عدة الطبخ..كل واحد يدخل ويعطينا فكرته..

[جفيل]

السلام عليكم ورحمة الله وبركاته..



عدة الطبخ .. كما تعلمون ان الكل يتفنن في اختيار(تفصيل) عدة الطبخ المناسبة بحيث تتميز بصغر الحجم وتعمل عمل الكبيره..ومن هنا نريد من كل عضو ابداء رأيه اوفكرته لعدته.. لأني بصدد تجديد عدت الطبخ تبعي:D



وشكراً

[مدور ربيع]

شايب وتبي نعلمك عدة الطبخ ... ماصارت ولااستوت هههههههه



اما بالنسبة لعدتي .. فكل شيء معي مصغر ... يعني اخذ من كل نوع ( دلة ابريق قدر صحن ) نوعين من نفس المقاس ... واختار المقاس الوسط اللي يكفي لااربعة اشخاص .. وهذي لها عدة فوائد


اولا ماتأخذ مكان ,,, وسهلة التنظيف ,,, وخفيفه على المعدة اقصد خفيفة الشيل والحط ,,,, سريعة المفعول اقصد تطبخ بها بسرعه مو مثل الكبير ,,, خامسا تنفع بكثير من الشغلات
وفي حالات ان تكثر المجموعه ... تقوم العدة باللازم ... يعني القدرين يسوون اكل 10 اشخاص واحد للرز وواحد للحم ... والدله كذلك ... المم بالبر مشيء حالك .. ولااحد جاي بيفتش عليك .. المهم تدسم شوارب خوياك


وبالنسبه للعدة موزعه على اربع شنط ..




شنطة القهوة ... والشاي ولوازمهم

شنطة الطبخ ... وفيها اغراض الطبخ كامله من قدور ورز وبهارت وخلافه

شنطة الشوي ... وفيها شبوك ومشاوي وسكاكين وجميع لوازم الشوي

شنطه العده البريه ... فيها اشتراك وكبوس ومطرقه وعدة كامله وواير سحب وقراشيع كثيره


هذا غير الرواقات والخيمه والفرش ...

وبس ..... وعساك سالم

[جفيل]

شاكر مرورك ومشاركتك أخوي مدور الربيع,,,

وانتـــم يالشباب ماشا الله عليكم عندكم أفكارن سنعه وماخليتوا شي الا ورهمتوه وصغرتوه:)

وشغلك وانا خوووك سنع خاصه بالعده البريه..

طبعاً في العدد والقراشيع لاتوصي حريص:) عندي شنطه لها 6 سنين وكلش فيها وش بغيت بس..سكاريب ومفكات ومطارق وغرأ وشطرطونات وخنبقه بس والله مفيده وومتازه

على العموم أشكرك مره أخرى على طرحك الرائع ..

[الكـاسـر]

حط لك عزبة شاهي وقهوة وزد عليها ملاس وملعقه وسكاكين وبهارات الطبخ وخل القدر برا وسلامتك