المساعد الشخصي الرقمي

مشاهدة النسخة كاملة : هو فارس الالغاز بالفعل ناله ...الحل....الماء....حله....ابو ماجد....كفو


صافى السريره
15/07/2015, 04:04 AM
بسم الله الرحمن الرحيم

هو فارس الالغاز بالفعل ناله
...................... تشهد له الخيمه قديم وجدايد

شاعر وحل اللغز لو كاد طاله
........................... يحلها لوكان له حل كايد

واللغز مني له ولابه حماله
..................... صغته لابو ماجد بوقت المعايد

احتل ثلثين الوطا في مجاله
...................... ياكثر ما يعطي من الخير فايد

يفيد للي شد هو وارتحاله
................... ياما عليه يجون لارض(ن) بعايد

ان هوّدت ذا النود يازين فاله
...................... يكود لو هبّت من الريح كايد

اسمه ذكر والضد انثى(ن) قباله
........................ اثنين بالدنيا ولا غير زايد
آل- بوهلال التميمي(ابوراكان)
ناصر العلي
15/07/2015, 04:24 AM
وعليكم السلام ورحمة الله وبركاته

سلمت ياأبوراكان

وصح لسانك

وغالي ومسند على غالي

خذ هالمحاولة العجلة

الونيت...ون1 إيت8

أو

القارمن
صافى السريره
15/07/2015, 04:57 AM
تسلم بالعميد قديمك نديمك
ابو ماجد 2
15/07/2015, 05:24 AM
صح لسانك
صح لسانك ياشاعرنا
اعطيتني يابو راكان فوق مااستحقه لكن كرمك يابى الا الرها الله لايخلينا منك
محاوله

جزلٍ ولغزك مفعمٍ بالجزاله=والجزل مثلك صايرٍ له عوايد
لغزٍ حسب ماشفت وافي مكاله=عذبٍ وجينا صوب نهله ورايد
كل يابو راكان اسرج خياله=هذا يطوفه هذا مامن بعايد
ونا مثل غيري مناتي اناله=والهقوه الماء صار للحل صايد
ثلثين سطح الارض هذا مجاله=واليابسه انثى بها القول سايد
ان هودت بالبحر طاب ارتحاله=ون جاهم الاعصار راحوا بدايد
لولو ومرجانٍ سخيٍ نواله=من شانهن كم ناس ركبوا شدايد
ذي رمعتي معها اسوق الدلاله=ياعل عليها ماتطولن نقايد
اليالقحت والا ادوِّر بداله=ان اسعفن ذهني بسوق الجدايد
راعي الجيب2
15/07/2015, 06:44 AM
صح السانك اخوي صافي السريره لغز من وافي ومسند الوافي
مع ابو ماجد وكنت ابرمع يم وعكسها مي وابو ماجد كفا ووفا
صافى السريره
15/07/2015, 08:47 AM
بسم الله الرحمن الرحيم
ياصاحبي واللغز طيبت فاله
...................... رمعه من الشاطر تجيب الفوايد

والرمي لو طرّف من الصيد ناله
.......................... وابا العوايد دايم الدوم صايد

حلك صحيح وشامل(ن) في مناله
.................واردفت لك شرح(ن) على الغير كايد

خذ يارفيقي واحد(ن) به سهاله
....................... لو كان معلوم(ن) بحزة شدايد

هذا ترى كل من الخلق طاله
......................... تنام مافي النوم لين الوسايد

اسمه وهو معكوس وانت قباله
.................... اثنين كالواحد ولو هم فرايد

والى حذفت الوسط معكوس حاله
..................... يكمل ولا يبقى معه شي زايد

والى قطع راسه يكّون سؤاله
..................... في لغوة الاعجام مثل النشايد
آل- بوهلال التميمي ( ابوراكان)
صافى السريره
15/07/2015, 08:52 AM
صح السانك اخوي صافي السريره لغز من وافي ومسند الوافي
مع ابو ماجد وكنت ابرمع يم وعكسها مي وابو ماجد كفا ووفا

