ارتفاع حرارة شاص النيسان

[أبو فراس]

السلام عليكم ورحمة الله وبركاته
عندي شاص النيسان ترتفع درجة حراراته قليل لا يذكر ولكن ما تدري الا فجأة وصل النصف ولا اعلم ا لسبب
هل هو من البلف
او من تماتيك المروحة
وما هو احسن بلف له

[اسبيدر مان]

وعليكم السلام ورحمة الله وبركاته

ليتك ذكرت المودبل
وهل ترتفع مع المكيف او بدون
هل ترتفع والسياره واقفه او تمشي
هل الرديتر نضيف وغطاء الرديتر جيد
ايضا هل خراطيش الماء متينه وسميكه بحيث ماتنصفط اذا سحبت الطرمبه الماء من الرديتر للمكينه

ما اتوقع البلف فيه مشكله لان البلف خرابه اما يقفل مايفتح ابدا وتاتش السياره او يفتح ولا يقفل يعني من النادر ان البلف يتأخر بالفتح او الاغلاق

[ألجمل ألإنف]

وعليكم السلام وورحمة وبركاته
أخي الكريم
شيك على سلك الحراره ليكون مجروح اوطايح على حديد المكينه اوالحساس نفسه
تماتيك المروحه اختبره بنفسك طف الموتر ومسك المروحه وفرهابيدك ان لفت نصف لفه تقريبآ
فهي مظبوطه واذادارت بسرعه وخفه فالتماتيك خربان
والبلف كان مضى عليه زمان من فوق ثلاث سني الىخمس سنين غيره
أعانك ووفقك

[أبو فراس]

الموديل
2013

[البرغي]

انا عندي نفس المشكلة بشاصي نيسان 2013 , ترتفع حرارته اذا كان الجو حار وامشي بخط بسرعة 160 وتوصل الحرارة فوق النص واذا خففت السرعة تبدأ الحرارة بالتناقص بالتدريج وكذلك اذا دخلت نفود بعز الظهر وشغلت الدبل ترتفع الحرارة فوق النص وقد تصل للاحمر ولاادري مالسبب او الحل علما بان كل حاجة بالمكينة طبيعي .

[أبو فراس]

المروحة بعد ان طفيت الموتر لفيته ودارت لفة واحدة تقريبا

[أبو فراس]

وهل ترتفع مع المكيف او بدون
ارتفعت مع المكيف وبدون
هل ترتفع والسياره واقفه او تمشي
وهي ماشية
هل الرديتر نضيف وغطاء الرديتر جيد
نظيف والغطاء شكله جيد
ايضا هل خراطيش الماء متينه وسميكه بحيث ماتنصفط اذا سحبت الطرمبه الماء من الرديتر للمكينه
هذي يبي اتاكد منها

[يالبى الهلا]

المروحة بعد ان طفيت الموتر لفيته ودارت لفة واحدة تقريبا

المفروض يوقف مع توقيف المكينة
الكلتش ضعيف عندك

[احمد النزهه]

نصيحه اخوي لاتلمسه حط له زيت بترومين حديد وشف الحراره تدعيلي
بترومين اكسترا حديد وشف الفرق ورد لي

[يالبى الهلا]

المفروض يوقف مع توقيف المكينة
الكلتش ضعيف عندك

لاتلفة بيدك مع دوران المكينة والحرارة مرتفعة افتح الكبوت وعينك علي المروحة اوشخص ثاني يطفئ وتناظر بالمروحة أإأذأإأ وقفت مع المكينة كلتش شغال أإأذأإأ صعد يفر لو
فرة واحدة الكلش ضعيف

[اسبيدر مان]

الغريب ان الموتر يعتبر جديد كيف تصير فيه مثل هل مشاكل

[يالبى الهلا]

