مشكلة..ارتفاع حرارة الجمس فوق النص

[abrk1]

السلام عليكم

اخواني معي جمس 2003 قطعة عشرة 8 سلندر
امريكي (استخدام امريكي)
المشكلة عندي بالحرارة اذا ماشغلت المكيف الحرارة تحت النص يعني وضعها الطبيعي واذا شغلت المكيف على مسافات طويلة الموتر تمام بس المشكلة اذا طحت بزحمة والمكيف شغال او كنت واقف اكثر من 5 دقايق ترتفع الحرارة فوق النص بشرطتين او ثلاث مع العلم اني ركبت تماتيك مروحة اصلي وكالة وسيخت الريديتر ولا زالت المشكلة موجوده
اللي مرت عليه المشكله او عنده خلفية عنها لا يبخل علينا

[abrk1]

30 مشاهدة ��

[الصيادالمليح]

غيّر بلف الحرارة بواحد يفتح على درجة حرارة 45 درجة مئوية

[abrk1]

بغير البلف وبشوف

[عبقري91]

مراح تستفيد شي من تغيير البلف الا اذا انت مركب مراوح كهرب بدل المكنيكيه
وبلف مراح تحصل للجمس الا عند ورش التعديل والتزويد فقط وسعره فوق ال٣٠٠
انا شاريه واذا ودك تجرب البلف مجرد عندي خذه وجربه عشان تتاكد مجرد بتخسر ماء وفك وربط اسئل مجرب
الحل ركب مراوح كهرب حقات مديل٢٠٠٧ وفوق او مراوح لومينا طرب وبتدعيلي ارسلي رقمك خاص وبعطيك تجربتي لي كم سنه الحمدلله

[ابو غسان2009]

ابعطيك تجربتي وان شاء الله تستفيد موتري كان دينالي ٢٠٠٦ وكنت اعاني من نفس مشكلتك غيرت راديتر القير بواحد اكبر وسويت برمجة للمراوح بحيث انها تشتغل قبل لا توصل الحرارة للنص وزان الموتر وحسيت بفرق حتى بالعزم .

[abrk1]

اخوي ماقدر ارسل رقمي لان عدد المشاركات اقل من 50
ارسلي رقمك لا هنت

[يالبى الهلا]

ماراح تستفيد م̷ـــِْن المراوح الكهربائية لان موترك قديم خسارة على الفاضي المكيكانيكية افضل بكثير م̷ـــِْن الكهربائية لْـۆ تتعطل تروووح فيها المكينة لوفيهافايدة لاعتمدتها تويوتا لجيوب لكزس والفكسار الكهربائية لسيارة المدينة فقط اماالسيارات الدفع اللاعب وسيارات الخدمة ماتنفع الكهربائية وهم
الحرارة ماتنزل الابصلاح المشكلة اولا اين السببب
الافضل تغيير طرمبة الماء وشيل البلف مامنةضررررر
البلف فايدتة يسخن المحرك بسرررعة ويفتح علي75 درجة
والحرارة الخارجية عندنا 50 درجة
وبعدين سيارتك مواصفات امريكية وليست خليجية المكائن كل بلد اوديرة لـٍهآ مواصفات عندك الخليجي مجاري التبريد داخل المكينة وسيعة لتبريد المكينة بسرعة اما المواصفات الامريكية مجاري التبريد ضيقة لتسخين المكينة بسررررعة هاذاا هو الفرق
بين المواصفات عندنا مراتب الجلد غير مرغوبة لانها تسخن في الصيف اكثر وتولع حرارة عندهم مرغوبة ومزودة بالة تسخين
الخ…………. الافضل تدور على اسباب ارتفاع الحرارة وليس الحلول المؤقتة

[cadillac911]

ماراح تستفيد م?ـــِْن المراوح الكهربائية لان موترك قديم خسارة على الفاضي المكيكانيكية افضل بكثير م?ـــِْن الكهربائية لْـ? تتعطل تروووح فيها المكينة لوفيهافايدة لاعتمدتها تويوتا لجيوب لكزس والفكسار الكهربائية لسيارة المدينة فقط اماالسيارات الدفع اللاعب وسيارات الخدمة ماتنفع الكهربائية وهم

الحرارة ماتنزل الابصلاح المشكلة اولا اين السببب

الافضل تغيير طرمبة الماء وشيل البلف مامنةضررررر

البلف فايدتة يسخن المحرك بسرررعة ويفتح علي75 درجة

والحرارة الخارجية عندنا 50 درجة

وبعدين سيارتك مواصفات امريكية وليست خليجية المكائن كل بلد اوديرة لـٍهآ مواصفات عندك الخليجي مجاري التبريد داخل المكينة وسيعة لتبريد المكينة بسرعة اما المواصفات الامريكية مجاري التبريد ضيقة لتسخين المكينة بسررررعة هاذاا هو الفرق