صح بدنك ياراعي الجيب والوفا من مشاركتك
ناصر العلي
15/07/2015, 12:53 PM
بسم الله الرحمن الرحيم
ياصاحبي واللغز طيبت فاله
...................... رمعه من الشاطر تجيب الفوايد

والرمي لو طرّف من الصيد ناله
.......................... وابا العوايد دايم الدوم صايد

حلك صحيح وشامل(ن) في مناله
.................واردفت لك شرح(ن) على الغير كايد

خذ يارفيقي واحد(ن) به سهاله
....................... لو كان معلوم(ن) بحزة شدايد

هذا ترى كل من الخلق طاله
......................... تنام مافي النوم لين الوسايد

اسمه وهو معكوس وانت قباله
.................... اثنين كالواحد ولو هم فرايد

والى حذفت الوسط معكوس حاله
..................... يكمل ولا يبقى معه شي زايد

والى قطع راسه يكّون سؤاله
..................... في لغوة الاعجام مثل النشايد
آل- بوهلال التميمي ( ابوراكان)


سلمت ياأبوراكان

وصح لسانك

هذا

الموت

وعكسه

توم....أثنين

تم

بدون الراس...وت.........ماذا
ابو ماجد 2
15/07/2015, 02:14 PM
بسم الله الرحمن الرحيم
ياصاحبي واللغز طيبت فاله
...................... رمعه من الشاطر تجيب الفوايد

والرمي لو طرّف من الصيد ناله
.......................... وابا العوايد دايم الدوم صايد

حلك صحيح وشامل(ن) في مناله
.................واردفت لك شرح(ن) على الغير كايد

خذ يارفيقي واحد(ن) به سهاله
....................... لو كان معلوم(ن) بحزة شدايد

هذا ترى كل من الخلق طاله
......................... تنام مافي النوم لين الوسايد

اسمه وهو معكوس وانت قباله
.................... اثنين كالواحد ولو هم فرايد

والى حذفت الوسط معكوس حاله
..................... يكمل ولا يبقى معه شي زايد

والى قطع راسه يكّون سؤاله
..................... في لغوة الاعجام مثل النشايد
آل- بوهلال التميمي ( ابوراكان)


هلا بشاعرنا ومبدعنا
صح بدنك يالغالي
والحمدلله انها وافقت رمعته
واللغز الآخر ليتك وضعته فضلا لاامرا بصفحه مستقله
من شان مايحصل تداخل بين اللغزين
والرمعه مثل مايقول الدكتور
الموت الله يحسن خواتيم اعمالنا
ننتظر ختم جودة المرماع منك
صافى السريره
15/07/2015, 02:42 PM
بسم الله الرحمن الرحيم

طب العميد وقلت ياحي فاله
...................... يا مرحبا حييت والعيد عايد

ليتك صبرت لين يستر باله
................... الفارس المغوار راعي القصايد

وافيتنا بالحل والشرح ماله
..................... والكل منكم نال عال الشهايد

يابوعلي واللغز مابه طواله
.................... باسه شديد ان كان هي بالشدايد

الى غدا نصفين والكسر طاله
....................... اقره وجاوبني بزين النشايد

الاوله يفصل بها للدلاله
................ والثانيه مع كل شخص(ن) بصايد

والى حذفت الراس يازين حاله
....................... كل تغذّى منه بالجود جايد

الرب في القرآن من قبل قاله
...................... والناس في الدنيا تحطه سنايد
آل- بوهلال التميمي(ابوراكان)
وعسى ما يزعل الفارس يوم حطيته فيذا
ناصر العلي
15/07/2015, 03:04 PM
سلمت يالغالي

