مشكلة صععبة بالفتك عونكم

[الطالبي007]

السلام عليكم ورحمة الله ..الله يتقبل صيامكم وقيامكم ويقويكم على طاعته اخواني اما بعد

صابتني مشكلة بالفتك 2005 قير تماتيك ما خبرتها قبل ولا قريت عنها وهي تتلخص بالآتي:
اول ما اشغل السيارة الصباح وامشي بها تكون الامور طبيعية تماما
فقط من تحر السيارة او اوقفها خمس دقيق بعدها تصير تبديلات القير سريعة يعني حتى لو ادعس دعسة كاملة قير ثلاثة يبدل يوم يوصل الابنص او rpm للاربعة..وقير اربعة نفس الشي يبدل بسرعة واحس العزم يقل بالممشى
ثانيا ..لو امشي 180 وارجع القير ل اربعه ما ياخذه مع ان قبل كان قير اربعه ممكن يشبك لحد سرعة 210 اما الآن يبدل اربعه على 180 وانا داعس دعسة كاملة

مع العلم اني بدلت كتاوت القير والدعسة وبدلت الثروتر او الدعسة وبدلت الفيول بمب وبدلت كمبيوتر القيروبدلت فلتر الهوا وبدلت الشمعات وبدلت كمبيوتر المكينة والبخاخات سليمة بعد االفحص والموتر عليه هدرز كامل وفلتر ريس

واحد من القراجات قالي سبب المشكلة ان القير يحر وتصير هالحركة..مع ان الآيل مبدلنه من اسبوع وفحصته ومش ناقص ابد ومع العلم مركب راديتر للقير خارجي وشابك مع راديتر الماء
الصراحة تعبت وما لقيت حل ابدن والأمل بالله ومن بعده بكم اخواني والي عنده افادة يفيدني واكون شاكر له جداً

[ابوسند9]

وعليكم السلام
جرب اخوي شوف كراج يسوي برمجة للقير
وبرضو جرب افصل اصابع البطاريه وردهم من شان يبرمج القير
الشي الاخير يوم بدلت الايل ,هل تم تنظيف فلتر الزيت؟

[الطالبي007]

فصلت البطارية وبدون جدوى واما برمجة القير مادري اذا بتنفع لأني اصلا بدلت كمبيوتر القير ولا اختلف شي ابدن

[يالبى الهلا]

حرارة الموتر كيف عالية او منخفضة اذا كانت حرارة مرتفعة يتاثر القير بالحرارة لابد م̷ـــِْن فحص دائرة التبريد اولا
وكلتش المروحة العادية والكهربائية وتسييخ الاديتر ممكن بعض الشرائح متسددة داخل الاديتررررر

[ابوسند9]

فصلت البطارية وبدون جدوى واما برمجة القير مادري اذا بتنفع لأني اصلا بدلت كمبيوتر القير ولا اختلف شي ابدن
جرب سو برمجه
والحرارة احينا تؤثر على تبديلات القير ,لكن ما تضر
وانت لو تجرب والسيارة بارده على طول شغل وحرك السيارة ,واذا تبديلات القير سليمة ,فا المشكله من الحرارة

[يالبى الهلا]

لابد م̷ـــِْن تسخين المحرك او فترة الاحماء لزوم اخذ دورة الزيت بالكامل سواء المكينة او القير اما شغل وعشق تضر القير والمكينة ماهو علي شرط الضررر يحدث الان بل في المستقبل
انا دائما كتابي تكون مختصرة وجمل غير مفيدة مثل روشتة الطبيب لايفهما الا الصيدلي فالمعذرة م̷ـــِْن الاخوان
اهم شيء دائما احرص علي القيادة الهادية فاهمين نحن غلط كلما دعست للموتر خاصة أإأذأإأ كان ساخن او مولع حرارة انة يبرد بل العكس يصير ترتفع دراجتة عالية رغم السرعة واصدام الهواء باللاديتر فاذا ارتفعت الحرارة خلك هادي ولاتسرع لان القيادة الهادئية تخفض حرارة الماكينة والقير وهذا من واقع تجررربة

[الطالبي007]

