تكفون يالربع والله ان تكسبون دعوه ماليبو 2013 مادري وش جاه

[ابو صالح 871]

اخواني السلام عليكم ومبروك عليكم هالشهر الفضيل
عندي ماليبو 2013 ماشيه 60000 4 سلندر من شهرين لاحضت فيها نور الطبلون يأشر ويطفي ثواني وبعدين يشتغل كأنه فصلت كهرب
حتى الرادو او المسجل يطفي ويشتغل مع الطبلون وكذلك النور الامامي يأشر ويرهش
وديته الجميح مرتين ومااستفدت شي ياليت اللي يقدر يعطينا حل او يدلنا على حل وترا ان شاءالله له دعوة طيبه هو ووالديه بهالليالي المباركه وجزاكم الله خير

[يالبى الهلا]

حلها للوكالة افحصها وتاكد م̷ـــِْن اصابع البطارية هل هي مشدودة او مرتخية لان اصابع البطارية أإأذأإأ مرتخية تلعب بالكهرباء الموتر لابد تكون اصلية ونشدودة للاخر

[وطن العزة]

هذي أعراض البطارية على وشك تنتهي

لكن قبل أي شي تأكد من أصابع البطارية يمكن مرتخية

[1824]

البطارية الله اعلم بالتوفيق لك

[ابو صالح 871]

الله يجزاكم خير البطاريه له 8شهور وبالكشف عند الوكاله ومحلات خارج الوكاله ممتازه واصابع البطاريه مشدوده ومشيك عليها عدة مرات

[ابو صالح 871]

تكفون تكفون عطونا حل يالله انك توفقهم بهالساعة المباركه يارب

[ابوراكان تبوك]

حركات بطارية وترا لها برمجه اول ماتركبها

اول ماتركب البطارية

تفتح السويتش بدون دق سلف
تفتح الشنطه وتغلقها
تنزل زجاج السائق وترفعه
وتدق سلف

انا محدثك غيرتها قبل يومين وبرمجتها كذا والحمد لله الامور تمام

لكن انت ماهو نوع البطارية اللي ركبتها ؟؟؟
وللعلم بطارية الماليبو اسي ديلكو
اول سنه تتحملها الوكاله
ثاني سنه نصف عليك ونصف عليهم

اذا خلصت سنتين تخرج من الضمان ( كلامي عن البطارية شد بلد ) وشكلك غيرت الاوله ع حسابك وموترك ماكمل سنتين اذا وكيل موترك الجميح فهذا نظامهم للبطاريات شد البلد بعد ما استفسرت منهم
لكن اذا اشتريت انت من عندهم بطارية ضمانها سنه بشرط وجود الكرت والفاتوره

انصحك
1- فك غطاء البطارية وشد ع المسامير والاصابع ونضفها زين لانه اصبع الكهرب يجي وصلتين ومتفرع منه 3 اسلاك 2 صاموله 10 وصامولتين 13 في ظهر البطارية ع شكل جسر
2- تأكد من انه فيش الكمبيوتر مشبوك زين لانه ملاصق بالبطارية احتمال حركوه مع فك البطارية لاني فكيته وركبته حتى ما اكسر الغطى
3- افصل اصابع البطارية نص ساعه واشبكهم وبرمجها بالطريقه اللي ذكرت لك

اذا مانفعت هذه الحلول بدل بأي بطارية مؤقتا اذا عندك سياره اخرى وجرب
مع اني اشك ان البطارية اللي انت ركبتها مضروبه لكن لابد اولا التأكد من ذلك واذا ظهرت المشكله من البطارية توجه فورا للوكاله وغيرها ع الضمان اذا الكرت حقها معك بدون لاتدفع ولا ريال لانه لها 8 شهور فقط

[الحربي 591]

في العاده من البطاريه او الدينمو ..و احتمال سير المكينه ماهو مشدود

ركز على الدينمو اكثر

[ابو صالح 871]

شكرا لكل من رد عل الموضوع والله يوفقكم جميعا وراح اوافيكم بالنتايج الطيبه ان شاءالله ربي يحفضكم

[ابو صالح 871]

الحمدلله والشكر لله. ابشركم الامور بالسياره زينه الحمدلله وطلع السبب البطاريه واشكر كل الاخوان اللي ردو وشاركو في موضوعي. واخص بالشكر الاخ ابو راكان تبوك اللي ماقصر معي شرواكم حتى تواصله معي بالواتس اب. واسهم معي في حل مشكلة السياره فلكم مني الشكر والتقدير والله يوفقكم جميعا

[ابوراكان تبوك]

الحمد لله ع انتهاء المشكله اخي ابو صالح واشكرك لتعقيبك هنا لكي نستفيد جميعا