سحاب نجد راعي شقراء
30/06/2015, 10:33 PM
السلام عليكم ورحمه الله وبركاته
خرب جهازي وصلحته ولاعاد يدخل المنتدى يعيي الين من شوي صلحته بنتي الله يصلح لنا ولكم العطا
هذي السالفه على شرف الحبيب الغالي جعل ربي يسعد قلبه دنيا ودين - راعي العجرا ودنانته هههههه
تصدقون ندري ايام بيوت الطين ان فيه احد داخل للبيت من صوت صاير الباب يجي له صوت موسيقي مميز وكل باب وخص الكبار يجي لهن اصوات الا فتحناهن وكل باب يختلف صوته عن الثاني سبحان الله
ولا جينا نبي نفتح باب الخشب الكبير لازم نرقا على الحصات الي تحته وندخل يدنا مع كوه الباب ونقعد نلغلغ في المجرا الين ينفتح هذا انكان ماانكسر سن من سنون مفتاح الباب ونت تلغلغ فيه ثمن يحسربك مايطيع يفتح لو تنفض المجرا نفض وهذا قفل الباب منول من خشب والمفتاح من خشب وسنونه مثل عودان الكبريت وطولهن وكل باب له مفتاحه -خلوني تكفون ارد على نفسي شوي قل والله كل باب له مفتاحه يمامن الذكاء وزين الحكي بعد الي ودك مايطلع
ومنول اكثر الشياب والناس ماياخذون المفتاح معهم يخافون يضيع وهو بعد وش كبره يقومون طال عمركم ويدفنونه في الساس ونتم خابرين منول ماعندنا زفلت والسكيك كلها تربات وحدن يدفن مفتاحه عند صاير الباب وكلن له موزاه منول ولاهمب يخافون منول من السروقي لان مافيه احد يسرق عيب وشق جيب بس يجي بعض القشران وياخذون المفتاح اما ينطلونه من تحت صايرالباب ولا يوزونه في مكان ثاني ويخلون راعي البيت يعزق السكه بيديه وهو يدور مفتاحه وتوحيه وهو يقول لا بارك الله فيك من مفتاح
ولا يقول وشلون انا بعد انسا مكانه الي موزيه فيه
ولا تسمعه يقول والله اني خايف من حصان بليس ولد فلان انه هو الي ماخذه هذاك اقشر ولا ينسلم منه
خل اعلمكم بسالفه
فيه عود من العويد رفيق لي جعله للجنه البارده وذكره مااعرس يعني تزوج الا وهو كبير مدري وشلون لقا وحده تقبل فيه بس الدنيا قسمه ونصيب تراي امزح ههههههههه
وذكر ذا السالفه ونحن في شهر رمضان وهو يوم يتزوج في شهر شعبان الله العالم المهم انا اعرف وين يدفن مفتاحه فيه وهو عاد موسوس وفيه حرص مهوب في احد ابد المهم اني مريت وخذت مفتاحه في صلات العشا والتراويح وقلت له بعد الصلات قوه معي تقهو عندي قال معاد الا هي توي متعوذ من شياطين الانس والجن في صلاتي وتبيني اروح معك وترك ام عيالي قلت اجل بصرك ويروح لبيته ويحرث السكه بيديه وظلما مافيه نور بعد ومادريت بعد يجي ساعه الا والي جاي يمي وينادي ياسحاب ياسحاب وينك تعال ابيك وكان عندك سراج جبه ندورالمفتاح ظيعت مفتاح الباب مدري ويني دافنه فيه
وروح انا وياه وندور مفتاحه وهو في مخباتي بس ولو خلوه وشوله يقولي توي متعوذ من شياطين الانس والجن في صلاتي وهو يعانيني خل اعلمه وشم الشياطين
ونجلس ندور الين طارت عجه السكه والمجرا انفضه انا نفض وقوله ماطاع ولا حول انه ينفتح ونا الله لا يعاقبني اكذب لو ابيه فتحته بليا مفتاح عندي علاجه بس ولو خله ينحرم ذيك الليله من الي هو يبي
قلت له مافيه الا نكسر المجرا قال ولا تكسره ولا تجيه نبي نلقا له حل ان شاء الله ونجلس طول الليل تقول سكن فيذا السكه وكثر الوقت جالسين ونسولف بعد ماقصرنا من التدوير ويوم معاد بقا على اذان الفجر شي يسوا قمت وبعدت عنه شوي وقلت اجل خذ مفتاحك وتعودها تعاند شياطين الانس والجن
وينطلق علي يالي فيك مايخطيك هذي سوايا تسويها قلت ايه اسويها ودق رقبه بعد هههههه خلك انحرمتا من ام عيالك اصبر الين تفطر ان الله احيانا الله يرحمه توفا ياملا الفردوس وبس
وكانت بيوت شقراء كلهن مفتوحات على بعضهن مع الصطوح تكتيكات امنيه
