حرارة الباترول ربع 98 ؟؟

[thesword17]

السلام وعليكم ورحمة الله وبركاته
كنت في طريق سفر للدمام ولما وصلت كانت الحرارة طبيعية لكن لما ادعس والسيارة واقفة اسمع صوت برادة حديد او هواء كأنه قاعد ينشفط جهة المكينة والحرارة طبيعية والصوت يزيد كلما زادت الدعسة
واليوم الثاني رجعت الرياض و الحرارة كانت طبيعية في بداية الخط واضطريت اني اشبك الدبل لمسافة من الخط ثم فصلته بعدها الحرارة صارت ترتفع للنص ولما قربت جهة الرياض وقفت في محطة وطفيت السيارة شوي ثم رجعت شغلتها لقيت الحرارة وصلت قريب ال H ثم كملت طريقي ولكن الحرارة مع السرعة ترجع الى قريب الربع ولما وصلت الرياض تركت المكينة تبرد ثم شغلتها فلقيت الحرارة في حوالي دقيقتين ترتفع من البارد الى H ومع تشغيل المكيف يطلع دخان ابيض مع ريحة حريق من فتحات التكيف بالإضافة الى ان السيارة تسرب موية لونها اخضر خفيف من جهة باب الراكب فهل من حل ؟

مع العلم ان السيارة لها معي اكثر من سنتين وسافرت عليها اكثر من مرة خطوط وما قد صار معاي هذا الوضع

شكرا لكم وعذرا عن الإطالة

[يالبى الهلا]

عندك مشكلة تهريب بالسخان الحاااار اللي هو وضعية مكيف حااااار الحلول تلغي الحااار اوتصلح التهريب واللة يستر من القاااادم !!!!!
لان م̷ـــِْن الغلط تمشي على سيارة حرارتها مرتفعة H

[ابوتركي1010]

شيك علی أدوات التبريد من مروحه من كلتش المروحه من ليات اديتر والأديتر يمكن متسخ أو مسدود وعلى ليات المكيف الحار وانتبه تلغيها عشان ما تصدى مواسير المكيف الحار وان شاء الله تعالى تنحل مشكلتك

[N.m.a]

الماء الاخضر هذا تهريب ماء اديتر

الله يعينك دور اللي الخربان وغيره

[thesword17]

كلام الأخ يا لبى الهلا طلع صحيح والسيارة فيها تسريب في السخان الحار جهة المكيف وفصلت المكيف الحار كحل مؤقت والحين هل فيه احد يعرف محل قطع غيار يبيع سخان حار اصلي شمال الرياض
شكرا لكم

[salih100]

السخان يجي بين الطبلون وبين الكبوت وفكه مكلف جداً وهو حق المكيف الحار واغلبنا لا يستخدم المكيف الحار فلذلك اتركه ولا يضر المكينه ولا بيضرك

[ateeq7]

نظف الكندنسر مبرد المكيف الذي يجي امام الراديتر بهواء وماء مضغوط فتحاته مسكره و البروده لاتصل للراديتر