بين المواصفات عندنا مراتب الجلد غير مرغوبة لانها تسخن في الصيف اكثر وتولع حرارة عندهم مرغوبة ومزودة بالة تسخين

الخ…………. الافضل تدور على اسباب ارتفاع الحرارة وليس الحلول المؤقتة


اسمح لي اعدل معلومتك حول المكينه كلها مكائن وحده نفسها من جوا ومن برا تختلف فقط في البرمجة بس


اذكر الله تكسب حسنة

[يالبى الهلا]

(يدلك على الخيل اثمانها)
مواصفات السعودي غير ولامريكي غير

[الحربي 591]

اخوي روح أقرب فرع قطع غيار اصلي معتمد مثل الجميح و التوكيلات وصادق حمزه و ايسيديلكو

اشتر مروحه تاهو من 2008 إلى 2014 .. تجي مروحتين هي
فك المروحه اللي عندك
وركب المروحه الجديده وابشر بالراحه النفسيه... :D
الامريكي تجي مروحتين وحده صغيره ووحده كبيره او تجيك مروحه وحده كبيره
اما السعودي تجي ثنتين كبار

[cadillac911]

اخوي الهيلا

اخوي انت تقول مواصفات وليست معايير كل شركة عندها خط انتاج واحد ومعايير وحده لكن تختلف بالمواصفات ( specs ) اللي يطلبها وكلاء الشركة في الدول وبالتالي هذا اللي يخلي الوكيل يغيير في الأسعار مثل ما يبي


اذكر الله تكسب حسنة

[يالبى الهلا]

اخوي انت تقول مواصفاتوليست معايير


اذكر الله تكسب حسنة
المواصفات مكينة وقير ومعايير انظمة وتقنيات

[cadillac911]

ننتظر جهة محايدة للشرح لان كل وواحد منا مقتنع بوجهة نظره ?


اذكر الله تكسب حسنة

[يالبى الهلا]

حبيب قَلبـ♡ــيے ڵـڱ آٍحًـتـَرٍآٍمٌيـٍ
دًآٍىمٌآٍ آٍلـٍـًنًـقـآٍشـآٍتـَ مٌفـٍيـٍدًـٍة لـٍـًلـٍـًجـِمٌيـٍعِ

[يالبى الهلا]

آٍلـٍـًسَعِودًيـٍ َخـذٍ مٌوآٍصـفـٍآٍتـَ آٍمٌآٍ آٍلـٍـًآٍمٌرٍيـٍكـٍيـٍ تـَقـنًـيـٍـٍة ومٌعِآٍيـٍيـٍرٍ سَلـٍـًآٍمٌـٍة آٍلـٍـًآٍنًـسَآٍنًـ غٌـآٍلـٍـًيـٍ فـٍيـٍ آٍلـٍـًغٌـرٍيـٍ ولـٍـًكـٍنًـ رٍَخـيـٍصـ فـٍيـٍ آٍلـٍـًعِرٍبـُ

[يالبى الهلا]

السعودية خذ مواصفات اما الامريكي تقنية ومعايير سلامة
الانسان غالي في الغرب ولكن رخيص في العرب

[cadillac911]

السعودية خذ مواصفات اما الامريكي تقنية ومعايير سلامة

الانسان غالي في الغرب ولكن رخيص في العرب


انا اشهد انك جبتها على الجرح والله يحفظكم وأهلكم جميعا من كل سوء


اذكر الله تكسب حسنة

[انا العربي]

نفس مشكلتي موتري تاهو 2002
غيرت طرمبه ولافاد وغيرت بلف جديد وماء للرديتر
ولافاد إذا شغلت المكيف وبزحمه ترتفع فوق النص
بدون مكيف ماترتفع ابدآ تحت النص بشيء بسيط حصلت مراوح وراء الشبك
قلت خلني اصلحها وصلحتها وركبت فاصل داخل تحت الدركسون والحمدلله ضبط
لو اشغل المكيف واوقف ساعه ماترتفع الحراره وحتى بالنفود والتطعيس إشغلها

لكن الى الان مادخلت مزاجي فكرت المرواح الاضافيه
وبإّن الله ابشوف رديتر اكبر او بلف اقل حراره وياليت اللي عنده معلومه عن بلف يركب للتاهو بدون ترهيم واقل حراره
يدلنا عليه وين ينباع

