حرارة الفتك وهو واقف

[الشمري سعد]

أخوتي الكرام .. السلام عليكم
تقبل منا ومنكم وكل عام وأنتم بخير

مشكلتي مع الفتك 2003
قدر الله وخبطت المكينه ووضبتها
كلف التوضيب حوالي 10 الاف ريال
طبعا انا اشتريته بالشتاء وكل شي تمام وخبط آخر الشتاء
المهم :
الحرارة ترتفع وهو واقف مع المكيف بعد 10 دقايق تقريباً وتتعدا النص
دخلت الخيمة وسويت كل اللي قالوا عنه الشباب :
غيرت غطا الرديتر والقربة
غيرت البلف
غيرت كلتش المروحة
غيرت الرديتر
سكرت الفتحات اللي جنب الرديتر
غيرت طرمبة الماء
غيرت المراوح الكهرب الأمامية
غيرت ماء الرديتر مرتين وغسلت السلندر
طلعت الهواء اللي في الرديتر والسلندر

ولازالت الحرارة ترتفع وهو واقف ليل او نهار
سافرت عليه عدة مرات بالنهار وامشي 160 مع المكيفين والثلاجة والحرارة ربع
اذا وقفت ترتفع واذا مشيت تنزل



طولتها عليكم .. بس والله جننتني

اللي عنده حل لا يبخل علي

وشكراً لكم

[السليطين]

مشكلتك من الديلكو ...

اوزنه وان شاء الله امورك تمام

[الشمري سعد]

اخوي السليطين بيض الله وجهك
اليوم ان شاء الله بروح اوزنه

[الداهي]

http://www.mekshat.com/vb/showthread.php?t=590479شوف هذا الرابط يمكن يفيدك

[الداهي]

أفحص جميع أهواز الماء يمكن في شى منهم مغلق وبعدين شف لك ميكانيكي مختص بالديلكو لاتنسى متخصص بالديلكو ونصيحة لك واللي يقراء الموضوع أذا رحت تصلح موترك عند الكراج تعلم منه وش يسوي وأسأل وشوف طريقة التصليح وحاول أتعلم مو بس تخلي السياره وتمشي

[الحميضاني]

شيك على اتوماتيك المروحه هو السبب الرئيسي للحراره مع الوقوف والمكيف شغال

[الشمري سعد]

بارك الله فيكم جميعاً

بالنسبة لكلتش المروحة غيرته قبل اسبوعين .. معقولة يكون عطلان !؟

وكيف أعرف هل هو خربان او لا ؟

[الحميضاني]

فره بيدك اذا خفيف معناه خربان او طف السياره وخل واحد يشوفه اذا طول وهو يفر ما وقف على طول خربان

[أبو الوليد 14]

أخوي انا عندي نفس مشكلتك فتك توماتيك
حرارة توصل للنص ولو اخليه وصلت الH و الليات محجرة على طول ...لكن مع المشي الحرارة ممتازة
سويت مثل اللي سويته انت مع شغلات ثانية مثل :
شيكت على الحساس حق الحرارة سليم
لقيت تهريب في لي يوصل للدعسة من جنب المكينة وغيرتة
ايضا قلت يمكن المراوح الامامية ضعيفة ، بدلتها بمروحتين حقت مرسيدس شبح قويااااات جدا
ملاحظة اذا غسلت مجاري الماء ،،،الموية اللي تطلع نظييييفة جدا
شيكت على الهواية حقت المروحة سليمة
الديلكو موزون صح
قلت يمكن الدينمو فيه ضعف بسيط ويؤثر ... وطلع سليم


ولا زالت المشكلة موجودة .....اعتقد وجه الراس فيه مشكلة أو الكمبروسر فيه مشكلة بحيث انه يؤثر على دوران البكرات بشكل سلبي
اذا عرفت الحل خبرنا الله لا يهينك

[بوردي عرعر]

كل عام وانتم بخير من العايدين الفايزين

انا كانت عندي مشكله مع الحراره
وغيرت كل الاهواز وسويت غسيل للرديتر وغيرت المواسير

والحمد لله كل شي 100%

[aeyashi]

كل الذي غيرته انت انا ايضا غيرته في جيب فتك ٢٠٠٢ الديتر غيرته اصلي من الوكاله بي ٢٢٠٠ ريال
بالاخير طلع عندي احدى المراوح الاماميه كانت تشتغل بس ظعيف واحيانا تشتغل وتعلق وانا بلخط واقف انزل وشوفها تشتغل واحيانا توقف غيرتها ونزبطت الامور والحمدالله

