المساعد الشخصي الرقمي

مشاهدة النسخة كاملة : معناتي مع كامري 2005


أبوو راكان
07/07/2015, 06:48 AM
السلام عليكم ورحمة الله وبركاتة
اسعد الله اوقاتكم
سيارتي كامري 2005 قير عادي من وكالة معي اول ثلاث سنين زي الحلاوه وبعدها جاء نقص زيت كل الف كيلو علبة في سفر (لاتقلون سرعها وغيرها ماتعدا 140) الحين صار تنقص كل 300 كيلو علبة
بعد ماغير زيت الماكينة اخذ اسبوع اسود مع العلم اذا دعست البنص جامد يطلع دخان ازرق في الارض كربون وش الحل ياربع
انا من الرياض لو تكرمتم ابي ورشه تشوف الحل شغله مظبوط
لاهنتم ياربع
سموو الروح
07/07/2015, 09:08 AM
انصحك
تغير مكينة من التشليح تدور
لك مكينة مستورده وتركبها لها
وللعلم قليل من الكوامري هالموديل
ماتنقص اغلبها تنقص اذا موكلها بالذات
٢٠٠٣ ل ٢٠٠٦ ال ٤ سلندر
اسعار المكاين من التشاليح ب ٥٥٠٠ ريال
ل ٦ الاف
سموو الروح
07/07/2015, 09:10 AM
نسيت انبهك ع حاجه
لايقولك وظب او سقط شنمبر
ابدا اترك الورش والمكانيكيه عنك المكينه
تحتاج تغيير
والضمان يعطونك لين شهر كامل
أبوو راكان
08/07/2015, 01:06 AM
جزاك الله الف خير

انتظر اراء الاخرين من الاخوة

دمتم بخير
SGL
08/07/2015, 03:23 AM
قبل الفك والربط ووجع الراس
شيك على بلف التبخير ضروري وموقعه في أكثر المواتر أعلى المكينة في غطاء البلوف وشيك على أي تهريب سواء من صوفة أو وجه أو من سيفون أو قاعدة السيفون وإذا كله تمام غير نوع الزيت إلى زيت بترومين إلترا عيار 50-20 وجرب موترك
ابوانس1
08/07/2015, 03:56 AM
السلام عليكم وقف السيارة وخلها شغالة ٢٠ دقيقة وبعدين دوس البنزين اذا طلع دخان من الشكمان وراح مع الدوس غير جلد البلوف ونصيحة لاتغير المكينه دام انها ماترتفع حرارتها واكرفها لن الله يكتب لك سيارة جديدة
awn050
08/07/2015, 04:28 AM
نفس تجربتك ذي مرت علي
كامري ٢٠٠٤ عادي
اول شي يجي انقص هاذا لأن فيه ترشيح مع جوانب المكينه
ثاني شي فيه ورش تسويلها تقميص ما ادري وش معناه بس يوقف رشح الزيت هذا
سويته لسيارتي وطلب تغير شنبر وطلب طرمبة زيت و قطع وكلفتني المكينه حدود ٥٥٠٠ ريال قطع وكاله وبعدها انتهت معاناتي

كديتها بعد اصلاحي لها يمكن ثلاث سن،ات امشي ١٨٠ من الرياض الي الطايف ما نقصت شعره
بعدها صدمت وبعتها تشليح والي شراها مني تشليح سألني قال مكينه شد بلد قلت ايه ومسويلها تقميص وكنا نتفاصل بالسعر وزاد الف علي سومته بعد ما عرف انها مقمصه

هذا الي حبيت افيدك به واذا انت بالرياض وتبي ادلك علي الي سويتها عندهم انا مستعد

لاتغير مكينه نصيحه لوجه الله لأن المشكله سهله
أبوو راكان
08/07/2015, 08:58 AM
اشكركم على المعلومات القيمة لاهنتم ارسلي عنون الورشة ولارقمهم