المساعد الشخصي الرقمي

مشاهدة النسخة كاملة : الفزعه بالجيب باترول92


عبقري91
14/07/2015, 09:09 AM
الي جاي عليه من الرياض وممشاي حول150 المهم بعد الرياض ب150 كيلو قطع الموتر وطفي واشوف الشكمان يطلع منه دخان ابيض
وقفت السياره وهي طافيه مهي راضيه تشتغل الا واشوف فلتر الهوا يطلع منه دخان وافتح عيار الزيت سليم بس يطلع منه دخان او بخار زيت
وفيه ليين حق التبخير الي داخلات بالكبليتر فتحتهن لقيت ينطفن زيت وطالع منهن دخان ابيض
الا العده والسكاريب ناسيها بموتر الثاني خليت السياره بطريق السريع وادق تاشيره انا وولدي
السلف يدق والمكينه تدور بس ماتشتغل
عبقري91
14/07/2015, 09:11 AM
كنها ودها تشتغل بس ماش اتوقع الكبليتر مليان زيت
عبقري91
14/07/2015, 09:21 AM
ابشركم اشتغلت لاكن تقطيع ودخان ابيض والي حق التبخير الي رايح للكبليتر يبخ زيت بخ يعني الكلبليتر مليان زيت بلف تبخير لايوجد بس لي
شد الرحال ...
14/07/2015, 09:23 AM
اكــيد .. مايشتغل به الا 4 بسـاتم شف فكـ سلكـ البوجي وشف هو عليه زيت ولا لا
شد الرحال ...
14/07/2015, 09:25 AM
فكـ كل سلك من الواجي وشف عنهن
عبقري91
14/07/2015, 09:38 AM
اكيد عليهن زيت بس وش خلا الزيت يطلع من المكينه للكبليتر
يالبى الهلا
14/07/2015, 10:07 AM
وجود الزيت على البواجي معناته انك تحتاج تغيير وجيه البلوف فيه تهريب في وجيه البلوف عندك للداخل
واذا كان يوجد حق التبخير الزيت بالمكينة فهو مسدود ويحتاج فحص وتنظيف بالبنزين ممكن مسدود وانتبة لايكون لي التبخير صافط او مهتري لانة مع حرارة المكينة يضعف ويصير ناشف وتتجمع الزيت علية وينسد
عبقري91
14/07/2015, 10:09 AM
الحمدلله وصلت للبيت بعد معناه ودخلت الجيب واجيب العده وافتح الكبليتر الا مشاء الله مليان زيت حتى فلتر الهوا غرقان
المشكله او ماحركة من الرياض الزيت فل وتمام ولمن طفت السياره كنه ناقص ربع علبه
ولمن وصلت للبيت والبيت يبعد عن الرياض ٢٠٠ كيلو
المهم ان الزيت علا راس العيار
والموتر لا حراره ولا صوت بالمكينه
معناته ان المشكله بخرروج الزيت للمكينه خرب البواجي وخرب الكبليتر
الحركه هذي كد سواها معاي بصمان ونظفة الكيبليتر من الزيت وعكست اسلاك البواجي عشان الكبليتر يعطس ويرمي ويطلع الوصخ الي فيه وزان معاد سواها لاكن اليوم زعل علي

هل الباترول فيه بلف تبخير لن فكيت لي التبخير ماحصلة شي مجرد لي براس المكينه
الجو احتر علي
والليله بغير بواجيه وانظف الكبليتر بس بالله افزعولي بحل كب الزيت للكبليتر
عبقري91
15/07/2015, 02:13 AM
وديتها الورشه قالو شمبر لان الي حق التبخير يطلع هواء
ومدري عنهم
SGL
15/07/2015, 03:22 AM
شيك على بلف التبخير موقعه في الثلاجة تحت الكربريتر تفكه بمفتاح مقاس 19 المكان ضيق شوي والله يعينك أو تقدر تشيك عليه وهو مكانه عن طريق النفخ والشفط-بالفم-:D إذا نفخت ﻻزم يقفل وإذا شفطت ﻻزم يفتح
عبقري91
15/07/2015, 03:27 AM
فيه ٢ لي طالعات من الراس واحد رايح للكبليتر وواحد رايح لثلاجه الي موجود عندي يطلع زيت هو الي رايح للكبليتر وهذا مافيه يلف لي بس من زمان
SGL
15/07/2015, 03:30 AM
الرايح لثلاجة هذا اللي فيه البلف مكان ماهو مشبوك في الثلاجة هنا البلف والهوز الثاني يركب في قربة الكربريتر هذا من داخل ﻻزم يكون فيه فلتر صغير مربع ﻻزم تكون موجودة:good2:
يالبى الهلا
15/07/2015, 03:36 AM
هالنصابين والسباكين هالايام اي سيارة تدخن اوماتتحرك علي طوووول توضيب ماهو خسران شئ بل العكس مربحة لة
سعودي فلوووووس كثيررررررر
عبقري91
15/07/2015, 06:56 AM
البارح دخلت السياره البيت ونزل الثوب يذيب وقرب العده وافك الكبليتر ونظفته وافك غطا البلفوف اشيك عليها كلها تمام واغير البواجي كلها لاكن ثنين منهن يالله بالموت مشن معاي الهم واشغل السياره
الا تفتفتفتفتف ادعس اصفي شي ماودها
واطلع اطق فره وادعس ماش رحت عليها كم مشوار والفليت وراي غادن تقل بلديه
هي هي ملتغير شي طبعن لقيت احد البواجي راسه مطعوج تقل جايته ضربه من داخل
ووقت ماطفت السياره سمعت خرفشه جت بالمكينه كنها شي انكسر
المهم اني لبقته وقلت خلني اشاور الشباب بمكشات

دام الراس سليم هل يكفي اصلح الشمبر بس بدوم خرط وبدون خرابيط ثانيه
لان الموتر للبر بس لاديره ولا غيره
لاجاء لايح البرق شغلناه لاكن اراد الله امس ورحت اجيبه من الرياض بقنص عليه بالعيد
وكم يكلفني شغله الله لايهينكم ويجزاكم خير

وماقصرتم وشكر خاص
لخواني ي لبى الهيلا
و ي sgl
و ي شد الرحال

الله يوفقكم
salih100
23/07/2015, 01:23 PM
ان شنبرت الموتر بدون الراس صار الجزء السفلي اقوى من العلوي وبيدخن عليك الموتر لان البلوف وجلدها بتصير ضعيفه

اذا السرندل سليم من الخدوش والجروح فلا تخرطه سقط شنبر وغير بساتم ووجيه بلوف وبلوف يعني الله يعين ع نص توضيبه