مسمار ثلاجة الفتك طاح جوا

[zaid_VTC]

السلام عليكم ورحمة الله وبركاته

كتبت الموضوع هذا للفائده وللنصيحه بعد

السيارة فتك 2003 السيارة كانت ممتازه

الموضوع ومافيه قبل شهر ونص تقريبا كنت داخل محطة بنزين وسمعة صوت تكتكه في المكينه صوت قوي قلت الله يستر واوقف واطفي وارجع اشغل والصوت باقي قلت في نفسي شله سطحه ووده لورشة التركي بالصناعيه القديمه والله شلته ووديته ودخل السياره عندهم وماقصرو فكو الثلاجه يتأكدون ولقو ان المسمار طايح قالو لازم نفك الراس قلت توكلوا على الله فكوه والحمدلله ما انكسر البستم طلعو المسمار ورجعو الراس والحمدلله على كل حال

نصيحتي فكو المسمار ولا اول ماتسمع الصوت طف وشله سطحه عشان يتداركون الوضع

كلفني 1500 مع وجه وبلف وزيت وشغل يدهم

وفي الختام نصيحه مني من تسمع صوت طف وشله لورشه كويسه

[أبوFيصل]

الله يجزاك خير

[صاروخ الغطغط]

والله مشكله مسمار الثلاجه الى مايعرف بيمشي على موتره .غريبه المشكله هاذي مالقولها حل العيب المصنعي مشكله مسمار الثلاجه من المشاكل التي دايم تذكر

[مكشاتي اتي]

الفتك 2008 هل فيه مسمار الثلاجة

[zaid_VTC]

اتوقع فيه بس رح وخلهم يشيكون

[ابوراكان تبوك]

بارك الله فيك اخي بتنبيهك لاخوانك

[ابوراكان تبوك]

الفتك 2008 هل فيه مسمار الثلاجة

مر اقرب محل قطع او الوكاله وشوفه بكاتلوج الكمبيوتر

[هاوي؟؟]

جزاك ﷲ خير

والله قمت اهوجس يا فلان

مير الفتك 2014 فيه مسمار بعد

[zaid_VTC]

والله اني ما ادري عن الجديد يمكن يفيدك احد غيري عنده معلومه
وشكرا

[فياض الربيع]

مسامير الثلاجه مشكله كان عندي باثفاندر ٢٠٠٥
اول ماشريته ماشي ٩٠ الف واروح لورشه الثنيان
واشيل مسامير الثلاجه وكرفته كرف وبعته ومافيه اي مشكله

[عاشق مطر]

الفتك من 2002 الى2015 كله واحد وكلهن لزم تشيل المسمار

[اسهيل]

طيب ليه مافكيتو البوجي وجبتو مكنسه كهربائيه وشفطتو المسمار

[./عنيزاوي./]

اوافق على فكرة اخي سهيل
وهناك فكره اخرى وهي ادخال سوسته مثبت فبها مغناطيس في فتحة البوجي واخراج المسمار

[zaid_VTC]

افكار جميله لاكن للتأكد ان البستم كويس وما أنكسر

[عابر سبيل 2]

انا قلت اريح بالي وافك هالمسمارين ب 150 اهون علي من القلق كل يوم جاك الذيب جاك وليده
المهم اليوم بتا يخ 11/8/2015 رحت لورشة سمعت انهم جيدين
موتري نيسان شاص 2015 فتك
واخذ منهم الشغل تقريبا ساعة وفكيت المسمارين وارتحت خاصة عقب مالزيت الموتر 160 ماتغير شي لا في العزم ولا في الصفاوة .
بس تراني شلت المسامير واللهاة والغيتها.
السعر 150 ورشة المحرك الافضل لصيانة الباترول
بالصناعية القديمة بالرياض
ولا تنسون الفني باكستاني اسمه محمد اقبال لا تدورون غيره .
تحياتي

[الشواوي]

انا سمعت انهم يلحمونهم بدون شيلهم