[ستار سات]

يا سعد تأكد من المروحة الرئيسية (مروحة المكينة اللي فيها الكلتش) لا تصير صغيرة ، إذا هي صغيرة بدلها بكبيرة . (مروحة الفتك قير عادي صغيرة ، و القير التماتيك كبيرة )

[صدى الاطلال]

افتح الرابط أدناه واقرأه جيدا
وباذن الله تجد حل مشكلتك
http://www.mekshat.com/vb/showthread.php?t=590479
3-10-1436

[السليطين]

غير الاديتر وركب وكاله واذا مانفع غير وزنية الديلكو ...

هذي هي الاسباب الرئيسية لحرارة الفتك

[الشمري سعد]

http://www.3rbz.com/uploads/5a08749520011.jpg

http://www.3rbz.com/uploads/815de6d091db1.jpg

http://www.3rbz.com/uploads/0bfb25443ecb2.jpg

شرايكم ياشباب ..
مو كأن المروحة بعيدة شوي :/

[MOHMMADal]

عليك بتسييخ الرديتر او انك تغيره ان شاء الله راح تدعيلي

[الشمري سعد]

عليك بتسييخ الرديتر او انك تغيره ان شاء الله راح تدعيلي

بارك الله فيك .. الرديتر جديد

[واثق الخطوه-]

المروحه كنها مقلوبه والغطاء ركب اصلي وعلمنا وش يصير عليك

[فتك08]

غطاء الاديتر تجاري ماهو اصلي
قبل كل شي غير الغطاء
اذا موترك تماتيك
فغطاء الاديتر بدون صمام و غطاء القربة بصمام و عليه رقم88kpa
و اذا موترك عايدي
فيفيدونك الاخوان
سؤال
الاديتر اصلي؟

[الشمري سعد]

غطاء الاديتر تجاري ماهو اصلي
قبل كل شي غير الغطاء
اذا موترك تماتيك
فغطاء الاديتر بدون صمام و غطاء القربة بصمام و عليه رقم88kpa
و اذا موترك عايدي
فيفيدونك الاخوان
سؤال
الاديتر اصلي؟

هلا اخوي فتك 8
الاديتر مو اصلي "سلامة"
وهذا الغطا اللي جاي معاه
وبالتسبة للاديتر انا بدلته مع واحد راعي فتك اديتره اصلي لمدة يوم
موتري ارتفعت حرارته مع الوقوف وموتره لا :(

[شنطة عده]

اعتقد ان هذي المشكله هي مصنعيه ...عندنا في العمل سفاريات فتك وكلها اذا وقفت تحتر وترتفع حرارتها الى الاتش

[F34666]

انا معي فتك 2002 ماشي 580 الف الحرارة على الربع على طول مع المكيف واقف ساعة ولا يرتفع

[F34666]

خذ تماتيك المروحة حق صديقك وركبه على موترك وشوف يمكن الجديد مغشوش

[الوعب]

هذي مشكله الفتك (الحراره) و الحقيقه ان مشكله الحراره تشتت الواحد لان الاسباب كثيره .
انا حاليا عندي نفس المشكله و امس مغير كلتش المروحه ،، و الي لاحظته ان الما في القربه الاحتياطيه و الرديتر ينقص .. مع ان الرديتر وكاله و مسوي له تصييخ عند شخص محترف .
ترتفع فوق الربع .. حراره الفتك الطبيعيه المفروض تكون تحت خط الربع بشي بسيط ،، مع الوقوف في عز الصيف يرتفع المؤشر الى خط الربع ولايتعداه ابدا .. هذا اذا الوضع عندك سليم و هذا هو المطلوب .

حاليا انا شاك في الراديتر ،، بشوف اذا نقص الماء معناته الرديتر يهرب او احد الهوزات
الله المستعان و الله يوفقك

[ابوسند9]

هذي مشكله الفتك (الحراره) و الحقيقه ان مشكله الحراره تشتت الواحد لان الاسباب كثيره .
انا حاليا عندي نفس المشكله و امس مغير كلتش المروحه ،، و الي لاحظته ان الما في القربه الاحتياطيه و الرديتر ينقص .. مع ان الرديتر وكاله و مسوي له تصييخ عند شخص محترف .
ترتفع فوق الربع .. حراره الفتك الطبيعيه المفروض تكون تحت خط الربع بشي بسيط ،، مع الوقوف في عز الصيف يرتفع المؤشر الى خط الربع ولايتعداه ابدا .. هذا اذا الوضع عندك سليم و هذا هو المطلوب .