وبيض الله وجهك

هذا

الحديد

وَأَنْزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ

حد.....يد

ديد
ابو ماجد 2
15/07/2015, 03:46 PM
بسم الله الرحمن الرحيم

طب العميد وقلت ياحي فاله
...................... يا مرحبا حييت والعيد عايد

ليتك صبرت لين يستر باله
................... الفارس المغوار راعي القصايد

وافيتنا بالحل والشرح ماله
..................... والكل منكم نال عال الشهايد

يابوعلي واللغز مابه طواله
.................... باسه شديد ان كان هي بالشدايد

الى غدا نصفين والكسر طاله
....................... اقره وجاوبني بزين النشايد

الاوله يفصل بها للدلاله
................ والثانيه مع كل شخص(ن) بصايد

والى حذفت الراس يازين حاله
....................... كل تغذّى منه بالجود جايد

الرب في القرآن من قبل قاله
...................... والناس في الدنيا تحطه سنايد
آل- بوهلال التميمي(ابوراكان)
وعسى ما يزعل الفارس يوم حطيته فيذا







ماعاش اللي يزعل منك يابو راكان
لكن المسأله انك تقدم الغاز راقيه وكل لغز يستحق ان يكون موضوع مستقل يالغالي
وانت بهالطريقه تضيق على امكانية اتاحة مشاهدتها للجميع
والجميع يابو راكان حريصين على متابعة الغازك
صافى السريره
15/07/2015, 03:49 PM
سلمت يالغالي

وبيض الله وجهك

هذا

الحديد

وَأَنْزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ

حد.....يد

ديد

احسنت هذا الحل وكل عام وانتم بخير
صافى السريره
15/07/2015, 03:52 PM
ماعاش اللي يزعل منك يابو راكان
لكن المسأله انك تقدم الغاز راقيه وكل لغز يستحق ان يكون موضوع مستقل يالغالي
وانت بهالطريقه تضيق على امكانية اتاحة مشاهدتها للجميع
والجميع يابو راكان حريصين على متابعة الغازك


هذا من لطفك يابوماجد لكن مثل ماتشوف الالغاز اللي احطها سهله وواضحه والقصد منها مشاركة هالوجيه الطيبه ، وكل عام وأنتم بخير
ابو ماجد 2
15/07/2015, 06:09 PM
هذا من لطفك يابوماجد لكن مثل ماتشوف الالغاز اللي احطها سهله وواضحه والقصد منها مشاركة هالوجيه الطيبه ، وكل عام وأنتم بخير

اللي يجي منك جميل حتى لو كانت خفيفه
والخفيف له سوقه
ولكن حتى بالخفيف تتولد مشكله
فاحيانا اتعمد تخفيفه واقصد فيه حث الجدد ومن ليس لهم مشاركات بالحلول وجرهم للمشاركه والتفاعل بالحلول
لكن ياتيه احد المتمرسين ومن مرماع ينهيه
فاكون بهالحال لاانا زودت عياره من شان هؤلاء ولا هؤلاء استفادوا ورمعوا عليه
النبهاني
15/07/2015, 10:25 PM
ماشاء الله تبارك الرحمن
صح لسانك ملايين يابوراكان وصح لسان الزعيم
فطاحله زاكم الله من فضله
وعظم الله اجركم بشاعركم عبدالله العلي الصقيه التميمي
الله يرحمه ويسكنه الجنه ويلهم ذويه الصبر والسلوان
صافى السريره
15/07/2015, 11:25 PM
ماشاء الله تبارك الرحمن
صح لسانك ملايين يابوراكان وصح لسان الزعيم
فطاحله زاكم الله من فضله
وعظم الله اجركم بشاعركم عبدالله العلي الصقيه التميمي
الله يرحمه ويسكنه الجنه ويلهم ذويه الصبر والسلوان

صح بدنك ولا عليك زود.
وجزاك الله خير الله يرحم ابن صقيه ويسكنه جنات النعيم، خلف ارث ثمين .
يقول من عرض روايعه:
ذا قول من لا باع دينه بدنياه
................ ولا دنع عند الوجيه الكلايف
تميمي(ن) يطعن بحربة دناياه
.............. عظم رقبه ماهيب عزوة حلايف