المساعد الشخصي الرقمي

مشاهدة النسخة كاملة : مناطق صيد في جدة


Hectorr
09/07/2015, 05:11 AM
السلام عليكم حبايبي ابغى منطقه صيد تكون قريبه لان الكورنيش (السقاله) هدموها والاحواش اللي ف خليج سلمان اظن انها مقفله ف لو احد يعرف مناطق للصيد بالقصبه لايبخل علينا وشاكرين لكم
أبوحافظ
09/07/2015, 01:50 PM
بداية الكورنيش الشمالي مقابل رنديفو
بجانب مبنى حرس الحدود فيه اكثر من سقالة
Hectorr
10/07/2015, 06:55 AM
بداية الكورنيش الشمالي مقابل رنديفو
بجانب مبنى حرس الحدود فيه اكثر من سقالة

اخوي هدموها السقالالت
أبوحافظ
10/07/2015, 07:11 AM
غريب

اللي اعرفه انهم هدمو السقالة اللي قدام الهيلتون فقط لا غير
yasser87
13/07/2015, 06:35 PM
الله يعينك في جدة مافي اي مكان للصيد ممتاز او جيد حتى
مالك الا برا جدة جنوب او شمال زي صعبر ورابغ ولا الطفية ولا الشعيبه وكل الاماكن اللي حولها
واذا ودك في خليج سلمان
في حوش فيه حارس مصري فيه لسانين اللي عاليمين كويس واللي عاليسار ماينفع بريال
الحارس ياخذ 50 ريال عالسيارة وتقريباً مايكلمك عالوقت الا ماندر اذا كان في غيرك بيجي او شي زي كذا وترا مافيها ذاك الصيد والتصخير زي اللوز
مالك الا العايم فيه تجيك كنايات وعقمان وبياض وزي كذا في الليل
اما في الصباح ماقد صدت فيه لكن اشوف تجيك بهارات وقروم بياض بس ماتمسك تبغى طعم حي ولو مسكت البهارات حلني حتخش تحت اللسان ويا تقطع الجلب يا ماتطلع يا تهلك ظهرك وفي الاخير ماتطلع برضو :( بسبب كبرها
اذا ودك ارسلك رقمو عالخاص وتراه معقد ويطفش وهرجو كثير لو جاك
ويبغى المكان يكون نظيف وانت ماشي ولا يحط عليك اكس احمر بالعريض كمان وانا اشوف ان الحركة هذي ممتازة
احمد الاسمري
13/07/2015, 08:05 PM
مساء الخير اذا تعرف مدينة البحيرات بعد البوابه اتجه غرب على نفس السور فيه موقع على كيف كيفك حتى القروش موجوده
تحياتي للجميع

أرسلت من SM-G7102 بإستخدام تاباتلك