حاليا انا شاك في الراديتر ،، بشوف اذا نقص الماء معناته الرديتر يهرب او احد الهوزات
الله المستعان و الله يوفقك
اخوي الوعب
ما عمري سمعت او شفت ان حراره القتك حتى في عز الشتاء تحت خط الربع
حرارة الفتك في الشتاء على الربع
وفي مثل هذه الاجواء ومع الزحمات فوق الربع بشي بسيط وهذا شي طبيعي با الفتك ولا يضر ,واحينا في مثل هذه الاجواء اذا طفيت السيارة تسمع غليان قربة الماء
وقربة الماء اللي بجانب البطاريه لا تملها ماء ضع فيها ثلاث ارباع وحاول تغلق القربه والاديتر الصباح واذا االنقص شي بسيط لا تستعجل وتسوي شي فممكن عندك هواء داخل المكينه
واذا اللي مسيخ الاديتر عندك سواء فحص للاديتر با الهواء فا اتوقع الاديتر سليم
انت الحين فك غطاء المكينه البلاستيك فيه كذا هوز شيك عليها
برضو شوف بجهة السلف ما صورة ماء جايه بعرض سرندل المكينه شيك عليها هذي دائم من الصداء تهرب ماء
وبرضو شيك على الدفايه داخل السيارة

[الوعب]

اخوي الوعب
ما عمري سمعت او شفت ان حراره القتك حتى في عز الشتاء تحت خط الربع
حرارة الفتك في الشتاء على الربع
وفي مثل هذه الاجواء ومع الزحمات فوق الربع بشي بسيط وهذا شي طبيعي با الفتك ولا يضر ,واحينا في مثل هذه الاجواء اذا طفيت السيارة تسمع غليان قربة الماء
وقربة الماء اللي بجانب البطاريه لا تملها ماء ضع فيها ثلاث ارباع وحاول تغلق القربه والاديتر الصباح واذا االنقص شي بسيط لا تستعجل وتسوي شي فممكن عندك هواء داخل المكينه
واذا اللي مسيخ الاديتر عندك سواء فحص للاديتر با الهواء فا اتوقع الاديتر سليم
انت الحين فك غطاء المكينه البلاستيك فيه كذا هوز شيك عليها
برضو شوف بجهة السلف ما صورة ماء جايه بعرض سرندل المكينه شيك عليها هذي دائم من الصداء تهرب ماء
وبرضو شيك على الدفايه داخل السيارة

السلام عليكم

لا اشكك في مستوى معرفتك اخوي ابو سند ،، نتعلم منك جزاك الله خير و رحم الله والديك

بالنسبه لحراره الفتك فالصور توضح ماعنيته بانها تحت خط الربع (للتو التقطتها)

http://www.m5zn.com/newuploads/2015/07/22/jpg//bca502b4bee5db6.jpg

http://www.m5zn.com/newuploads/2015/07/22/jpg//f9ce415ad07517b.jpg

الموتر اذا كانت جميع الامور المتعلقه بالحراره سليمه و 100% يفترض ان تكون حراره النيسان اثناء المشي المعتدل في الصيف او الشتاء بهذا الشكل .
و اذا ارتفعت ترتفع فوق خط الربع بنفس قدر نزولها في الصور اعلاه .
طبعا اخوك الوعب من سكان قطر و يمكن الرطوبه عندنا تشكل فارق بشكل او باخر مع حراره السياره ،، ولكن هذي الحراره كانت نفسها خلال استخدامي لسيارتين فتك 2004 وواحده 2006 الا في حال جلد الموتر على سرعه عاليه او في التطعيس .

السياره الحاليه من اخذتها و فيها مشكله في الحراره لاتدعو للاطمئنان و انا حاليا ابحث عن الاسباب و منها تبديلي امس لكلتش المروحة فخلال الايام الفائته حراره موتري ليست كما في الصوره ،، كانت ترتفع الى مابين الربع و المنتصف اثناء الوقوف او السرعه فوق 140 الى درجه ان مكيف السياره تقل برودته بشكل كبير و هذا ما يثبت وجود خلل ما ولا اعلم هل السبب من الكلتش او تهريب من الرديتر او احد الهوزات.