لابد م̷ـــِْن تسخين المحرك او فترة الاحماء لزوم اخذ دورة الزيت بالكامل سواء المكينة او القير اما شغل وعشق تضر القير والمكينة ماهو علي شرط الضررر يحدث الان بل في المستقبل
انا دائما كتابي تكون مختصرة وجمل غير مفيدة مثل روشتة الطبيب لايفهما الا الصيدلي فالمعذرة م̷ـــِْن الاخوان
اهم شيء دائما احرص علي القيادة الهادية فاهمين نحن غلط كلما دعست للموتر خاصة أإأذأإأ كان ساخن او مولع حرارة انة يبرد بل العكس يصير ترتفع دراجتة عالية رغم السرعة واصدام الهواء باللاديتر فاذا ارتفعت الحرارة خلك هادي ولاتسرع لان القيادة الهادئية تخفض حرارة الماكينة والقير وهذا من واقع تجررربة

على عيني وراسي اخوي واشكرك عالمشاركة الطيب..بس فهمتني غلط ما كنت اقصد اني ادعس على طول..اخلي السيارة خمس دقايق تسخن وحتى لو خليتها اقل امشي لمدة عشر دقايق بهدوء واجربها عقب فترة..بس قصدي ان الموتر من يحتر شوي حتى لو ضمن الحرارة الطبيعية تصير هالمشكلة ..يعني لو امشي فالخط مثلا مية كيلو وتكون حرارة الموتر طبييعية بس هالممشكلة تحدث ...مع انها قبل ما كانت تواجهني..يعني امشي 180 والموتر ما يقبل قير 4 ليش؟؟ والله شي حيرني ولا لقيت الحل حتى عند اكبر القراجات ..ومن ناحية الحرارة فأنا مركب بلف ريس يعني مجرد ما امشي تنزل الحرارة من مستواها الطبيعي الي هو الربع وتصير فوق الخط الاول بشعرة يعني حرارة جدا ممتازة بالنسبة للفتكات الحمدلله..لكن المشكلة تستمر

[الحربي 591]

وش وضع الزيت وغيرته ولالا ؟اذا لا غيره مع الصفايه الصفايه اهم شي

[MSAN]

افحص حساس الـ TPS


بالتوفيق

[الطالبي007]

افحص حساس الـ TPS


بالتوفيق

مشكور اخوي..بس اعتقد بالفتك ان حساس tps يكون ضمن الثروتر لأن الثروتر الكتروني..لأني سألت عنه وما حصلته ف قالو انه ضمن الثروتر

[الطالبي007]

اليوم بدلت خريطة القير وما صار اي فرق:(

[MSAN]

مشكور اخوي..بس اعتقد بالفتك ان حساس tps يكون ضمن الثروتر لأن الثروتر الكتروني..لأني سألت عنه وما حصلته ف قالو انه ضمن الثروتر


طيب ياغالي افحص قراءة الحساس بالكمبيوتر.. يعني اذا دعست بنزين هل تتغير إشارة الحساس والا لا؟

نفس المشكلة كانت موجودة في سيارة شروكي.. خسر عليها مبالغ كبيرة ولا أنحلت.. وفي الأخير طلع سلك حساس التي بي إس السالب مايوصل كهرب.. ركبنا له سلك خارجي وضبطت سيارته



مشكلتك (ولو ان خبرتي بسيطة في النيسان) هي في حساس التي بي إس أو ظفيرته


افحص كمبيوتر.. قراءة الحساس لازم تتغير مع دعسة البنزين (مع فتحة الثروتل) وهو الحساس المسؤول عن تبديلات القير الفجائية



بالتوفيق

[يالبى الهلا]

علي طارئ الحساسات هل تعرف شغالة اوعطلانة
فية قطعة الكترونية اسمها OBD2 رخيصة جدااا
تركب في فيش الكمبيوتر السيارات تقرا جميع القراءت تشبكها بالجوال الجالكسي او جوال نظلم اندرويد اذا كان الحساس خربان لايعطي قراا الشرح طويل اعتذر لاشغالي ان شاء الله تعالى ابفيدك بالقطعة اكثر اذا فاضي او ابحث عن فائدة القطعة م̷ـــِْن النت

[ابوسند9]

يا غالي طيب بقى حاجه واحد تفحصها ,,اللي هي منظم القير ,,
وموقعه اعتقد ,يمين مروحة المكيف ,اي يمين الراكب الايمن ,تفك الديكور الجانبي وتحصله با البدي ,ولا تشتري جديد ,روح صوب اي سكراب وخوذ المنظم او يركبه لك وقوله على الفحص
واذا انت من اهل الامارات ماشاء الله القيور عندكم بسكاريب الشارقه رخيصه وخاصه القيور اليابانيه وسعره بحدود 3000 درهم ,

[رفيع المقام]

تأكد من كمية الزيت اللي بالقير ..
لاتكون زائده او ناقصه..