المساعد الشخصي الرقمي

مشاهدة النسخة كاملة : دكتورنا واللغز فيه البساطه...الحل...شماغ...حله...د/ناصر العلي...كفو


ابو ماجد 2
15/07/2015, 03:51 PM
بسم الله الرحمن الرحيم

السلام عليكم ورحمة الله وبركاته

لغز خفافي اتمنى ان ينال رضاكم


دكتورنا واللغز فيه البساطه=عن الذي نوب العنايه نواليه
طراف اسمه لو يزاحن نقاطه= بين فعل بنتٍ تجدها حواليه


مع تحيات ابو ماجد

منتديات مكشات . خيمة الالغاز
عابر الجوف
15/07/2015, 03:55 PM
يامال العافيه يابو ماجد

صح السانك صح السانك صح السانك

دمت طيب ياطيب
ناصر العلي
15/07/2015, 04:38 PM
وعليكم السلام ورحمة الله وبركاته

سلمت ياأبوماجد

وصح لسانك

ومشكور يالغالي إسناد هاللغز

محاولة

شماغ

سماع

فعل الأذن
ابو ماجد 2
15/07/2015, 06:13 PM
يامال العافيه يابو ماجد

صح السانك صح السانك صح السانك

دمت طيب ياطيب


هلا بك يابو عويد
وصح بدنك
وحنا يالغالي استهلكنا صرنا نجدد بالغاز قديمه
وليتكم يالجدد ماتتاخرون بطرحكم
ابو ماجد 2
15/07/2015, 06:26 PM
وعليكم السلام ورحمة الله وبركاته

سلمت ياأبوماجد

وصح لسانك

ومشكور يالغالي إسناد هاللغز

محاولة

شماغ

سماع

فعل الأذن


سلمت من الشر وصح بدنك
كفوووووووووووو كفوووووووو
نعم
شماغ
وهاللغز يحمل ذكرى اثنين كان لهم دور لايمكن نسيانه بهالمنتدى
فاللغز كان موجه لمشرفتنا قوافي والحل اتى من ابو ذيبان
اللغز السابق



من جالنا بالقبح يجني قبيحه=ومن جالنا بالطيب طيبٍ نواليه
وهذي قوافي والفعايل فليحه=دربه بهالخيمه تباها زواليه
حقه علينا الثناء والمديحه=كم لغز شوف العين دلّت تواليه
لغزي حروفه اربعه لو تشيحه= واربع نقاطٍ تلتقيها عواليه
لو كان قوافي كل نقاطه تزيحه=يظهر فعل بنتٍ تجدها حواليه


وكان رد حبيبنا ابو ذيبان


كفو كفو ياسيدٍ بالقريحة=والذيب لاتـنشد علامه عوى ليه
يعوي طرب فوق الجبال الفسيحة=يامطربٍ ليته تكاثر خواليه
شماغنا الرسمي وفكرة صحيحة=نغليه من طيبه وحنا غواليه
اما سماع الاذن فعل المريحة=نسمع بها رعادنا عز واليه
اما قوافي الخير ماهي شحيحة=بحر الكرم تغرف لنا من تواليه
ناصر العلي
16/07/2015, 03:25 AM
سلمت ياابوماجد

وصح لسانك

وبيض الله وجهك

وكفوك الطيب يالغالي

والله يذكر مشرفتنا قوافي وحبيبنا أبوذيبان بالخير

تحياتي