[الحلم الحلم]

اسعد الله صباحك اخي الكريم
اذا موترك استخدام امريكي اعمل له برمجة مراوح حصلت لي نفس المشكلة وعانيت كثير منها وبرمجت المراوح مابين 92و96 درجة تناسب اجوائنا وزبطت ماعاد صرت اعاني من الوقوف لفترات طويلة ومجربة على افلانش 2002 وتاهو 2005

أرسلت من SM-N910C بإستخدام تاباتلك

[abrk1]

ابعطيك تجربتي وان شاء الله تستفيد موتري كان دينالي ٢٠٠٦ وكنت اعاني من نفس مشكلتك غيرت راديتر القير بواحد اكبر وسويت برمجة للمراوح بحيث انها تشتغل قبل لا توصل الحرارة للنص وزان الموتر وحسيت بفرق حتى بالعزم .

اول مره اسمع بريديتر القير!!

[ابو غسان2009]

اول مره اسمع بريديتر القير!!

القصد مبرد القير بس خاننا التعبير ولعلمك ارتفاع حرارة القير يأثر على حرارة المكينة

[1824]

اخوي لا تدور وتحوس كل سيارة فيها مكيف فيها مروحة كهربائية خاصة بالمكيف غير مروحة المحرك الميكانيكية انت عندما تشغل المكيف والسيارة واقفة سواء باردة او حارة مفروض فورا تشتغل المروحة الكهربائية السؤال الان هل المروحة الكهربائية شغالة ام لان عندما تشغل المكيف تشتغل عشان تبرد المكيف والمحرك اثناء الوقوف او الازدحام ترتفع الحرارة لمن توقف او في زحمة لانه مافي هواء ويجي دور المروحة هنا في الخط الهواء عليل واكثر من كافي لتبريد المحرك وطبعا لا تنسى تشيك زيت القير ما يكون ناقص وزيت المحرك يكونون في المستوى المطلوب وماء الراديتر لازم تغسل الراديتر بفك البلف وتغسل بماء ضغط عالي مع المحرك وتطلع الوسخ كامل وبعدها تعبيه بماء اصلي تويوتا او اسي ديلكو الأحمر ما يكون اخضر يكون طويل الاجل يجلس معك 5 سنوات وانت مرتاح واذا ما مشت معك كلمني واواصل حل المشكلة معك بدون حوس وتضيع فلوس بالتوفيق لك

[عبقري91]

اليوكن من 2005 يجي مراوح كهرب بس تجي وحده ريشها اكثر من وحده لين 2006
ومن 2007 وفوق خلو حجمهن واحد بس سعرهن غالي بلوكاله

لو مافيهن خير ماحطوهن من2005 وهذا كان عيب الجمس الحراره بلوقوف وعدم التبريد ومن نزلت مراوح صار طرب حتى راحت الحنه وخف
واذا بنتكلم عن المراوح الكهرب ان تتعطل كل السيارات الدفع الامامي مراوحها كهرب
واغلب السيارات الجديده كهرب جت
واذا انت ماسك خط مالك حاجت بالكعرب الهواء الخارجي اقوا يعني اهم شي الوقوف وبزحمه هنا المشكله


الان ولله الحمد لي خمس سنوات او اقل عندي يوكن امريكي
اذا وقفت كم دقيقه ومشيت يحن الي هي المروح ام كلتش واذا طولت واقف المكيف مايبرد
عزر في لين طقيت له مراوح كهرب والحمدلله ومشاء الله زان وكذا سياره عندي حاط لها مراوح كهرب والمرهم عندي حاطله مراوح كهرب
مشكلة المكنيكيه تاخذ من عزم السياره وخلال السنوات هذي خرب معي الكتاوت مرتين وضعف دينمو المروحه مره والسبب لاني اخذها مستخدمه
وهناك ملاحظه بلف الحراره لاتشيلونه
انا من الناس الي مركب رياضي ومغير حساس الحراره يعني يفتح علا الربع والمراوح تشتغل علا الربع
ملاحظاتي لون الزيت بدا يميل لسواد قبل موعده صرفيه للبانزين لاتذكر
لان البانزين مايحترق زين ويبقا الكربون بجدار البستم وينزل مع الزيت يعني بعد 3000 الاف كم تشم الزيت به ريحت بنزين
رجعتها للبلد وحساس يشتغل علا النص والحمدلله رجعت لوضعها الطبيعي


والحمدلله الموتر ماشي 500 الف مابه خلاف ولا يقلب ولا ينقص ولا كد فكيت المكينه مشاء الله تبارك الرحمن

