عندي ناقه اكوول وتعض البل والناس

[اليامي قطر]

السلام عليكم ورحمه الله وبركاته


اعلومي سلامتكم

الوالد شاري له ناقه من شهر والناقه من امات المزاين
لكن فيها عذروب واحد وهذا سبب بيعها من راعيها الاول
وبسعر بخس وعذروبها

تعض الابل وتعض الناس اللي يقربونها وهي الحين القحه
واذا ولدت صعب احد يقرب من حوارها ( ضناها )

المطلوب :

- هل فيه علاج للناقه تعرفونه يالربع ؟ افيدوني يااهل الخبره ناخيكم والشافي الله سبحانه

[اليامي قطر]

وين البدو ....؟

[خالد تميم]

اناوالله ماني بدوي وافهم باالحلال
لاكن اذكر الوالد رحمة الله عليه كد شري فحل شافه طيب ورخيص وبعد ماجبناه عندالبل اكتشف فيه هذاالعذروب وخافة العمال تقترب منه
جاالوالد واعزله بحوش لحاله وصار يجوعه ويقطع عنه الماء ويعطيه علي فترات متقطعه لين والف العمال شوي شوي وسلكت اموره .
ومدر هذي طريقه صحيحه اولا .
وانت اسأل عنها .

[اليامي قطر]

اناوالله ماني بدوي وافهم باالحلال
لاكن اذكر الوالد رحمة الله عليه كد شري فحل شافه طيب ورخيص وبعد ماجبناه عندالبل اكتشف فيه هذاالعذروب وخافة العمال تقترب منه
جاالوالد واعزله بحوش لحاله وصار يجوعه ويقطع عنه الماء ويعطيه علي فترات متقطعه لين والف العمال شوي شوي وسلكت اموره .
ومدر هذي طريقه صحيحه اولا .
وانت اسأل عنها .

الله يرحمه ويغفر له

نعم صحيحه هذي الطريقه وناجحه 100 %

لان الجوع هو اللي يخليه يسيطر عليه

لكن ناقتي القحه لو جوعتها راح اضر حوارها

ولا منيب ناسي هالطريقه

[الشيخ الظريف]

اقلع اسنانها٠٠٠ترى امزح معك ولكن ممكن تضع شيء مؤذي اذا عضت تآلمت مثل مسامير توضع على ناقه ويصيرن بالحوش سوا فآذا عضت الناقه آذته المسامير وهذا ليس من خبره ولكن من علم نفس الحيوان التطبيقي

[راعي سهوه]

الخطام والمهاداه ل لين انها تركد وان حاولت تاكلك عطها مطرق على خشمها

[اليامي قطر]

الخطام والمهاداه ل لين انها تركد وان حاولت تاكلك عطها مطرق على خشمها

اررحب ياراعي سهوه

الناقه هدت اشوي وعرفنا علتها

مشكلتها : ضعاف النفوس اهل المزاينات قاطبين اسبالها

يبونها تكون زينه حسبي الله عليهم والناقه توحشت من اللي يجيها

الحين فيه حل لعروق اسبالها ..؟

[طالب صيد]

غش تجاري
حسبي الله على الخاين

[الدبا]

ييون السبال يكون مصيده للمشتري حسبي عليهم

[مجاهيم]

حسبي الله عليهم ...