لغزٍ ونا خففت فيه الكلايب ...الحل...العارض...حله..مسيرود/ناصر العلي...كفو

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز خفافي ياعل اللي مايشاركون بالحلول يدفعهم للمشاركه


لغزٍ على اللي يعشق اللغز ذايب=ذهني اِلجديد الساح بالغطو ساقيه
لغزٍ ونا خففت فيه الكلايب =مابغى جديد الساح بالحل شاقيه
ان جاله اللي عاشقٍ للصعايب= رجواي بالتلميح يبقي متاقيه
عن اسم لا منِّك ضبطت الحسايب =ماظن تغدي ياصحيبي طراقيه
عن عاصمتنا اليوم لاشك غايب=لكن ترى بالوجه وكادٍ تلاقيه
وليالعبت الحرف دوك النخايب=بيتين توطد يارماته مراقيه
ان راح منه الذيل ارَّث معايب= ون راح منه الراس بنتٍ بواقيه
ون جيت دون الذيل للاسم آيب=وصفٍ لنا من داعي الحق ناقيه


مع تحيات ابو ماجد

منتديات مكشات . خيمة الالغاز

[راعي الجيب2]

وعليكم السلام ورحمة الله وبركاته

عيدكم مبارك وكل عام وانتم بخير

حبينا نبارك بالعيد واللغز جاري التفكير

[المندحي 7]

وعليكم السلام والرحمه
صح لسانك يابوماجد
وكل عام وانت بخير
طسوج
طسو
سوج
وسط

[ابو ماجد 2]

وعليكم السلام ورحمة الله وبركاته

عيدكم مبارك وكل عام وانتم بخير

حبينا نبارك بالعيد واللغز جاري التفكير

ياهلا ومليون هلا
وعيد مبارك على الجميع
ومن العايدين الفايزين
الله يبارك بايامك ولياليك
شرفتنا وانتظر مرماعك

[ابو ماجد 2]

وعليكم السلام والرحمه
صح لسانك يابوماجد
وكل عام وانت بخير
طسوج
طسو
سوج
وسط

ياهلا بالغالي
من العايدين الفايزين
صح بدنك
شرفتنا واللغز لايزال طليق

[ناصر العلي]

وعليكم السلام ورحمة الله وبركاته
سلمت ياابوماحد
وصح لسانك
ومن العايدين الفايزين المقبولين
ونترك المجال يالغالي حسب طلبك
ومتى ماسمحت حنا مستعدين
تحياتي

[ابو ماجد 2]

وعليكم السلام ورحمة الله وبركاته
سلمت ياابوماحد
وصح لسانك
ومن العايدين الفايزين المقبولين
ونترك المجال يالغالي حسب طلبك
ومتى ماسمحت حنا مستعدين
تحياتي


هلا بدكتورنا
سلمت من الشر وصح بدنك
وكل عام وانتم بخير
يالغالي انت فهمتني خطأ
ماطلبته هو تلميح للحل
فالتلميح لايعرف مقصودك الا صاحب اللغز
وبالتالي تحفظ حقك بالحل ومن يرمعه بعدك يكون شريك بالحل
وهذا ماكان يعمد اليه زميل مثلك ومثل بعض الاخوان رميع وهو الشاعر كاتم الونه
واليك نموذج
اللغز لي ويقولريشتي سيري ثباتٍ واكتــــــبي=اكتبي لغـــــــــــــزٍ ولا به مـايريب
وش فتاتٍ رافقت شخص النبــي=سيدٍ للخلق مابــــــــــه مايعـيب
و دولتي تشهر سلاحه ماتبــــي=ماتبي هالبنت صـارت له حـــريب
وهذا تلميح بالحل من كاتم الونه

ياثلاث ابيات حلى وارحبي=جابك الغالي علينا هـ.الحبيب
واركبي يارمعة اللغز اركبي=فوق نادوس الفكر دربك صعيب
وان وصلتي حولي وادبي دبي=وامسكي في لغز مطروقا عجيب
وامسكي راس البنية واذهبي=يم ذيـبٍ ياكله يقنب قنيب
كودها تفنى ولايبقى غبي=مانبي غير المهندس والطبيب
واقربي يابنت فكري اقربي=اقربي مثل الخطيبة للخطيب
والعبي ياقاف غالي..العبي=فوق صفحة نورها لامايغيب
واطربي من مر عندك اطربي=اطربي كالطير يصدح بالشعيب
واشربي من غيث مبدع اشربي=شاعرٍ يطرق على قافٍ رهيب
طبعا الحل الأميه وتركز تلميحه بهالبيت
كودها تفنى ولايبقى غبي=مانبي غير المهندس والطبيب
والقصد تفنى الاميه ومانبي الا مهندسين واطباء..... الخ

[ناصر العلي]

[center]الله يسعد ايامك ياابوماجد
وتحية خاصة من ارض المعارض ببريدة وان حصل فرصة سيرنا عليكم بعنيزة
وانا ياابوماجد خبرك مانيب شاعر ولكن نبي نحاول نلمح
ومتى مابغيت نرمع عطنا اشارة
تحياتي

[مسيرs]

ابو على مثل حامل المسك الله يطول بعمره يعني لابد وينفع لو انه ببريده وانا بالعارض ههههه

[ناصر العلي]

هههههههههه
ياحبي لك ياابومعاذ
تراك منتب بعيد عننا
تحياتي

[ابو ماجد 2]

ياحبي لكم اثنينكم
ابو علي وابو معاذ
وانت يابو علي اكتشفت انك لاتجيد التلميح
هههههههههههههههه
لكن هالمره ازين من التلميح بلغز فردوس
كان قلت
آه يابو ماجد اتمنى اني شاعر مثل ابو ذيبان لاعارض لغزك
لكن الجود من الماجود استلم اللي ببالي برساله خاصه
لكن تبقى يالغالي رميع لاتجارى الله يزيدك من فضله
كفوووووووووووو كفووووووووووووووو كفوووووو
يادكتورنا
وكفووووووووووو كفوووووو
يابو معاذ
نعم
العارض
فالرياض كانت تسمى رياض العارض
والعارض هو شعر الخد عند العوام
من دون ذيل عار
من دون راس ارض
والعكس بدون الذيل راع
والرسول صلى الله عليه وسلم يقول عنا .
كلكم راع وكلكم مسئول عن رعيته