مشكلة كهرباء مالقيت لها حل

[زياد علي]

السلام عليكم ورحمة الله وبركاته

المشكلة كهرباء جمس سوبربان 2001
عندي مشكلة ضعف في الكهرباء عند خفض ورفع الزجاج ايضا مع ضرب البوري وعند تشغيل المكيف غيرت بطارية جديد مافي فايدة
شيكت على سلك ماس البطارية مافي فايده
وديتها لاكثر من كهرباءي الكل يجيب لي من راسه اللي يقول غير كتاوت او عندك البوبينة او عندك الرمانات والبعض قال غير دينمو كامل والبعض قال برمجة كمبيوتر.......
مع انهم جميعهم فحصوا شحن الدينمو وقالوا يشحن سليم

مالحل

[زياد علي]

وشبلاكم محد رد علي
المهم بعد تقليب في الموتر
وبعد فك الطبلون تبين لي ان فيش النور نفسه يسخن وعندما فكيته لقيته غبار نظفته وبعد اعادة تركيبه لاحظت ان نور الطبلون صار اقوى من قبل وخف ضعف نور مع خفض ورفع الزجاج لكن مازال فيه شوية ضعف


هل معقول الفيش نفسه هو سبب الضعف؟!

[متقاعد مبكر]

تاكد من سير الدينمو ودبل سلك الماس او غير مكانه

[المهاجر انا]

نعم اذا فيش الكهرباء فيه تراب ومتأكسد يضعف الكهرباء لأنه يعتبر مقاومه نظف الافياش والأرضي في البودي فكه وصنفر السلك ومكان ربط في البودي حاول تزيل جميع الأكسدة من الاسلاك والبودي والبطارية الله يسر امرك

[زياد علي]

تاكد من سير الدينمو ودبل سلك الماس او غير مكانه

مشكور فعلا دبلت السلك وصاىت الكهرباء اقوى لكن لازال فيه ضعف بسيط

[زياد علي]

نعم اذا فيش الكهرباء فيه تراب ومتأكسد يضعف الكهرباء لأنه يعتبر مقاومه نظف الافياش والأرضي في البودي فكه وصنفر السلك ومكان ربط في البودي حاول تزيل جميع الأكسدة من الاسلاك والبودي والبطارية الله يسر امرك

الا لاقي فيه عش عناكب اول مانظفته صار نور الطبلون ونور السيارة اقوى
وماقصرت برجع انظف اسنان الفيش لعل وعسى
مع اني ولله الحمد بغيت اتخسر بدينمو ب 800 ريال على كلام اهل الورش