله اخوي قبل كل شي غير نوع البنزين الي تستخدم واذا ماظبطت معك والسياره فيها التقطيع والتفتفه تنزل تحتها وتطق التانكي حق البنزين طقه قويه شوي مع النص والاطراف اذا راحت التقطيعه وصفت معناته ان اسلاك طرمبه البنزين الي تجي للطرمبه من اسفل السياره مهتريه ومع الحراره ماتوصل كويس لان بعض الكهربايين يظطرون يقصونهن لان فيش الطرمبه يختلف عن الطرمبه السابقه ويوصلهن ويلفهن بزراديه وشد مش حالك الافضل عند توصيل سلكين ببعض استخدام كاويه للحام الاسلاك ببعضها واللحام يكون قوي ومتماسك

[زياد فارس]

والى الان المشكلة مستمرة
فرغت ايضا دبات التلوث قلت احتمال منها ولا في فائدة

انا احساسي يقول موضوع حساسات ما ادري ليه ؟؟
والمشكلة صرفت عليها كثير ولا ودي اطلع خسران اكثر من كذا