سؤال هام ما بعد المقيض

[طير حوران ،،،]

السلام عليكم ورحمة الله
اخواني ابي منك جواب شافي كيف تتعامل مع الطير بعد الربطه وهل فعلا الطير يتنكر على صاحبه وهل يلزم الامر اني اربط الطير بحبل عشان مايغدر وينحاش

[البيطار3]

اطلق سراحه مهنا صيد
خله يعيش حياته

[شمالي 44]

وعليكم السلام ورحمة الله وبركاته

بعد الربطه الطير عديد
شنذره يحذف شبيكاته
وادعه بحبل من بعيد
ودوهله تزين حالاته


وانا اخوك
الطير بعد الربطه تتعامل معه مثل الطير الوحش
تدريب من اول وجديد ومايطول تدريبه ان شاءالله
إذا فكيته بدون تدهيل و تدريب اكيد بيروح ومايجيك .
وبالتوفيق.

[شمِالي]

اكيد يبي له تهديل

تتعامل معه مثل الوحش

اربط له خيط مع السبق تكون ماسكة بيدك

مره مرتين لين تضبط اموره وبعدها تدعيه دعو

عادي ع التلواح ، وبالتوفيق لك يارب

[طير حوران ،،،]

بيض الله وجيهكم وارحم الله والديكم ماقصرتوا

[شمالي 44]

بيض الله وجيهكم وارحم الله والديكم ماقصرتوا

يامرحبا بك ياطير حوران ووجهك ابيض وبالتوفيق

[انور العنزي]

عليك السلام ورحمة الله وبركاته

من اكبر الاخطا شنذرت الطير بعد الربطه مباشر.
فحص الطير والتاكد من خلوه من التهابات وفطريات الفرسه اقلاع.
وحذاري من شنذرت الطير في جو حاار. تعقيب على بعض الردود مع خالص احترامي.

الطير بعد المقيض تنقله كم يوم مع القصر عليه بالعلف لانه على الاغلب بيكون صنيع. قميزه من الوكر على الدس. وتخليه يعلف وتكررها معاه واول هدد تربط فيه سبب مسافه قصيره بالبر وتهده ملواح اذا كان يعرفه وتعلفه وانت الي تحكم على نفسيته بعضالطيور من اول يوم يدعونها وماعندها اخلاف وبعضها يبيله كم يوم واكل صقار اعرف بطيره. تحياتي لك واتمنى اني اصبت

[شمالي 44]

عليك السلام ورحمة الله وبركاته

من اكبر الاخطا شنذرت الطير بعد الربطه مباشر.
فحص الطير والتاكد من خلوه من التهابات وفطريات الفرسه اقلاع.
وحذاري من شنذرت الطير في جو حاار. تعقيب على بعض الردود مع خالص احترامي.

الطير بعد المقيض تنقله كم يوم مع القصر عليه بالعلف لانه على الاغلب بيكون صنيع. قميزه من الوكر على الدس. وتخليه يعلف وتكررها معاه واول هدد تربط فيه سبب مسافه قصيره بالبر وتهده ملواح اذا كان يعرفه وتعلفه وانت الي تحكم على نفسيته بعضالطيور من اول يوم يدعونها وماعندها اخلاف وبعضها يبيله كم يوم واكل صقار اعرف بطيره. تحياتي لك واتمنى اني اصبت


يامرحبا بك اخوي انور

كلامك على متمه بخصوص فحص الطير من وجود قلاع وماشابهه قبل شنذرته .
ولكن من وجهة نظري أن الشنذره بعد الربطه (المقيض)
هي علاج الصقار .
لأسباب :
*أغلب الطيور تصفي بوقت اعتدال الجو وهو وقت مناسب للشنذره وليس هالايام .
*شنذره الطير وهو صنيع أفضل من شنذرته وهو ضعيف.
*إذا كنت بالظل ونسمات الهوا بارده فهو وقت جيد للشنذره ولايخفاك الغرفه المكيفه كأنك بالمربعانيه وشنذرته من بعد المغرب.
*الطير عقب الربطه صنيع وقابل للتنكر وشنذرته تسهل عليك أمور واجد.
وفقنا الله وإياكم .

[البازيار]

السلام عليكم ورحمة الله ... ما قصرو الاخوان بالكلام عن الشنذرة واهميتها للطير بعد تمام فترة القرنسة لانها ظرورية لازالة ماعلق في فرسة الطير من مواد متشحمة ملتصقة في جدار الفرسة والافضل الشنذرة علي شكل كبسولة وان لايعطي الشنذرة الصلبة البيضاء لانها ممكن تحرق فرسة الطير من شدة حرارتها .. والافضل يقوم بهذي المهمة خبير وعارف كيف ادخالها في فرسة الطير حتي يتجنب دخولها في مجري نفس الطير او حدوث جروح في حلق الطير فيتذاء لاسمح الله .