حراره باترول 4500 موديل 99 [الأرشيف]

ابو انمار

15/07/2015, 04:33 AM

السلام عليكم ورحمه الله

اخواني تقبل الله منكم الصيام وبلغكم العتق في اخر هالشهر الفضيل

عندي باترول موديل 99 مكينه 4500
المكينه تبع ربع موديل 2007 4500

المكينه نظيفه ماشاءالله والراس سليم
غيرت لديتر صيني درجه اولى
وبلف اصلي جديد
وغطاء الرديتر ايضا جديد اصلي
وتم غسيل الرديتر بالجهاز ( غسيل سلندر) اثناء الغسيل طلع الماء نظيف جدا
تعبئه ماء اصلي تبع تويوتا + ماء مقطر
تغير اوتماتك المروحه بواحد اصلي
المراوح الكهرب تعمل بكفائه عااليه(مراوح المكيف)
علما بان الحراره لازالت ترتفع اثناء الزحام او الوقوف اكثر من نصف ساعه الي ماقبل النصف بقليل ويضعف المكيف
وعند المشي بسرعه تنخفض الحراره الي ماتحت الخط الثاني او عليه بالظبط ويبدا المكيف يبرد

والله تعبت اواخر شي رحت عند واحد ميكانيكي يقول يانفك الراس او ننظف مجاري التبريد يمكن فيها سدد

علما بان الماء لاينقص

ابو انمار

15/07/2015, 04:36 AM

انا موجود في جده
اللي يعرف ورشه ممتازه يدلني عليها
او يتواصل معي لاتس تعبت فعلا

وجزاكم الله خيرا

الوسم

15/07/2015, 04:51 AM

نصيحة ....

رجع مروحته شد البلد بالتماتيك الأصلي

وشيك على المروحة الكهربائية شد البلد اللي في الشبك

وتأكد منها أو منهن إذا كانت أكثر من وحده

وركب بلف ديزل بدال البنزين اللي مكتوب عليه درجة الحرارة c76.5

وبعد هذا كلله تعال وعلمني وش صارت حرارته حتى في الزحمة ومشغل المكيف بعد

؟؟؟؟؟

الحل عطيتك أياه من تجربة للموديل اللي معك واللي قبله

وأنا أنتظرك وش تسوي ؟؟

وعساك تبشرني بالخير إن شاء الله

ابو انمار

15/07/2015, 05:07 AM

اخي الغالي الوسم

المروحه الرئيسيه راكبه ماغيرتها فقط غيرت الاوتماتك حقها اصلي

والمراوح اللي ورا الشبك موجوده وتعمل بكفائه عاليه

بخصوص البلف اخذته اصلي مكتوب عليه 76.5

افكر اركب مراوح سوبارو كهربا ومتردد

مالحل افيدونا

يالبى الهلا

15/07/2015, 05:25 AM

(الماء والزيت يلعب دور اساسي في تبريد المكينة)

ه̷̷َـَْـُذآ هو تقريبا نصف الحل الباقي عمر المحرك

ابو انمار

15/07/2015, 05:27 AM

نسيت اضيف معلومه

اول كنت شايل البلف ولما ركبته برضو نفس المشكله الا انها خفت شويه عن اول

يالبى الهلا

15/07/2015, 05:28 AM

لابد ان يكون الزيت اصلي وجديد والعلبة حديد وملائم لحرارة الجوا والمكينة وتكون مجاري الزيت داخل المكينة نظيفة
الشرح طووووويل ،،،،،،،

ابو ساره العنقري

15/07/2015, 06:44 AM

موترك مافيه خلاف
حراره الجو نااااار وش تتوقع يصير بالسياره✋
لاتلعب بموترك بس

راعي الجيب2

15/07/2015, 06:58 AM

نصيحة مجرب عندك تهريب في مجمع الشكمان الملاصق بجنبي المكينه ممكن شرخ لو بسيط كفيل بأرتفاع حرارة السيارة نصيحة افحصها بأقرب وقت اخوك حتى راس المكينه ضببته وهو سليم حسب كلام الميكانيكي ولانفع وبالصدفة اكتشفة ميكانيكي ثاني سنه والحمد لله الامور تمام