[abrk1]

اخواني موتري مروحه وحده وغيرت تماتيك مروحه اصلي وكالة وصيخت الرديتر وشيكت على طرمبة الماء وشيكت على البلف وكلها تمام وللمعلومية موتري قريب من المواصفات الخليجية لانه وارد من ولاية جوها زي جونا تماما..فكرت اركب مروحة اضافيه لكن خفت يضعف الكهرب عندي ولا ادري وش اسوي والله وصرت اخلي اغلب مشاويري بالليل عشان الحرارة اللي يعرف ورشه متخصصه بالحرارة لا يبخل علينا

[الحربي 591]

اخواني موتري مروحه وحده وغيرت تماتيك مروحه اصلي وكالة وصيخت الرديتر وشيكت على طرمبة الماء وشيكت على البلف وكلها تمام وللمعلومية موتري قريب من المواصفات الخليجية لانه وارد من ولاية جوها زي جونا تماما..فكرت اركب مروحة اضافيه لكن خفت يضعف الكهرب عندي ولا ادري وش اسوي والله وصرت اخلي اغلب مشاويري بالليل عشان الحرارة اللي يعرف ورشه متخصصه بالحرارة لا يبخل علينا

شكلك ماقريت ردي:D

على العموم
مثل ما قلت فك المراوح اللي عندك و اقذفها إلى القمامه..... كيف اللغه العربيه:D
وركب مروحه تاهو لك من 2008 وفوق تجي مروحتين وصوتها وقوتها ترد الروح:good2:

حتى ولو غاليه ما تستاهل تغير مكينه عشان 1000 ولا 2000

[يالبى الهلا]

اخواني موتري مروحه وحده وغيرت تماتيك مروحه اصلي وكالة وصيخت الرديتر وشيكت على طرمبة الماء وشيكت على البلف وكلها تمام وللمعلومية موتري قريب من المواصفات الخليجية لانه وارد من ولاية جوها زي جونا تماما..فكرت اركب مروحة اضافيه لكن خفت يضعف الكهرب عندي ولا ادري وش اسوي والله وصرت اخلي اغلب مشاويري بالليل عشان الحرارة اللي يعرف ورشه متخصصه بالحرارة لا يبخل علينا

ركب مراوح كهربائية خارجية وابشر بالراحة النفسية
حتي لرور تتعطل المروحة الكلتش تكفي
ودينموا الجمس كبيررر 100 انبير يولع عمارة
ھَھٍھَھھَھٍـٌ( =)) )ـّھٍھَھٍھَھٍٱإيّےٌ



شغف
ج1 ،

[محمد الأسود ا]

وفقك ربي عزيزي

[stranger]

السلام عليكم
انا باضيف تجربتي مع الجمس 2002 المكينة الكبيرة 6 لتر كانت مشكلتي عند الوقوف او الزحمة ترتفع الحرارة الى الربع الي قبل الاخير والمكيف ما يبرد وبس امشي ترجع الحرارة طبيعي ويبرد المكيف غيرت تماتيك مروحة وغيرت البلف وغيرت طرمبة الماء وسيخة الرديتر والمشكلة نفسها .
وفكرت اركب مروحة كهربائية ولكن بدون الغاء المروحة الميكانيكية فوقع الاختيار على مروحة الفورد 97 الي تجي مع هواية الرديتر ( امام المروحة الميكانيكية ) وركبتها بنفس الطريقه يعني موه خلف الشبك قصيت في الهواية العلوية شق عرضي بطول تقريبا 30 الى 50 سم وركبت كتاوت وفاصل تحت الدركسون والان ولله الحمد الحرارة ثابته زجمه او وقوف والمكيف بارد ولكن تخف البروده شي بسيط مع الزحمة وارتفاع حرارة الجو يعني في الظهر فقط يخف التبريد ولكن ( حنة تماتيك المروحة الاساسية ما زال موجود اذا الطريق زحمة فقط .......
آمل اني افدت ( قيمة المروحة تشليح 80 ) ريال طبعا اخذتها تجربة ولكن الحمدلله الان سنه وشغاله تمام

[عاشق الموج]

انا عندي سلفرادو مكينة نفس اليوكن وعانيت من الحراره مع المكيف في الزحمه ترتفع

وركبت له مروحة مرسيدس خلف الشبك والحمدلله لو اوقف بعز الظهر وفي الزحمه مع المكيف الحرارة ثابته

طبعا مشبوكه مع المكيف

اخذتها جديده من محل قطع غيار المرسيدس وقيمتها 190