مافيه غيرنا يعرف صيفنا��������
طبعاً انتم عارفين جو الشرقية ما يرحم .
اليوم سجلت اعلى درجة حرارة عندي بالسيارة 52 درجة
فمابالك بالمكينة درجة الحرارة من1500 الي2000
فالوضع هَـ (⊙﹏⊙) ــاآ الايام طبيعي اهم شيء الراس لايروح فيها اما الباقي ملحوق علية

[فياض الربيع]

الغريب ان الموتر يعتبر جديد كيف تصير فيه مثل هل مشاكل

السيارات معاد صارت مثل اول اذا راح عليها سنه او سنتين تبدأ تطلب صيانه

[جني صغير]

النسيان معروف بتماتيك او كلتش المروحه

المشكلة تروح تأخذ الكلتش بحدود ٢٠٠٠ ريال

[ms662]

الكلتش 600ريال
ليش 2000

[hamido]

اما 2000 : ) من ال500 وحول

[يالبى الهلا]

اما 2000 : ) من ال500 وحول

لنعرف هذا الجواب لابدان تكون فني ميكانيكياوليس سباااك
لمعرفة ما يجري داخل المحرك، في داخل غرفة الاحتراق يدخل البنزين الهواء ثم يتلو ذلك اطلاق الشرارة الكهربائية، التي تقوم بتفجير هذا الخليط داخل غرفة الاحتراق مما ينتج عنه درجة حرارة هائلة جداً داخل غرفة الاحتراق تصل بعض الأحيان مابين 1500 الي 2000 درجة مئوية !! الحرارة التي تشوفها حرارة الماء وليس المكينة !!!!!!!!!!!

[بو يو سف]

صارة عندي نفس المشكله باترول 2005 وصيخة الرديتر و ضبط الموتر وبعد ٧ اشهر
و اليوم رجعة نفس المشكله
اليوم بروح ابدل الرديتر
الجديد سعره 320 اردني المنيوم

النصيحه صيخه الرديتر ويضبط

[مجالس الرجال]

اما انه توصل النص فهي مهب سهلة اقل المشاكل صرقعة البلوف وهذا له اضراره
مشكلة الباترول ٤٨٠٠ والنيسان عموما هي الحرارة فجأة وبدون ادنى مشكلة تقبس الحرارة
ويتأثر الراس
المهم ترى النص مهب مقبولة ابد بالباترول وخذ حذرك
ومراوح الكهرب اللي خلف الشبك شيك عليهن
ولا يعقل ان تماتيك المروحة يخرب بهالسرعة

[hamido]

لنعرف هذا الجواب لابدان تكون فني ميكانيكياوليس سباااك
لمعرفة ما يجري داخل المحرك، في داخل غرفة الاحتراق يدخل البنزين الهواء ثم يتلو ذلك اطلاق الشرارة الكهربائية، التي تقوم بتفجير هذا الخليط داخل غرفة الاحتراق مما ينتج عنه درجة حرارة هائلة جداً داخل غرفة الاحتراق تصل بعض الأحيان مابين 1500 الي 2000 درجة مئوية !! الحرارة التي تشوفها حرارة الماء وليس المكينة !!!!!!!!!!!

وانا اخوك اقصد سعر تماتيك المروحه

[جنيفاوي 503]

السلام عليكم
تاكد لاتصير موية الرديتر ناقصه

[سطامكو]

صارت معي بموديل 2007 فتك وكنت اذا اسرعت ترتفع الحراره واذا هديت تقل تدريجياَ وكنت افتح الاديتر واشوف مويته نظيفه جداً وغيرت كل شي من خراطيش وليات وبلف وتماتيك مروحه ونفس الحكايه وبالأخير قررت اصيخ الاديتر والمفاجأه ايوم فكيت الطبه حصلت مجاري الاديتر كانت مسكره من الملح لأنه كان يوقف لفترات تقارب الشهر لوود سيارات بديله له وكان صاحبه السابق معبيه مويه عاديه وبعد التصييخ ضبط ولله الحمد,,,,,,