راح اتابع ان شاءالله في الايام القادمه مستوى ماء الرديتر و راح اشيك ايضا على الهوزات الي ذكرتها .
جزاك الله خير و بيض الله وجهك .

[salih100]

لااله الا الله

شد السيور زين والشداد

راجع التشييك على تماتيك المروحه

طيب قبل التوضيب مع الوقفه امور الحراره كويسه

في شغله اتوقع ان لها دخل في الحراره
ارجع للميكانيكي الي وضب موترك او لاي ورشه متخصصه في مكاين النيسان وشف عمود الكام موزون مع عمود الكرنك وهذا خله اخر احتمال اذا لازم تفك الراس لان بعض السيارات يقدر المكانيكي يشوفها من فتحات موجود بصدر المكينه يفتحها ويشوفها لان لها وزنيه العمودين مرتبطه مع بعض من شان ما يقفل بستم ويقفل بلف مع بعض او العكس

ولا تنسى تصب نيله ملابس اذا في تهريب في اي هوز عندك لان اللون الازرق حق النيله اذا تبخر سوى لون على الهوز من الخارج

برضو لا يكون حابس هواء * شغل الموتر وهو بارد من غير غطاء اديتر واتركه حتى يحتر شوي وتفور الماء شي بسيط وبعدها طف الموتر واتركه الى ان يبرد وبعدها زوده ماء وسكر الغطاء وشف وش يطلع معك

[الشمري سعد]

لااله الا الله

شد السيور زين والشداد

راجع التشييك على تماتيك المروحه

طيب قبل التوضيب مع الوقفه امور الحراره كويسه

في شغله اتوقع ان لها دخل في الحراره
ارجع للميكانيكي الي وضب موترك او لاي ورشه متخصصه في مكاين النيسان وشف عمود الكام موزون مع عمود الكرنك وهذا خله اخر احتمال اذا لازم تفك الراس لان بعض السيارات يقدر المكانيكي يشوفها من فتحات موجود بصدر المكينه يفتحها ويشوفها لان لها وزنيه العمودين مرتبطه مع بعض من شان ما يقفل بستم ويقفل بلف مع بعض او العكس

ولا تنسى تصب نيله ملابس اذا في تهريب في اي هوز عندك لان اللون الازرق حق النيله اذا تبخر سوى لون على الهوز من الخارج

برضو لا يكون حابس هواء * شغل الموتر وهو بارد من غير غطاء اديتر واتركه حتى يحتر شوي وتفور الماء شي بسيط وبعدها طف الموتر واتركه الى ان يبرد وبعدها زوده ماء وسكر الغطاء وشف وش يطلع معك

الحرارة قبل التوضيب كانت تمام ..
شيكت ع اللي قلت لي عليه وكله تمام

اخر شي اكتشفته : المكينة مرتفعه من قدام عشان كذا المروحة طالعه من الهواية من فوق
وياليت تشوف الصور فوق

والدليل على ارتفاع المكينه ان الكبوت يحك بغطا المكينة وطابع عليه

شكراً لك اخوي صالح

[salih100]

الحرارة قبل التوضيب كانت تمام ..
شيكت ع اللي قلت لي عليه وكله تمام

اخر شي اكتشفته : المكينة مرتفعه من قدام عشان كذا المروحة طالعه من الهواية من فوق
وياليت تشوف الصور فوق

والدليل على ارتفاع المكينه ان الكبوت يحك بغطا المكينة وطابع عليه

شكراً لك اخوي صالح
بالتوفيق
شكل الورشه من جنبها

[باترول8880]

السلام عليكم اخوي الشمري سعد انت قلت انك موظب المكينة هل وزنت البلوف بعد اسبوعين من التوظيب لان البلوف اذا قفلت ترتفع الحرارة وسلامتك

[الشمري سعد]

السلام عليكم اخوي الشمري سعد انت قلت انك موظب المكينة هل وزنت البلوف بعد اسبوعين من التوظيب لان البلوف اذا قفلت ترتفع الحرارة وسلامتك

لا والله ياخوي ما وزنتهن :(

[أبو الوليد 14]

بشر ...عساك حليت المشكلة ؟