الطير راح بسبة الشنذره

[عبدالله الصالح]

السلام عليكم ورحمة الله وبركاته



كل عام وانتم بخير



احب انبه الشباب الى الشنذره



انتبهو ياشباب ترى الشنذره خطيره على الطير وكم من واحد راح طيره قدام اعيونه



لأنه حاره



انا ياشباب احذركم من باب اني شنذرة الطيره الي عندي



شيهانه جبليه وماتت قدام اعيوني يعلم الله انه طايحه من وكره على ظهره



وعلى انه هالسنه قرناس



بس الله يعوضنا









اخوكم القصمنجي ،،،

[ابرق العزاف]

صادق اخوي قصمنجى ويمكن انت كذلك كثرة
كمية الشنذره ( لان حتى الطريقه اللى تعطيها له
متعبه للطير (وهي الشبه تستخدم مع اللحام)
وكم قضت على طير 000000000 معوض خير

[عبدالله الصالح]

هلا اخوي ابرق العزاف


سبق وان شنذرنا الطيره بالسنوات الي فاتت

لكن هالمره قالت هذا يومي

وللمعلوميه

الطير الي يشنذر

يفضل ان بعد الشنذره تريح الطير

ولا تدعيه

وتعلفه اكثر من قبل





اخوك القصمنجي ،،،

[طارق الحربي]

الله يعوضك اخوي القصمنجي

بس يمكن انك كثرت الجرعه شوي

تحياتي

[فتى الوادي]

إيش الشنذرة !!!!!!

[مشعل الخير]

الشناذر الي استخدمده للدلال ولها وزنا خاصه
والشناذر الطبي افضل

والليعوضك اخير منها

[((الخالدي))]

شكلك انت ما علفتة لازم تعلف الطير قبل ماتشنذرة بيوم واليوم الثاني شنذرة

[501]

السلام عليكم ورحمة الله وبركاته صحيح اخوي ان الشناذره تذبح الطير مثل ماء البطاريه الي في السياره تحرق جوف الطير كان عندي شيهانه بحريه مطروحه اخر الشتاء ولاتاكل تقريبا ثلاثه ايام الا اني انا اقوم بالغصب على اتعليف وصار ذاك اليوم الجو حار مع دخول الصيف وقت الكرواين وشنذرتها و من حلاة الروح قامت تبترم وماتت 501

[القـــناص]

الله يعوضك...

[عاشق البسيتين]

الله يعوض ياخوي انشالله

[عبدالله الصالح]

اشكر كل من علق على الموضوع





اخوكم القصمنجي ،،،،

[هلال المطيري]

الله يعوضك بأحسن منه..........

[فهد الميموني]

اخواني الاعزاء ارى ان الشنذره ماله داعي إذاكان خاطر الطير زين وإذا كان العكس فأرى ان الحبه الحمراء للطيور الكبيره والحبه البيضاء للطيور الصغيره مثل الوكارى والشياهين الصغيره وهي موجوده عند الصقر والصقار وبعض المحلات الاخرى وليس فيها خطر بأذن الله

[الوافي عزام]

السلام عليكم ورحمة الله وبركاته

بالنسبه للشنذره وانتم ابخص
تعتمد على حالة الطير يعني لآتشنذر الطير وهو هزيل فهذي اكبر مشكله
قبل لآتشنذر الطير بيوم على الأقل خل كمية العلف اكثر من العاده بقليل
اذا كانت شنذره طبيعيه فلها وزنه على حجم الطير وصنعته
لآتشنذر الطير الا وانت متأكد من انه مايشكي من اي مرض
( وبالعكس الشنذره تطيح راس الطير بسرعه وتخلي راعيه يقلبه على كيفه ان كان بتطمير والا شلو والا حمام والا تعليم ..)

هذا اللي اعرفه على حد علمي والله اعلم

[عجمي]

الله يعوضك بأحسن منه

ومشكور على المعلومة

اخوك عجمي

[ياس البوادي]

السلام عليكم ورحمة الله وبركاته

اخوي الشيهانه ما قد سمعة انها تتشنذر الا اذا كان جرناس اما الفرخ ما يشنذر ووالطير على العموم ما يتشنذر الا في بعض حالات لكن الشناذره عوفه وانا ما افضلها لانها قويه وخصوصا على الشاهين

[الفالكونر]

السلام عليكم ,,,

باديء ذي بدء الله يعوضك ,,
بالنسبة للشناذره تختلف مكوناتها تماما عن الشب كما قال أحد الأخوان ,فأذا أستخدمت الشب أكيد له عواقب تصل للموت .

هناك بعض المسلمات فيما يتعلق بالشناذره :
1. ان لا يكون الطير بعده وحش ,يعني لازم يطيح ويعلف وينقز ويدعى ولو شيء بسيط .
2. الطير المريض أو الهزيل لا يشنذر .
3. لايكون الجو حار حيل بأول صفري ولا يكون بارد حيل بالمربعانيه .
4. يفضل قبل الشناذره بيوم يكون العلف فيه روباج وليس لحم صافي ,علشان تلتف الشبيكه مع الروباج .
5. حجم الشناذره معقول مقارنه بحجم الطير , وأطرافها ناعمه ولا تجرح معلف الطير .
بعد الشناذره والطير يكون قط المخزون ,يجب تريح الطير ويكون الماي عنده واذا ما شرب تبج بحلقه ماي , وبعد 2 الى 3 ساعات تعطيه علف بسيط حار وبدون عظم ,لأنه معدته ماتتحمل .
6. بعد يومين أو ثلاث أيام تبتديء معاه بالنقل والدعو بالشلو , وبعدين تمشي معاه بشكل طبيعي هدد علايم أو حمام أو غيره .

هذا اللي أعرفه وأن شاء الله ماكو الا العافية ,,

[الرائد الأول]

السلام عليكم ,,,
الله يعوض كل من مات له طير
بس فيه الأن دواء يودي عمل الشنذره بدون اية اضرار جانبيه
ويباع في الصيدلايات البيطريه بس اسمه ناسيه الأن لكن انشاء الله اجيب الأسم

[عبدالله الصالح]

هلال المطيري

جزاك الله خير

،

المرزم

البعض يفضل الشنذره لطيره اذا راى ان طيره نفسه شينه او نفسه بالاكل ضعيفه

،

الوافي عزام

كلامك في محله

،

عجمي

حياك الله اخوي

،

ياس البوادي

هلا اخوي اما عن قولك انه ماتشنذر انا على حد علمي ان الطير الحر والشاهين والوكري يشنذرن بعد الربطه وعلى كلامك فعلاً تراه قويه

،

الفالكونر

كلامك من اوله لأخره صحيح

،

الرائد الأول

حياك ربي اخوي











اخوك القصمنجي ،،،،

[صقار قديم]

السلام عليكم ،،

الاخوة شرحوا بالتفصيل ما عليهم زود ، و أنا أضيف انة اذا شرب لطير الماء على الشنذرة ذابت و زادت من احتمال موت الطير

تحياتي