ابو انمار

15/07/2015, 11:24 AM

والله ياجماعه الزيت مغير بترومين اصلي كل 5000
كل شي سليم بالسياره مشكله قبل شوي خرجت لفيت بالسياره الاكور تمام
بس طلعت الشمس وحرارتها بدا يوصل امبير الحراره ع الخط الثاني
المهم وقفت عند اابيت بدت ترتفع الي ماقبل النص بشويات
طفيت الموتر وقلت انام ابركلي

بالليل اشيك على كهرب السياره وسلك السالب
وعلى الشكمان
س استفسار

في ميكانيكي يقولي الهوايه ناقصه تحت في قطعه صغيره ماهي موجوده معقوله تسبب حراره ؟

ارجو المساعده من الجميع والتوجيه الله يرضى عنكم

اورنس الشمري

15/07/2015, 11:40 AM

انا ركبت مراوح سوبارو وريحت بالي جدا

اورنس الشمري

15/07/2015, 11:44 AM

موترك لا تلعب فيه ، ترى هذا عيب بالسفاري ودرجة الحرارة عندنا مرتفعة فشيء طبيعي ، لاحظ انه لا مشيت تصير امورك تمام والحرارة ممتازة ليييش ؟
لأن المكينة كبيرة وكمية الهواء على الرديتر قليلة فشيء طبيعي ترتفع الحرارة .

عبقري91

15/07/2015, 04:30 PM

الهوايه حقت المروحه لازم تكون موجوده تحشر الهوا وتجمعه ويصير دفعه قوي بتجاه واحد واذا ماهي موجوده يتشتت الهواء والربل الي فوق الكفرات او البطانه اذا مو موجوده تشتت الهوا وفيه موضوع لواحد من الشباب كاتب عن الربلات وتشتيت الهواء
ويستحسن تخلي الكبوت من ورا مرتفع شوي عشات تطلع السخونه منه
والمراوح الخارجيه للمكيف فقط من وجهت نظر واذا باركب مراوح بدل المكنيكيه ركب لومينا اطلق والسوبارو للء4 سرندل زين اما ال6 وال8 اذا راعي زحمه ووقفات انصح بلومينا

جموول

15/07/2015, 06:33 PM

شيك علي الهوز هل هو مظغوط عند ارتفاع الحراره لايكون العداد فيه مشكله او عندك سحبية هوا في احد الطبات ماتبين معك

الحميضاني

15/07/2015, 07:59 PM

السلام عليكم ورحمه الله وبركاته
اخوي شيك على الرديتر يمكن يكووون السبب منه انا كان على سيارتي راديتر مع الوقوف ترتفع وكل شي سليم واذا مشيت تنزل وغيرت الرديتر الى الرديتر اردني ونسيت شي اسمه حراره وكان رديتري الاول نضيف وما به شي يمكن يكون رديتر

ابو انمار

16/07/2015, 12:14 AM

الرديتر نظيف مغير قبل 7 اشهر لاحد يقولي غيره :(
البلف جديد اصلي :good2:
المراوح تعمل بشكل ممتاز:good::good2:
طرمبه المويه :good2:
غطا الرديتر تم تغيره اصلي :good:
الليات والخراطيش ممتازه مافيها تهريب والمويه ماتنقص ابدا:confused:

والحراره مع الوقوف الكثير وتشغيل المكيف ترتفع الي ماقبل النص بشوي ولما اطفي المكيف تنزل الي الربع او فوقه بشوي

حسب البحث والاستشارات بقي نشيك على الشكمان وسلك السالب الموصل من البطاريه لبدي السياره والمكينه حاولت اليوم اطلع الدنيا زحمه فا اجلت كل شي الي بعد العيد الله يبلغنا واياكم

طلبي الوحيد اخواني اعضاء مكشات وش كمان تشورون علي فيه اشيك عليه غير اللي ذكرته

الله يوفقكم ويسعدكم

سؤال اخير

هل رديتر المكيف له علاقه بالحراره
اتمنى من الاعضاء والاخوان والمشرفين اصحاب الخبره الافاده
واعلمو ان الله سيكون بعونكم مادمتم في عون اخيكم

والله يوفقنا واياكم

الوسم

16/07/2015, 03:13 AM

آخر شيء في نظري

إذا كان كللش سليم

( وزن الديلكو )

