برمجة اللاندكروزر

[رعد طويق]

السلام عليكم ورحمة الله وبركاته
صباح الخير
أنا عندي جيب لاندكروزر موديل 2012
كانت لمة الدبل تولع عندي
وقريت الحل من واحد من النت انك تفصل البطارية خمس دقايق وتشبكها وتروح المشكلة
ورحت اسوي مثل ما قال وياليت ما سويت
شغلت السيارة وعيت تشتغل واحيانا تشتغل وانبير الهوا اقل من واحد تقريبا تحت النص
واحيانا تطفي علطول
وسألت واحد قال افصل البطارية ساعة كاملة بعدين شغل الاسويتش عشر دقايق وشغلها يمكن تضبط معك
سويتها بس مااااش نفس الوضع
تكفون يا أهل الخبرة وش الحل
أو محل أدويها له أنا في الرياض
الله يبارك فيكم ويتقبل صيامكم وقيامكم
ولكم دعوة ان شاء الله

[متقاعد مبكر]

مجرد محاوله
افصل السالب فقط لمدة 5 دقايق ثم اشبك بعدها افتح السويتش فقط دبل فرامل 3 مرات وان مريت على الابنص ما يضر ثم نزل القزال وطلعه كل هذا والسويتش شغال فقط ثم طف السوتش وارجع افتحه شوي ثم شغل اكرر مجرد محاوله

[رعد طويق]

مجرد محاوله
افصل السالب فقط لمدة 5 دقايق ثم اشبك بعدها افتح السويتش فقط دبل فرامل 3 مرات وان مريت على الابنص ما يضر ثم نزل القزال وطلعه كل هذا والسويتش شغال فقط ثم طف السوتش وارجع افتحه شوي ثم شغل اكرر مجرد محاوله بيض الله وجهك
السيارة ابشرك زانت
سألت لي واحد ووصف لي سوداني في صناعية النسيم
واوديها على سطحه ويوم جيت ماحصلته
لقيت في ورشه جنبه سوري وقلت له بكم تصلحها قال ل 500
قلت اجل بنتظر الزول
ولا سبحان الله جاني ذاك السوري الله يجزاه خير
قال مالك ومال الخساير شغلتك بسيطه
ادعس على الابنص والسيارة شغالة مدة خمس دقايق والسيارة تتبرمج من حالها
وركب هو السيارة وسوا الطريقة والحمد لله رجعت كما كانت
الله يكتب له الاجر
ورجعت عليها للبيت