ولا يتجرا احد يطب على جاره وهم شي عند الناس منول جيرانهم مايزعلونهم ابد ابد
وتلقاهم مع جيرانهم مثل البيت الواحد والعائله الوحده وين هذا فيذا الوقت يجي جار ويروح جار ولا ندري عنهم الله يدفع البلا ولا ندري وشو اسمهم
ودكم ان البيوت هلحين مفتوحه على بعضها مثل منول كان ماتسمع الا الرشاشات والمسدسات جاك منا حده منا الدنيا اختلفت والناس وطبايعها اختلفو
منول في ليالي رمضان ماتسمع الا القرءان والناس يصلون التراويح ولا القيام
والعيال يلعبون شرعد وبعض المرات مايردهم الا المساجد يطامرون فيها وهم يتلاحقون الله يدفع البلا بس جذا عين ماعليهم شرهه
الا ليت الزمن يرجع رغم الفقر ورغم كلش بس فيه لذه في الحياه وفيه لذه في الجمعات الا صار عندكم احد جايكم وفيه شي معاد له ذكر هلحين وهو الصباحيه وشي الصباحيه هذي طال عمركم يجي ناس عند ناس من الصبح الين يذن العشاء او تجي حزه النوم وبعض المرات يحلفون عليهم اهل البيت وينامون عندهم ثمن يصير فيه سعه صدر للكبير قبل الصغير هذي الصباحيه الي مابقا الا اسمها وحتا اسمها منسي بعد
وهلحين كلن مسكر على بيته ولا يبون احد يجيهم ليا بزارينهم يوصخون اثاث البيت ولو تقول لحد تراي ابا اسير عليك انا والعيال كنك صاطره كف الله يدفع البلا وتقولون وشذا القطاعيه بين الناس مافيه احد يبي احد يجي يمه ويزوره وخص للي عندهم بزران الله يدفع البلا بس تبون الصدق والله يافيه بزور يوصخون الي ماينتوصخ يقولي واحد من ربعي سير علي واحد من القرايب ومعه بزرين اقشر من القشر
يقول اجل خبرتا احد يتمرجح في الستاره الين شقوها نصفين هههههههه
عاد ماودي اكثر الكلام عليكم وخير الكلام ماقل ودل وش باقي بعد
وكملت ودملت وركبت حميرها وشنقلت
والله يجمعنا في جنات النعيم ووالدينا وذرياتنا وجميع المسلمين امين
خرب جهازي وصلحته ولاعاد يدخل المنتدى يعيي الين من شوي صلحته بنتي الله يصلح لنا ولكم العطا
هذي السالفه على شرف الحبيب الغالي جعل ربي يسعد قلبه دنيا ودين - راعي العجرا ودنانته هههههه
تصدقون ندري ايام بيوت الطين ان فيه احد داخل للبيت من صوت صاير الباب يجي له صوت موسيقي مميز وكل باب وخص الكبار يجي لهن اصوات الا فتحناهن وكل باب يختلف صوته عن الثاني سبحان الله
ولا جينا نبي نفتح باب الخشب الكبير لازم نرقا على الحصات الي تحته وندخل يدنا مع كوه الباب ونقعد نلغلغ في المجرا الين ينفتح هذا انكان ماانكسر سن من سنون مفتاح الباب ونت تلغلغ فيه ثمن يحسربك مايطيع يفتح لو تنفض المجرا نفض وهذا قفل الباب منول من خشب والمفتاح من خشب وسنونه مثل عودان الكبريت وطولهن وكل باب له مفتاحه -خلوني تكفون ارد على نفسي شوي قل والله كل باب له مفتاحه يمامن الذكاء وزين الحكي بعد الي ودك مايطلع
ومنول اكثر الشياب والناس ماياخذون المفتاح معهم يخافون يضيع وهو بعد وش كبره يقومون طال عمركم ويدفنونه في الساس ونتم خابرين منول ماعندنا زفلت والسكيك كلها تربات وحدن يدفن مفتاحه عند صاير الباب وكلن له موزاه منول ولاهمب يخافون منول من السروقي لان مافيه احد يسرق عيب وشق جيب بس يجي بعض القشران وياخذون المفتاح اما ينطلونه من تحت صايرالباب ولا يوزونه في مكان ثاني ويخلون راعي البيت يعزق السكه بيديه وهو يدور مفتاحه وتوحيه وهو يقول لا بارك الله فيك من مفتاح
ولا يقول وشلون انا بعد انسا مكانه الي موزيه فيه
ولا تسمعه يقول والله اني خايف من حصان بليس ولد فلان انه هو الي ماخذه هذاك اقشر ولا ينسلم منه
خل اعلمكم بسالفه