ولكن دليل هالكلام انه إذا اسرعت ترتفع الحراره

فهل هالكلام عندك أم لا ؟؟؟

يعني إذا جلدت السيارة بالمشي والسرعه .. هل ترتفع الحراره

أم لا ... ؟؟؟؟

ملاحظه .... أديتر المكيف هو وسط هالمعمعه

فإذا كانت الريش حقاته متسكره على بعض فطبيعي إنه يحجز الهواء عن الدخول للمكينة لتبريدها وهذا سبب لإرتفاع الحراره

في إنتظارك لللفحص وبيان الأسباب

وتبشرنا بأنك لقيت العلله إن شاء الله

ابو انمار

16/07/2015, 03:18 AM

السلام عليكم

بالعكس لما امسك خط الحراره تنزل طبيعي
اديتر المكيف مو متسدد من الخارج
لكن في شخص صاحب محل لديترات قال انو صلاحيته انتهت لانو شد بلد ما تغير ابدا وموديل الموتر 99 يعني له 14 سنه

المشكله بالوقوف والزحمات وخاصه مع تشغيل المكيف تبان اكثر الحراره

ابو انمار

18/07/2015, 06:46 AM

للرفع والمشوره

لاتبخلون علينا

ابو انمار

18/07/2015, 08:07 AM

aeyashi

18/07/2015, 10:21 AM

شيك على المراوح الاماميه ظروري انا عانيت وتعبت وغيرت الديتر وكل ادوات الحراره وبتلاخير طللعت المروحه الاماميه كانت تعلق وكنت اشوفها تشتغل لكن ظعيفه وتتوقف

سعد العايش

18/07/2015, 11:11 AM

اخي العزيز من واقع تجربه بسفاري كذا مديل شيك على اشبك حق راديتر المكيف ( المكثف ) تراى يمنع وصول الهواء الى الرديتر وشيك على حكارات الهواء
1 - الحكاره الأساسيه
2- الاسفنجات الي فوق ارديتر
ملاحظه ارديترالصيني سيء جداً الهندي افظل منه
وان كان اصلي افضل ونشالله خير

الوسم

18/07/2015, 02:53 PM

للمعلومية ....

كان لي تجربة مع الأديتر الصيني

وسلمت منه ولله الحمد

ركبته ولا كمل 7 شهور ممتااااااز التبريد

ولكنه إفقع فقع !!!!!

إي نعم ... إنفقع ..

ورجعت شريت الأديتر الأصلي شد البلد بألف وميتين ريال غير التركيب والمويه

وبالنسبة لك..

لا عاد توقف إلا مرغما وإذا إنحديت على الزحمه !!!

طف المكيف ألين تفك الزحمة

وبالتوفيق

ابو انمار

20/07/2015, 02:40 PM

للرفع والاستزاده من الخبرات

MOHMMADal

20/07/2015, 02:56 PM

السلام عليكم اخي الكريم شوف وزنية الديلكو له علاقة بالحرارة

احمد النزهه

21/07/2015, 06:25 AM

نفس موتر ي يبخاخ ترتفع الحرارة فوق الربع وش الحل يالربع
ارمب مراوح

SGL

21/07/2015, 07:20 PM

السلام عليكم

اخواني قبل شوي نزلت وشغلت السياره وراقبت المروحه الرئيسيه شد بلد
لقيت فيها رجه خفيفه كانها تتهز بالرغم اني مغير الاوتماتك اصلي

وش بتكون المشكله من وجهه نظركم
يا شباب مكشات
طف الموتر وأمسك المروحة وهزها بيدك فوق تحت يمين يسار إذا فيها فضاوه واضحة يكون الخلل من طرمبة الماء وتأكد إن المهندس ركب المروحة على الكلتش صح ترا بعضهم يركبها معكوسه ولاهو داري

F34666

22/07/2015, 01:23 PM

يابو انمار اسمع من وخذ المناسب لك اذا كانت السيارة ترتفع الحرارة عند الوقوف يكون المشكلة في تماتيك المروحة هذي واحدة وانا عارف انك مغير جديد يمكن مغشوش او خربان واذا كانت السيارة ترتفع عند السير بسرعة 140 وما فوق فالسبب هو الراديتر عنديلك حل غير مكلف شفلك واحد معه نفس موترك تعرفة وتمون عليه ولا عنده مشكلة بالحرارة وخذ من سيارته التماتيك وجرب

ابو انمار

22/07/2015, 02:07 PM

خلاصه الكلام يا شباب

المروحه الرئيسيه لما تشتغل السياره وهي واقفه تدور بس تحس فيها رجه بسيطه

ولما تدوس بنزيم تروح الرجه

الشك بطرمبه المويه يكون فيها ضعف او البكره اللي عليها السير
بالرغم ان الطرمبه كويسه وتقلب المويه حسب كلام راعي الرديترات

الليله باذن الله نكشف اللغز الكبير واوافيكم بالمستجدات

اشكر كل شخص رد وارسل رساله
اشكره من كل قلبي
لا عدمناكم يالغاليين

الوسم

22/07/2015, 03:23 PM

في إنتظارك يا أبو أنمار

وإني أكثر شوقا لمعرفة السبب

You Like Me

22/07/2015, 08:41 PM

السلام عليكم ورحمه الله

دام مافيه نقص ماء الطرمبه سليمه ان شاء الله
شيك على كتاوت مروحه المكيف او على المروحه نفسها
وان حصلك اذا ارتفعت الحرارة توقف وتشوف مروحه المكيف هي تشتغل والا
الله ييسر لك الامر

احمد النزهه

23/07/2015, 02:27 PM

نفس موتري حرارة فوق الربع مع البلف وفكيت البلف ربع
لكن اذا طفيت الموتر المروحه تدور تطول ماتاقف يعني خربان التماتيك مروحه وش رايكم
الرديتر صيني موديل 2000 بخاخ

ateeq7

23/07/2015, 02:33 PM

ateeq7

23/07/2015, 02:33 PM

نفس موتري حرارة فوق الربع مع البلف وفكيت البلف ربع
لكن اذا طفيت الموتر المروحه تدور تطول ماتاقف يعني خربان التماتيك مروحه وش رايكم
الرديتر صيني موديل 2000 بخاخ
غير كلتش او المروحه كامل

شاق النفد

23/07/2015, 05:36 PM

اول شي تاكد من رديترالمكيف ومن فتحاته لايكون مسدود
ثاني شي تاكد من المراوح اللي بين الشبك ورديترا لمكيف انها تشتغل مع الكمبرسر
والله يعينك

الفرسان2000

23/07/2015, 07:48 PM

أخوي فيه ماصوره ماء تنزل من المكينه الى السيفون حق الزيت للتبريد
شيك عليها تحصلها مسكره بدلها وترتاح

وهذا رقمي بعد اذن الااداره
للفائده اكثر0555980515

الفرسان2000

23/07/2015, 07:51 PM

ابو انمار

24/07/2015, 11:05 PM

السلام عليكم

بعد اللف والتعب والوقوف على اكثر من ورشه
اتفقو ان كل شي سليم

بس الرديتر الصيني ماينفع على الجيوب لان مكاين الجيوب قويه
فمبالك مكينه 4500
قالو غير اصلي وكاله او اردني
الافضل الوكاله صحيح غالي بس يريحك

قلت استشيركم

بكره اشييك على الماصوره حسب كلام الاخ الفرسان2000

بانتظار ارائكم

ابو انمار

24/07/2015, 11:08 PM

الغريب لما اشغل المكيف والسياره واقفه لفتره الحراره تروح النص اطفي المكيف تنزل سريع فوق الربع بشرطه ؟؟؟؟؟

cadillac911

25/07/2015, 01:23 AM

لا تغير ولا شي المشكلة عندك من السرعه الخاملة مع المكيف في عندك في دروس علامة المنتدى اصيل حجازي عن رفع السرعه الخاملة وشيك على كلتش المروحة

اذكر الله تكسب حسنة

ابو فهد...