فيه عود من العويد رفيق لي جعله للجنه البارده وذكره مااعرس يعني تزوج الا وهو كبير مدري وشلون لقا وحده تقبل فيه بس الدنيا قسمه ونصيب تراي امزح ههههههههه
وذكر ذا السالفه ونحن في شهر رمضان وهو يوم يتزوج في شهر شعبان الله العالم المهم انا اعرف وين يدفن مفتاحه فيه وهو عاد موسوس وفيه حرص مهوب في احد ابد المهم اني مريت وخذت مفتاحه في صلات العشا والتراويح وقلت له بعد الصلات قوه معي تقهو عندي قال معاد الا هي توي متعوذ من شياطين الانس والجن في صلاتي وتبيني اروح معك وترك ام عيالي قلت اجل بصرك ويروح لبيته ويحرث السكه بيديه وظلما مافيه نور بعد ومادريت بعد يجي ساعه الا والي جاي يمي وينادي ياسحاب ياسحاب وينك تعال ابيك وكان عندك سراج جبه ندورالمفتاح ظيعت مفتاح الباب مدري ويني دافنه فيه
وروح انا وياه وندور مفتاحه وهو في مخباتي بس ولو خلوه وشوله يقولي توي متعوذ من شياطين الانس والجن في صلاتي وهو يعانيني خل اعلمه وشم الشياطين
ونجلس ندور الين طارت عجه السكه والمجرا انفضه انا نفض وقوله ماطاع ولا حول انه ينفتح ونا الله لا يعاقبني اكذب لو ابيه فتحته بليا مفتاح عندي علاجه بس ولو خله ينحرم ذيك الليله من الي هو يبي
قلت له مافيه الا نكسر المجرا قال ولا تكسره ولا تجيه نبي نلقا له حل ان شاء الله ونجلس طول الليل تقول سكن فيذا السكه وكثر الوقت جالسين ونسولف بعد ماقصرنا من التدوير ويوم معاد بقا على اذان الفجر شي يسوا قمت وبعدت عنه شوي وقلت اجل خذ مفتاحك وتعودها تعاند شياطين الانس والجن
وينطلق علي يالي فيك مايخطيك هذي سوايا تسويها قلت ايه اسويها ودق رقبه بعد هههههه خلك انحرمتا من ام عيالك اصبر الين تفطر ان الله احيانا الله يرحمه توفا ياملا الفردوس وبس
وكانت بيوت شقراء كلهن مفتوحات على بعضهن مع الصطوح تكتيكات امنيه
ولا يتجرا احد يطب على جاره وهم شي عند الناس منول جيرانهم مايزعلونهم ابد ابد
وتلقاهم مع جيرانهم مثل البيت الواحد والعائله الوحده وين هذا فيذا الوقت يجي جار ويروح جار ولا ندري عنهم الله يدفع البلا ولا ندري وشو اسمهم
ودكم ان البيوت هلحين مفتوحه على بعضها مثل منول كان ماتسمع الا الرشاشات والمسدسات جاك منا حده منا الدنيا اختلفت والناس وطبايعها اختلفو
منول في ليالي رمضان ماتسمع الا القرءان والناس يصلون التراويح ولا القيام
والعيال يلعبون شرعد وبعض المرات مايردهم الا المساجد يطامرون فيها وهم يتلاحقون الله يدفع البلا بس جذا عين ماعليهم شرهه
الا ليت الزمن يرجع رغم الفقر ورغم كلش بس فيه لذه في الحياه وفيه لذه في الجمعات الا صار عندكم احد جايكم وفيه شي معاد له ذكر هلحين وهو الصباحيه وشي الصباحيه هذي طال عمركم يجي ناس عند ناس من الصبح الين يذن العشاء او تجي حزه النوم وبعض المرات يحلفون عليهم اهل البيت وينامون عندهم ثمن يصير فيه سعه صدر للكبير قبل الصغير هذي الصباحيه الي مابقا الا اسمها وحتا اسمها منسي بعد
وهلحين كلن مسكر على بيته ولا يبون احد يجيهم ليا بزارينهم يوصخون اثاث البيت ولو تقول لحد تراي ابا اسير عليك انا والعيال كنك صاطره كف الله يدفع البلا وتقولون وشذا القطاعيه بين الناس مافيه احد يبي احد يجي يمه ويزوره وخص للي عندهم بزران الله يدفع البلا بس تبون الصدق والله يافيه بزور يوصخون الي ماينتوصخ يقولي واحد من ربعي سير علي واحد من القرايب ومعه بزرين اقشر من القشر
يقول اجل خبرتا احد يتمرجح في الستاره الين شقوها نصفين هههههههه
عاد ماودي اكثر الكلام عليكم وخير الكلام ماقل ودل وش باقي بعد
وكملت ودملت وركبت حميرها وشنقلت
والله يجمعنا في جنات النعيم ووالدينا وذرياتنا وجميع المسلمين امين