25/07/2015, 12:17 PM

تاكد من البطانات الي بالرفارف من داخل والهوايات كلهن تصير موجوده الاردني مجربه انا كويس

joblak

25/07/2015, 03:17 PM

هذي صار لي بموتر لاند جي اكس ار كل شي بدلتة وبلف حق ديزل حطيت تماتيك مروحه بدلت ولا راحت مشكلته الكاد ان الميكانيكيه اتفقوا ان البلام من مجاري المكينة قلت خلوه على وجهه

يقهرك على الخط او ما تحرك تنزل الحراره واول ما توقف ترتفع لي تحت النص وتثبت

ابو انمار

13/08/2015, 06:20 PM

السلام عليكم ورحمه الله وبركاته

اخواني الكرام اليوم شغلت السياره بعد وقوفها لفتره وبعد مشوار لقيت مويه تصب من اسفل
فكيت الكبوت وكانت المفاجاه في تهريب من اللي اللي نازل من ماصوره الي السيفون حق الزيت
تذكرت كلام الاخ الفرسان فعلا كلامه طلع مزبوط في تهريب بالرغم ان الماء ما ينقص كثير ولم اخذ بالي
غير الفتره الاخيره لقيت القربه ناقصه تحت النص

غير كذا في ماصوره رايحه لفتحات المكيف اعتقد انها ماصوره المكيف الحار لقيت فيها اثار ترشيح ماء لونه احمر
حيث اني غيرت الماء احمر في اخر رمضان وتتبعت اثار الماء لقيت في مواصير عليها بعض اثار الماء الاحمر

اليوم انشاءالله او السبت اذا الله احيانا نروح نظبط الموتر ونشوف بعدها تزبط او لا

طلبي يا اخوان انا بالمدينه المنوره الان هل فيكم احد يعرف محل لديتر او ميكانيكي عنده ايمان وخوف من الله ومسلم

وما يكون موسه حاااد

ارجو المشوره لا عدمناكم

احمد النزهه

14/08/2015, 08:05 AM

بلف ااديزل كم موديل وش السياره باترول ولا جي اكس
الله لايهينكم يركب إلى باترول 99

Sniper 2015

14/08/2015, 10:56 AM

نفس موتري حرارة فوق الربع مع البلف وفكيت البلف ربع
لكن اذا طفيت الموتر المروحه تدور تطول ماتاقف يعني خربان التماتيك مروحه وش رايكم
الرديتر صيني موديل 2000 بخاخ

عندك التماتيك منفرط لازم تغيره هاذي احصلت مع واحد وغير تماتيك وضبط علماً ان مركب اديترجديد

mazaje

17/08/2015, 10:15 PM

ابو نمار اشتر لك موتر جديد وترك السكريب

مطر وسم

19/08/2015, 11:03 AM

ياحلو جيوب التايوتا ماتعرف حراره ابد

ابو انمار

24/08/2015, 05:16 PM

تم شراء الجلده اليوم من الوكيل نيسان
وركبتها بيدي وبشحمي ولحمي على قوله اخونا ابو عبدالرحمن

لان اغلب الورش حراميا نصابين ومايخافون الله

صحيح تعبت لان مكانها صعب علي بحكم الكريشه اللي مربيها ولاني مافهم كثير ولا عمري اشتغلت ميكانيكي

جاري تجربه السياره اليوم وبكره وسنوافيكم بالمستجدات

لاتنسونا من دعائكم

ابو انمار

24/08/2015, 05:18 PM

بخصوص بعض تعليقات من بيع الموتر والردود المحبطه احب اقولهم شي واحد

اللي مايعرف الصقر يسويه مطبق

الوسم

25/08/2015, 12:18 AM

في إنتظارك يا أبو أنمار تبشرنا

cz527

27/08/2015, 09:18 PM

سؤال وابي اجابة
هل تشم ريح بنزين بالسيارة حول الكبوت؟

ابو انمار

30/10/2023, 08:37 PM

السلام عليكم ورحمه الله وبركاته

بعد إيقاف الموتر قريب 8 سنوات
تم إخراجه من غيابات الجب وبعد مانفض ابو جيبي نفض اكتشفت المشكلة مروحة المكيف للاسف لاتعمل بصورة جيدة رغم تأكيد الكهربائي انها ممتازة

سيتم تركيب مروحة سبال بدل مروحة المكيف الوكالة وتغيير عداد الحرارة

نوافيكم قريبا وعذرا على الغيبة الطويلة

ابو انمار

30/10/2023, 08:39 PM

السيارة وقت المشي وطلوع العقبات اموره ممتازة مشكلته فقط في الوقفه

وبما ان الأجواء الان شتاء سيتم تأجيل تركيب المرواح الي بعد الشتا

ولكن المشكلة وجدناها بالمرواح الكهرب الأمامية وعداد الحرارة ماهو طبيعي يلعب ساعات طلوعا ونزولا بطريقة بطيئة